โรม 3:4 - พระคริสตธรรมคัมภีร ภาคพันธสัญญาใหม

⁴ บ่ใจ้​จาอั้น​เน่อ เถิงแม้​กู้​คน​จะ​ขี้​จุ​กั๋น​หมด แต่​พระเจ้า​ก็​ยัง​อู้​ก้า​ความ​จริง อย่าง​ตี้​มี​เขียน​ไว้​ใน​พระคัมภีร์​ว่า “เปื้อ​พิสูจน์​ว่า​เมื่อ​พระองค์​อู้​ก็​ถูก กับ​เมื่อ​มี​ก๋าน​ตัดสิน​คดี พระองค์​ก็​มี​ชัย”

โรม 3:4 Iomraidhean Croise

มัทธิว 11:19

ส่วน​บุตรมนุษย์​ได้​ตึง​กิ๋น​ตึง​ดื่ม คน​ตังหลาย​ก็​ว่า ‘ผ่อ​คน​นี้​ลอ ขี้​กละ ขี้​เมา​ตวย ป๋าย​บ่ปอ​ยัง​เป๋น​เปื้อน​กับ​คน​เก็บ​ภาษี คบ​กั๋น​กับ​คน​บาป’ แต่​ปั๋ญญา​ของ​พระเจ้า​นั้น​ก็​ได้ฮับ​ก๋าน​ยอมฮับ​ว่า​ถูกต้อง​แล้ว​จาก​ผล​ตี้​ออก​มา”

ลูก๋า 20:16

เขา​ก็​จะ​มา​ฆ่า​หมู่​คน​เจ้า​สวน​หมู่​นั้น​เหีย แล้ว​เอา​สวน​องุ่น​นั้น​ไป​หื้อ​คน​อื่น​เจ้า​ต่อ” คน​ตังหลาย​เมื่อ​ได้ยิน​จาอั้น​ก็​อู้​กั๋น​ว่า “บ่ดี​หื้อ​เป๋น​จาอั้น​เต๊อะ”

ยอห์น 3:33

ส่วน​คน​ตี้​ยอมฮับ​กำ​พยาน​นั้น ก็​แสดง​ว่า​เขา​เจื้อ​ถ้อยกำ​ของ​พระเจ้า​ว่า​เป๋น​ความ​จริง

โรม 11:1

ข้าพเจ้า​ขอ​ถาม​ว่า “พระเจ้า​ละ​ขว้าง​คน​ของ​พระองค์​แล้ว​กา” บ่ใจ้​เน่อ ข้าพเจ้า​เอง​ก็​เป๋น​จาว​อิสราเอล เป๋น​ลูกหลาน​ของ​อับราฮัม เป๋น​คน​จาก​เผ่า​เบนยามิน

โรม 11:11

ข้าพเจ้า​ขอ​ถาม​แหม​ว่า จาว​อิสราเอล​ต้าว​จ๋น​ลุก​บ่ได้​กา บ่ใจ้​จาอั้น​เน่อ แต่​ย้อน​บาป​ของ​หมู่​เขา คน​ต่างจ้าด​จึง​ได้​ฮับ​ความ​รอด​ป๊น​บาป​โต้ษ เปื้อ​เยียะ​หื้อ​จาว​อิสราเอล​ขอย

โรม 3:31

ถ้า​จาอั้น​หมู่​เฮา​จะ​ยกเลิก​บ่เอา​บท​บัญญัติ​โดย​อ้าง​ความ​เจื้อ​กา บ่ใจ้​จาอั้น​แน่นอน แต่​เมื่อ​เฮา​มี​ความ​เจื้อ เฮา​ก็​ได้​สนับ​สนุน​บท​บัญญัติ​ตวย

โรม 6:15

ถ้า​จาอั้น​จะ​ว่า​จาใด เฮา​จะ​เยียะ​บาป​ย้อน​บ่ได้​อยู่​ใต้​บท​บัญญัติ แต่​อยู่​ใต้​พระคุณ​จาอั้น​กา บ่ใจ้​เน่อ

โรม 6:2

บ่แม่น​จาอั้น​เน่อ หมู่​เฮา​จะ​ยัง​เยียะ​บาป​ต่อ​ไป​ได้​จาใด ใน​เมื่อ​เฮา​ได้​ต๋าย​จาก​อำนาจ​ของ​บาป​แล้ว

โรม 7:13

ถ้า​จาอั้น​สิ่ง​ดี​นั้น​เยียะ​หื้อ​ข้าพเจ้า​ต้อง​ต๋าย​กา บ่ใจ้​จาอั้น​แน่นอน แต่​เป๋น​บาป​ตี้​ใจ๊​สิ่ง​ดี​นั้น​เยียะ​หื้อ​ข้าพเจ้า​ต้อง​ต๋าย เปื้อ​เยียะ​หื้อ​หัน​ว่า​บาป​เป๋น​จาใด แล้ว​บท​บัญญัติ​ก็​เยียะ​หื้อ​ข้าพเจ้า​ฮู้​ว่า​บาป​เป๋น​สิ่ง​บ่ดี​ขนาด

โรม 7:7

ถ้า​จาอั้น​หมู่​เฮา​จะ​ว่า​จาใด จะ​ว่า​บท​บัญญัติ​คือ​บาป​กา บ่ใจ้​จาอั้น​แน่นอน ถ้า​บ่มี​บท​บัญญัติ​ข้าพเจ้า​ก็​บ่ฮู้​ว่า​อะหยัง​เป๋น​บาป​พ่อง ข้าพเจ้า​จะ​บ่ฮู้​เลย​ว่า​ก๋าน​โลภ​นั้น​ผิด​ถ้า​บท​บัญญัติ​บ่ได้​เขียน​ว่า “ห้าม​โลภ”

โรม 9:14

ถ้า​จาอั้น​เฮา​จะ​ว่า​จาใด พระเจ้า​ลำเอียง​กา บ่ใจ้​จาอั้น​เน่อ

1 โครินธ์ 6:15

หมู่​ต้าน​ฮู้​แล้ว​บ่ใจ้​กา ว่า​ตั๋ว​ของ​หมู่​ต้าน​เป๋น​ส่วน​ต่างๆ ของ​ตั๋ว​พระคริสต์ ย้อน​จาอั้น ข้าพเจ้า​จะ​เอา​ส่วน​นึ่ง​ส่วน​ใด​ของ​พระคริสต์​ไป​ฮ่วม​หลับนอน​กับ​แม่ญิง​ขาย​ตั๋ว​กา ห้าม​หื้อ​เป๋น​จาอั้น​เน่อ

2 โครินธ์ 1:18

พระเจ้า​สัตย์ซื่อ​แต๊ๆ จาใด กำ​ของ​เฮา​ตี้​อู้​กับ​หมู่​ต้าน​ก็​บ่ใจ้​เป๋น​กำ​แต๊​กับ​บ่แต๊ พร้อม​กั๋น​จาอั้น

กาลาเทีย 2:17

ถ้า​ต๋อน​ตี้​เฮา​ยอม​เป๋น​คน​ถูกต้อง​ต๋าม​ธรรม​ผ่าน​ตาง​พระคริสต์ แต่​จาว​ยิว​ถือ​ว่า​เฮา​เป๋น​คน​บาป​ย้อน​บ่เยียะ​ตวย​ต๋าม​บท​บัญญัติ สิ่ง​นี้​หมายความ​ว่า​พระคริสต์​สนับ​สนุน​หื้อ​เฮา​เยียะ​บาป​กา บ่ใจ้​แน่ๆ

กาลาเทีย 2:21

ข้าพเจ้า​บ่ละ​ขว้าง​พระคุณ​ของ​พระเจ้า ย้อน​ว่า​ถ้า​ก๋าน​เยียะ​ต๋าม​บท​บัญญัติ​เยียะ​หื้อ​เป๋น​คน​ถูกต้อง​ต๋าม​ธรรม ก๋าน​ตี้​พระคริสต์​ต๋าย​นี้​ก็​บ่เกิด​ประโยชน์​อะหยัง”

กาลาเทีย 6:14

ข้าพเจ้า​บ่ขอ​อวด​อะหยัง​เลย นอก​จาก​เรื่อง​ก๋าน​ต๋าย​บน​ไม้​ก๋าง​เขน​ของ​พระเยซู​คริสต์​องค์​พระ​ผู้​เป๋น​เจ้า​ของ​หมู่​เฮา​เต้า​อั้น โดย​ไม้​ก๋าง​เขน​นั้น​โลก​นี้​ได้​ต๋าย​จาก​ข้าพเจ้า​ไป​แล้ว กับ​ข้าพเจ้า​ก็​ได้​ต๋าย​จาก​โลก​นี้​เหมือน​กั๋น

1 ทิโมธี 3:16

แม่น​แล้ว ข้อ​ล้ำเลิ็ก​แห่ง​ศาสนา​ของ​เฮา​ยิ่งใหญ่ คือ​ว่า พระเยซู​คริสต์​มา​ป๋ากฏ​เป๋น​คน แล้ว​พระวิญญาณ​บริสุทธิ์​แสดง​หื้อ​หัน​ว่า​พระองค์​เป๋น​ตี้​ปอใจ๋​ของ​พระเจ้า กับ​หมู่​ทูตสวรรค์​ได้​หัน​พระองค์ แล้ว​คน​ตังหลาย​ได้​บอก​เรื่อง​พระองค์​หื้อ​แก่​คน​กู้​จ้าด​ฮู้ แล้ว​คน​ใน​โลก​ก็​เจื้อ​พระองค์ กับ​พระเจ้า​ก็​ฮับ​พระองค์​ไป​สวรรค์

ทิตัส 1:2

เซิ่ง​ความ​จริง​นี้​เยียะ​หื้อ​หมู่​เขา​มี​ความ​มั่นใจ๋​จะ​ฮับ​จีวิต​นิรันดร์ ตี้​พระเจ้า​ผู้​บ่เกย​จุ​สัญญา​ไว้​ก่อน​สร้าง​โลก​มา​แล้ว​ว่า​จะ​หื้อ

ฮีบรู 6:18

สิ่ง​ตี้​พระองค์​สัญญา​กับ​สาบาน​เปี่ยน​ตึง​บ่ได้ ย้อน​ว่า​เป๋น​ไป​บ่ได้​ตี้​พระเจ้า​จะ​อู้​จุ จาอั้น​หมู่​เฮา​ตี้​ได้​เปิ้ง​พระองค์ ก็​มี​ก๋ำลังใจ๋​นัก​ขึ้น​ขนาด ตี้​จะ​ได้​ยึด​ความ​หวัง​ตี้​พระองค์​ได้​หื้อ​ไว้

1 ยอห์น 5:10

คน​ตี้​เจื้อ​วางใจ๋​ใน​พระบุตร​ของ​พระเจ้า ก็​มี​กำพยาน​ของ​พระเจ้า​อยู่​ใน​ใจ๋​ของ​เขา​แล้ว คน​ตี้​บ่เจื้อ​พระเจ้า​ก็​หา​ว่า​พระเจ้า​ขี้​จุ ย้อน​ว่า​เขา​บ่เจื้อ​ใน​กำ​ยืนยัน​ของ​พระเจ้า​ตี้​เกี่ยวกับ​พระบุตร​ของ​พระองค์

1 ยอห์น 5:20

แต่​เฮา​ก็​ฮู้​ว่า​พระบุตร​ของ​พระเจ้า​มา​แล้ว กับ​หื้อ​ความ​เข้าใจ๋​กับ​เฮา เปื้อ​เฮา​จะ​ฮู้จัก​พระเจ้า​ผู้​เป๋น​ความ​จริง เฮา​มี​ความ​สัมพันธ์​กับ​พระองค์​ผู้​เป๋น​ความ​จริง​นั้น โดย​ความ​สัมพันธ์​ตี้​เฮา​มี​กับ​พระเยซู​คริสต์​พระบุตร​ของ​พระองค์ พระองค์​ผู้​นี้​เป๋น​พระเจ้า​เตี้ยง​แต๊​กับ​เป๋น​ผู้​ตี้​เยียะ​หื้อ​คน​มี​จีวิต​นิรันดร์

วิวรณ์ 3:7

“หื้อ​เขียน​เถิง​ทูตสวรรค์​ของ​คริสตจักร​ใน​เมือง​ฟิลาเดลเฟีย​ว่า “พระองค์​ผู้​บริสุทธิ์​ซื่อสัตย์ ตี้​ก๋ำ​ลูก​ขะแจ๋​ของ​กษัตริย์​ดาวิด คือ​ผู้​ตี้​เปิด​ปะตู๋​แล้ว​จะ​บ่มี​ใผ​หับ​ได้ เป๋น​ผู้​ตี้​หับ​ปะตู๋​แล้ว​ก็​บ่มี​ใผ​เปิด​ได้ อู้​ว่า