โรม 6:13 - พระคริสตธรรมคัมภีร ภาคพันธสัญญาใหม

¹³ ห้าม​ยอม​หื้อ​ตั๋ว​ของ​หมู่​ต้าน​ส่วน​ใด​ส่วน​นึ่ง​เป๋น​เครื่องมือ​ใน​ก๋าน​เยียะ​บาป แต่​หื้อ​ถวาย​ตั๋ว​ของ​หมู่​ต้าน​แก่​พระเจ้า เหมือน​คน​ตี้​เป๋น​ขึ้น​จาก​ความ​ต๋าย​มี​จีวิต​ใหม่ แล้ว​จง​มอบ​ถวาย​กู้​ส่วน​ใน​ตั๋ว​ของ​หมู่​ต้าน​หื้อ​ใจ๊​ใน​ก๋าน​เยียะ​ใน​สิ่ง​ตี้​ถูกต้อง​ต๋าม​ธรรม

โรม 6:13 Iomraidhean Croise

ลูก๋า 15:24

ย้อน​ว่า​ลูก​ของ​เฮา​คน​นี้ ต๋าย​ไป​แล้ว แต่​ได้​ปิ๊ก​เป๋น​ขึ้น​มา​แหม เขา​หาย​ไป​แล้ว​แต่​ได้​มา​ปะ​กั๋น​แหม’ เขา​ตังหลาย​ก็​เริ่ม​ฉลอง​กั๋น

ลูก๋า 15:32

สมควร​ตี้​หมู่​เฮา​จะ​ยินดี​กับ​ฉลอง​กั๋น ย้อน​น้อง​คน​นี้​ต๋าย​แล้ว​แต่​ปิ๊ก​เป๋น​ขึ้น​มา​แหม เขา​หาย​ไป​แล้ว​แต่​ได้​มา​ปะ​กั๋น​แหม’ ”

ยอห์น 5:24

“เฮา​บอก​ความ​จริง​แก่​ต้าน​ตังหลาย​ว่า คน​ตี้​ฟัง​กำ​เฮา​และ​เจื้อ​วางใจ๋​พระองค์​ผู้​ตี้​ใจ๊​เฮา​มา เขา​ก็​มี​จีวิต​นิรันดร์ กับ​จะ​บ่ถูก​ตัดสิน​ลงโต้ษ ย้อน​ว่า​เขา​ได้​ป๊น​จาก​ความ​ต๋าย ไป​มี​จีวิต​นิรันดร์​แล้ว

โรม 1:29

หมู่​เขา​มี​จีวิต​ตี้​มี​ก้า​สิ่ง​บ่ดี​สะป๊ะ มี​ความ​บาป ขี้โลภ แน​จะ​เยียะ​ฮ้าย​คน​อื่น ขอย​กั๋น ฆ่า​กั๋น ผิด​หัว​กั๋น จุล่าย​กั๋น กึ๊ด​ฮ้าย​ต่อ​กั๋น เล่า​ขวัญ​กั๋น

โรม 12:1

ย้อนจาอั้น​ปี้น้อง​ตังหลาย หื้อ​กึ๊ด​เถิง​ความ​เมตต๋า​ตี้​พระเจ้า​มี​ต่อ​หมู่​เฮา ข้าพเจ้า​ขอ​วิงวอน​หมู่​ต้าน​หื้อ​ถวาย​ตั๋ว​ต่อ​พระเจ้า​เป๋น​เครื่อง​ปู่จา​ตี้​มี​จีวิต​อยู่​กับ​บริสุทธิ์ เป๋น​เครื่องปู่จา​ตี้​พระเจ้า​เปิงใจ๋ อัน​นี้​ละ เป๋น​ก๋าน​นมัสก๋าน​ตี้​หมู่​ต้าน​สมควร​เยียะ

โรม 6:11

อย่าง​เดียว​กั๋น​หื้อ​ต้าน​ตังหลาย​ถือ​ว่า​หมู่​ต้าน​ต๋าย​จาก​บาป​แล้ว กับ​หมู่​ต้าน​ก็​ใจ๊​จีวิต​เปื้อ​พระเจ้า โดย​เป๋น​อัน​นึ่ง​อัน​เดียว​กั๋น​กับ​พระเยซู​คริสต์

โรม 6:16

ต้าน​ตังหลาย​บ่ฮู้​กา​ว่า ถ้า​หมู่​ต้าน​ยอม​เป๋น​ขี้ข้า​เจื้อฟัง​ใผ หมู่​ต้าน​ก็​เป๋น​ขี้ข้า​ของ​คน​ตี้​หมู่​ต้าน​เจื้อฟัง​นั้น หมู่​ต้าน​จะ​เป๋น​ขี้ข้า​ของ​บาป​ตี้​เยียะ​หื้อ​ต๋าย กาว่า​เป๋น​ขี้ข้า​เจื้อฟัง​พระเจ้า​ตี้​เยียะ​หื้อ​เป๋น​คน​ถูกต้อง​ต๋าม​ธรรม

โรม 6:19

ตี้​ข้าพเจ้า​ยก​เอา​ตั๋ว​อย่าง​เรื่อง​คน​เป๋น​ขี้ข้า​มา ก็​ย้อน​สิ่ง​นี้​เข้าใจ๋​ยาก​สำหรับ​หมู่​ต้าน หมู่​ต้าน​เกย​ยอม​หื้อ​กู้​ส่วน​ของ​ตั๋ว​เป๋น​ขี้ข้า​ของ​ก๋าน​ลามก​กับ​ก๋าน​เยียะ​บ่ดี​นัก​ขึ้น​ติกๆ จาใด บ่าเดี่ยว​นี้​ขอ​หื้อ​หมู่​ต้าน​ยอม​หื้อ​กู้​ส่วน​ของ​ตั๋ว​เป๋น​ขี้ข้า​ตี้​เยียะ​ต๋าม​ความ​ต้องก๋าน​ของ​พระเจ้า​จาอั้น เปื้อ​จะ​ได้​เป๋น​คน​บริสุทธิ์

โรม 7:23

แต่​ข้าพเจ้า​หัน​ว่า​มี​กฎ​ธรรมดา​ใน​จีวิต​แหม​อย่าง​ตี้​อยู่​ใน​ตั๋ว​ข้าพเจ้า เซิ่ง​ต่อสู้​กับ​กฎ​ตี้​ข้าพเจ้า​ยอมฮับ​ใน​จิตใจ๋ แล้ว​เยียะ​หื้อ​ข้าพเจ้า​อยู่​ใน​บังคับ​ของ​บาป​ตี้​อยู่​ใน​ตั๋ว​ข้าพเจ้า

โรม 7:5

ตะก่อน​ต๋อน​หมู่​เฮา​ใจ๊​จีวิต​ต๋าม​สันดาน​บาป บท​บัญญัติ​ก็​กระตุ้น​ตั๋ณหา​ตี้​อยู่​ใน​ตั๋ว​หื้อ​เยียะ​สิ่ง​บ่ดี เซิ่ง​จะ​นำ​หมู่​เฮา​ไป​เถิง​ความ​ต๋าย

1 โครินธ์ 6:15

หมู่​ต้าน​ฮู้​แล้ว​บ่ใจ้​กา ว่า​ตั๋ว​ของ​หมู่​ต้าน​เป๋น​ส่วน​ต่างๆ ของ​ตั๋ว​พระคริสต์ ย้อน​จาอั้น ข้าพเจ้า​จะ​เอา​ส่วน​นึ่ง​ส่วน​ใด​ของ​พระคริสต์​ไป​ฮ่วม​หลับนอน​กับ​แม่ญิง​ขาย​ตั๋ว​กา ห้าม​หื้อ​เป๋น​จาอั้น​เน่อ

1 โครินธ์ 6:20

ย้อน​พระเจ้า​ได้​ซื้อ​หมู่​ต้าน​มา​แปง​ขนาด จาอั้น​หื้อ​ใจ๊​ตั๋ว​ของ​หมู่​ต้าน​หื้อ​เกียรติ​พระเจ้า​เต๊อะ

1 โครินธ์ 6:9

หมู่​ต้าน​ก็​ฮู้​อยู่​แล้ว​ว่า คน​บ่ดี​จะ​บ่มี​ส่วน​แบ่ง​ใน​แผ่นดิน​ของ​พระเจ้า บ่ดี​จุ​ตั๋ว​เก่า​เน่อ คน​ตี้​ล่วง​ประเวณี คน​ตี้​กราบ​ไหว้​ฮูป​เคารพ คน​ตี้​ผิด​ผัว​ผิด​เมีย​คน​อื่น ป้อจาย​ขาย​ตั๋ว กาว่า​คน​ตี้​ฮัก​เพศ​เดียว​กั๋น

2 โครินธ์ 10:4

ย้อน​ว่า​อาวุธ​ของ​เฮา​ตี้​ใจ๊​สู้ฮบ​นั้น บ่เหมือน​อาวุธ​ใน​โลก​นี้ แต่​อาวุธ​ของ​เฮา​มี​ฤทธิ์​อำนาจ​ของ​พระเจ้า​ตี้​จะ​ทำลาย​ฐาน​ตี้​ตั้ง​ได้ คือ​ทำลาย​เหตุผล​ผิดๆ

2 โครินธ์ 5:14

ย้อน​ความ​ฮัก​ของ​พระคริสต์​ควบคุม​เฮา​อยู่ เฮา​มั่นใจ๋​จาอี้​ว่า มี​ผู้​นึ่ง​ต๋าย​เปื้อ​เฮา​กู้​คน จาอั้น​เฮา​กู้​คน​ก็​ได้​ต๋าย​กั๋น​หมด​แล้ว

2 โครินธ์ 5:15

พระองค์​ต๋าย​เปื้อ​กู้​คน เปื้อ​คน​ตี้​มี​จีวิต​อยู่ จะ​บ่อยู่​เปื้อ​ตั๋ว​เก่า​แหม​ต่อ​ไป แต่​จะ​อยู่​เปื้อ​พระองค์​ผู้​ตี้​ต๋าย​แล้ว กับ​เป๋น​ขึ้น​จาก​ความ​ต๋าย​เปื้อ​หมู่​เขา

2 โครินธ์ 8:5

กับ​หื้อ​นัก​เหลือ​ตี้​เฮา​กึ๊ด​ไว้​แหม คือ​หมู่​เขา​ได้​หื้อ​จีวิต​ของ​หมู่​เขา​แก่​องค์​พระ​ผู้​เป๋น​เจ้า​ก่อน แล้ว​จึง​ได้​หื้อ​จีวิต​ของ​หมู่​เขา​กับ​เฮา​ต๋าม​ความ​ต้องก๋าน​ของ​พระเจ้า

เอเฟซัส 2:5

เถิง​แม้ว่า​เฮา​ได้​ต๋าย​ไป​แล้ว​ใน​ฝ่าย​จิตวิญญาณ​ย้อน​ความ​บาป​ของ​เฮา แต่​พระเจ้า​ก็​หื้อ​ต้าน​มี​จีวิต​ใหม่​ฮ่วม​กับ​พระคริสต์ ตี้​หมู่​ต้าน​รอด​ป๊น​บาป​โต้ษ​นั้น ก็​ย้อน​พระคุณ​ของ​พระเจ้า

เอเฟซัส 5:14

ย้อน​ว่า​กู้​สิ่ง​กู้​อย่าง​ตี้​แสง​ส่อง​หื้อ​หัน​นั้น ก็​เป่งแจ้ง​ไป​ตวย จาอั้น​เลย​มี​กำเขียน​ไว้​ว่า “คน​ตี้​หลับ​อยู่​ก็​หื้อ​ลุก​ขึ้น​เต๊อะ หื้อ​เป๋น​ขึ้น​จาก​ความ​ต๋าย แล้ว​พระคริสต์​จะ​ส่อง​แสง​ไป​ต้อง​ตั๋ว​ต้าน”

ฟีลิปปี 1:20

ข้าพเจ้า​คาดหวัง​อย่าง​ยิ่ง​กับ​หวัง​ว่า​จะ​บ่เลิก​เยียะ​หน้าตี้ แต่​จะ​มี​ความ​ก้า​ปอ​ตี้​จะ​หื้อ​พระคริสต์​ได้ฮับ​เกียรติ​อยู่​ตลอด โดย​จีวิต​ของ​ข้าพเจ้า แม้​แต่​บ่าเดี่ยวนี้ บ่ว่า​จะ​ต๋าย​กาว่า​มี​จีวิต​อยู่

โคโลสี 2:13

ตะก่อน​หมู่​ต้าน​เผียบ​เหมือน​คน​ตี้​ต๋าย​ไป​แล้ว​ใน​ฝ่าย​จิตวิญญาณ​ย้อน​ซอบ​เยียะ​บาป กับ​ยัง​อยู่​ใต้​อำนาจ​ของ​สันดาน​บาป แต่​พระเจ้า​ก็​หื้อ​ต้าน​มี​จีวิต​ใหม่​ฮ่วม​กับ​พระคริสต์ กับ​ได้​ยกโต้ษ​บาป​หื้อ​ต้าน​แล้ว

โคโลสี 3:5

ย้อน​จาอั้น​หื้อ​ก๋ำจัด​สันดาน​บาป​ใน​ตั๋ว​ต้าน​เหีย ยก​ตั๋วอย่าง ก๋าน​เยียะ​บาป​ตาง​เพศ ลามก ตั๋ณหา เรื่อง​บ่ดี​ต่างๆ กับ​ความ​โลภ​เซิ่ง​เป๋น​เหมือน​ก๋าน​นับถือ​ฮูป​เคารพ

2 เธสะโลนิก๋า 2:12

แล้ว​พระเจ้า​จะ​ตัดสิน​ลงโต้ษ​คน​ตี้​บ่เจื้อ​ความ​จริง แต่​ปา​กั๋น​ม่วน​กับ​ความ​บาป

2 ทิโมธี 2:15

หื้อ​พยายาม​อย่าง​เต๋มตี้​เยียะ​หื้อ​พระเจ้า​ปอใจ๋​ต้าน เป๋น​คนงาน​ตี้​บ่มี​อะหยัง​ต้อง​อาย กับ​เป๋น​คน​ตี้​สอน​ถ้อยกำ​ตี้​เป๋น​ความ​จริง​ของ​พระเจ้า​อย่าง​ถูกต้อง

ยากอบ 4:1

หมู่​ต้าน​ฮู้​ก่อ​ว่า ตี้​หมู่​ต้าน​ผิด​หัว​กั๋น​กับ​สู้​ฮบ​กั๋น​นั้น​ย้อน​อะหยัง ก็​ย้อน​กิเลส​ตั๋ณหา​ตี้​สู้​กั๋น​อยู่​ใน​ใจ๋​ของ​หมู่​ต้าน​นั้น​เนาะ

1 เปโตร 2:24

พระองค์​ใจ๊​ตั๋ว​ของ​พระองค์​แบก​บาป​ของ​หมู่​เฮา​ไว้​บน​ไม้​ก๋าง​เขน​นั้น เปื้อ​หมู่​เฮา​จะ​ได้​ต๋าย​จาก​ความ​บาป แล้ว​ใจ๊​จีวิต​ตี้​ถูกต้อง​ต๋าม​ธรรม หมู่​ต้าน​ได้ฮับ​ก๋าน​ฮักษา​หื้อ​หาย​ก็​ย้อน​แผล​จาก​ตั๋ว​พระองค์​นี้​ละ

1 เปโตร 4:2

แล้ว​หื้อ​ใจ๊​จีวิต​ตี้​เหลือ​ต๋าม​ความ​ต้องก๋าน​ของ​พระเจ้า บ่ใจ้​ต๋าม​กิเลส​ตั๋ณหา​อย่าง​คน​ทั่ว​ไป

1 ยอห์น 1:9

แต่​ถ้า​เฮา​สารภาพ​บาป​ของ​เฮา พระเจ้า​ผู้​สัตย์ซื่อ​กับ​เยียะ​ใน​สิ่ง​ตี้​ถูกต้อง​ตลอด จะ​ยกโต้ษ​บาป​หื้อ​เฮา พระองค์​จะ​ซ่วย​ล้าง​เฮา​หื้อ​หมด​ใส​จาก​บาป​กู้​อย่าง​ตวย