โรม 3:10 - พระคริสตธรรมคัมภีร ภาคพันธสัญญาใหม

¹⁰ อย่าง​ตี้​มี​เขียน​ไว้​ใน​พระคัมภีร์​ว่า “บ่มี​ใผ​เป๋น​คน​ตี้​ถูกต้อง​ต๋าม​ธรรม บ่มี​เลย​สัก​คน

โรม 3:10 Iomraidhean Croise

มัทธิว 15:19

ย้อน​ว่า​ก๋าน​กึ๊ด​ฮ้าย ก๋าน​ฆ่า​คน ก๋าน​เล่น​จู๊ ก๋าน​เยียะ​บาป​ตาง​เพศ​กู้​อย่าง ก๋าน​ลัก​ของ ก๋าน​ขี้​จุ ก๋าน​ใส่​ฮ้าย​คน​อื่น​ก็​ออก​มา​จาก​จิตใจ๋​ของ​คน

มาระโก 10:18

พระเยซู​ตอบ​เขา​ว่า “ต้าน​ฮ้อง​เฮา​ว่า​ผู้​ดี​เลิศ​เยียะ​หยัง บ่มี​ใผ​ดี​เลิศ​นอก​จาก​พระเจ้า​องค์​เดียว​เต้าอั้น

โรม 11:8

ต๋าม​ตี้​พระคัมภีร์​มี​เขียน​ไว้​ว่า “พระเจ้า​เยียะ​หื้อ​จิตใจ๋​เขา​เซื่องซึม ต๋า​ของ​เขา​ก็​ผ่อ​บ่หัน หู​ของ​เขา​ก็​บ่ได้ยิน​จ๋น​แผว​ตึง​วัน​นี้”

โรม 3:11

บ่มี​คน​ตี้​เข้าใจ๋ บ่มี​คน​ตี้​เซาะหา​พระเจ้า

โรม 3:23

ย้อน​ว่า​กู้​คน​เยียะ​บาป​เหมือน​กั๋น​หมด บ่มี​ใผ​ไป​เถิง​มาตรฐาน​อัน​มี​เกียรติ​ของ​พระเจ้า​ได้​สัก​คน

โรม 3:4

บ่ใจ้​จาอั้น​เน่อ เถิงแม้​กู้​คน​จะ​ขี้​จุ​กั๋น​หมด แต่​พระเจ้า​ก็​ยัง​อู้​ก้า​ความ​จริง อย่าง​ตี้​มี​เขียน​ไว้​ใน​พระคัมภีร์​ว่า “เปื้อ​พิสูจน์​ว่า​เมื่อ​พระองค์​อู้​ก็​ถูก กับ​เมื่อ​มี​ก๋าน​ตัดสิน​คดี พระองค์​ก็​มี​ชัย”

ทิตัส 3:3

เมื่อ​ตะก่อน​เฮา​ก็​เกย​เป๋น​คน​บ่หลวก บ่เจื้อฟัง กับ​หลงผิด ตก​เป๋น​ขี้ข้า​ของ​ตั๋ณหา​กับ​ก๋าน​ม่วน​งัน​สัน​เล้า จีวิต​มี​ก้า​เรื่อง​ขอย​กั๋น ตึง​ความ​บ่ดี​เต๋ม​ไป​หมด เฮา​จัง​คน​อื่น คน​อื่น​จัง​เฮา​ตวย

1 เปโตร 1:16

เหมือน​ตี้​มี​เขียน​ไว้​ใน​พระคัมภีร์​ว่า “หื้อ​หมู่​ต้าน​เป๋น​คน​บริสุทธิ์ ย้อน​ว่า​เฮา​บริสุทธิ์”

วิวรณ์ 21:8

แต่​คน​ตี้​ขี้แขะ คน​ตี้​ละ​ความ​เจื้อ​ไป คน​ตี้​เยียะ​สิ่ง​ตี้​น่า​ขี้จ๊ะ คน​ตี้​ฆ่า​คน คน​ตี้​ล่วง​ประเวณี คน​ตี้​ใจ๊​เวทมนตร์​กาถา คน​ตี้​กราบ​ไหว้​ฮูป​เคารพ กับ​กู้​คน​ตี้​อู้​ขี้​จุ​ขี้​ล่าย จะ​อยู่​ใน​บึง​ไฟ​กำมะถัน​ตี้​ก่ำลัง​ลุก​ไหม้ นั่น​จะ​เป๋น​ความ​ต๋าย​เตื้อ​สุดต๊าย”

วิวรณ์ 22:15

ส่วน​คน​ตี้​อยู่​นอก​เมือง​เป๋น​หมู่​หมา คือ​คน​ตี้​ใจ๊​เวทมนตร์​กาถา คน​ตี้​ล่วง​ประเวณี คน​ตี้​ฆ่า​คน​อื่น คน​ตี้​กราบ​ไหว้​ฮูป​เคารพ กับ​คน​ตี้​ฮัก​ก๋าน​ขี้​จุ​กับ​จุ​อยู่​ตลอด​เวลา