โรม 7:15 - พระคริสตธรรมคัมภีร ภาคพันธสัญญาใหม

¹⁵ ข้าพเจ้า​ก็​บ่เข้าใจ๋​ว่า​เยียะ​หยัง​ข้าพเจ้า​เยียะ​ใน​สิ่ง​ตี้​ข้าพเจ้า​เยียะ ย้อน​ว่า​ข้าพเจ้า​บ่ได้​เยียะ​สิ่ง​ดี​ตี้​ใค่​เยียะ แต่​สิ่ง​ตี้​ข้าพเจ้า​จัง ข้าพเจ้า​ก็​เยียะ

โรม 7:15 Iomraidhean Croise

ลูก๋า 11:48

ตี้​หมู่​เจ้า​เยียะ​นั้น​ก็​แสดง​ว่า​หมู่​เจ้า​หัน​ดี​หัน​งาม​กับ​สิ่ง​ตี้​ป้ออุ๊ย​แม่หม่อน​ได้​เยียะ หมู่​เขา​ฆ่า​ผู้​เป๋น​ปาก​เป๋น​เสียง​แตน​พระเจ้า แล้ว​หมู่​เจ้า​ก็​มา​แป๋ง​อุโมงค์​ฝังศพ​หื้อ

ยอห์น 15:15

เฮา​จะ​บ่ฮ้อง​หมู่​ต้าน​ว่า​คน​ฮับใจ๊​แหม ย้อน​ว่า​คน​ฮับใจ๊​บ่ฮู้​ว่า​นาย​ของ​ตั๋ว​เก่า​เยียะ​อะหยัง​พ่อง แต่​เฮา​ฮ้อง​หมู่​ต้าน​ว่า เปื้อน ย้อน​ว่า กู้​สิ่ง​กู้​อย่าง​ตี้​เฮา​ได้ยิน​จาก​พระบิดา​ของ​เฮา เฮา​ก็​บอก​หื้อ​หมู่​ต้าน​ฮู้​แล้ว

โรม 12:9

หื้อ​ฮัก​กั๋น​จาก​ใจ๋​จริง หื้อ​จัง​สิ่ง​ตี้​บ่ดี หื้อ​ยึดมั่น​ใน​สิ่ง​ตี้​ดี

โรม 14:22

หื้อ​ความ​เจื้อ​ของ​ต้าน​ใน​เรื่อง​หมู่​นี้​เป๋น​เรื่อง​หละหว่าง​ต้าน​กับ​พระเจ้า คน​ใด​เยียะ​อะหยัง​ตี้​ถือ​ว่า​ถูกต้อง แล้ว​ใน​ใจ๋​บ่ได้​ฟ้อง​ผิด คน​นั้น​ก็​เป๋น​สุข

โรม 7:16

แล้ว​ถ้า​ข้าพเจ้า​เยียะ​สิ่ง​ตี้​ข้าพเจ้า​บ่ใค่​เยียะ ข้าพเจ้า​ก็​ยอม​ฮับ​ว่า​บท​บัญญัติ​เป๋น​สิ่ง​ดี​งาม

กาลาเทีย 5:17

ย้อน​ว่า​ตั๋ณหา​ของ​สันดาน​บาป​ก็​ขัดแย้ง​กับ​ความ​ต้อง​ก๋าน​ของ​พระวิญญาณ ก็​จะ​ต่อสู้​กั๋น ตึง​สอง​ฝ่าย​นี้​เป๋น​ศัตรู๋​กั๋น ย้อน​จาอั้น​สิ่ง​ตี้​ต้าน​ใค่​เยียะ​จึง​เยียะ​บ่ได้

2 ทิโมธี 2:19

แต่​รากฐาน​ตี้​พระเจ้า​วาง​ไว้​ก็​แน่น​หนา​กับ​ตั้ง​มั่น​อยู่ มี​ข้อเขียน​ไว้​ว่า “องค์​พระผู้เป๋นเจ้า​ฮู้จัก​คน​ตังหลาย​ตี้​เป๋น​ของ​พระองค์” กับ “คน​ตี้​อ้าง​ว่า​เป๋น​คน​ของ​องค์​พระผู้เป๋นเจ้า ต้อง​เลิก​เยียะ​ความ​บ่ดี​เหีย”

ฮีบรู 1:9

พระองค์​ฮัก​ความ​ถูกต้อง​กับ​จัง​สิ่ง​บ่ดี ย้อน​จาอั้น​พระเจ้า​ตี้​เป๋น​พระเจ้า​ของ​พระองค์ จึง​เลือก​พระองค์ กับ​หื้อ​พระองค์​มี​ความ​จื้นจมยินดี​ตี้​ได้​ฮับ​เกียรติ นัก​เหลือ​หมู่​เปื้อน​ของ​พระองค์”

ยากอบ 3:2

เฮา​กู้​คน​เกย​เยียะ​ผิด​กั๋น​อยู่​เจื่อๆ ถ้า​ใผ​บ่เกย​อู้​สิ่ง​ตี้​ผิด คน​นั้น​ก็​เป๋น​คน​ดี​พร้อม​แต๊ๆ กับ​จะ​ควบคุม​ตั๋ว​ของ​ตั๋วเอง​ได้​ตวย

ยูดา 1:23

หื้อ​จ้วย​ดึง​แหม​คน​หื้อ​รอด​จาก​ก๋อง​ไฟ หื้อ​เมตต๋า​กับ​คน​อื่นๆ แต่​หื้อ​หละวัง​ตั๋ว​ดีๆ หื้อ​ขี้จ๊ะ​แม้แต่​เสื้อผ้า​ตี้​เปื้อน​บาป​ของ​หมู่​เขา