โรม 2:4 - พระคริสตธรรมคัมภีร ภาคพันธสัญญาใหม

⁴ กาว่า​ต้าน​ดู​หมิ่น​ดู​แควน​ความ​กรุณา ความ​อดใจ๋ กับ​ความ​อดทน​อัน​ยิ่งใหญ่​ของ​พระองค์ ต้าน​บ่ฮู้​กา ว่า​ความ​กรุณา​ของ​พระองค์​นั้น​ก็​เปื้อ​หื้อ​โอกาส​ต้าน​กลับใจ๋​จาก​บาป

โรม 2:4 Iomraidhean Croise

โรม 10:12

พระเจ้า​ถือ​ว่า​จาว​ยิว​กับ​คน​ต่างจ้าด​บ่ต่าง​กั๋น ย้อน​พระองค์​เป๋น​องค์​พระผู้เป๋นเจ้า​ของ​กู้​คน กับ​พระองค์​จะ​ปั๋น​ปอน​อย่าง​เต๋มตี้​หื้อ​กับ​กู้​คน​ตี้​อ้อนวอน​ขอ​พระองค์

โรม 11:22

ย้อนจาอั้น​หื้อ​ตอง​ผ่อ​เรื่อง​ความ​เมตต๋า​กับ​ความ​เด็ดขาด​ของ​พระเจ้า​หื้อ​ดี พระองค์​เยียะ​กับ​คน​ตี้​บ่เจื้อ​อย่าง​เด็ดขาด แต่​จะ​เมตต๋า​ต่อ​ต้าน ถ้า​ต้าน​เยียะ​ตั๋ว​หื้อ​สม​กับ​ความ​เมตต๋า​นั้น​ต่อไป แต่​ถ้า​ต้าน​บ่เยียะ​จาอั้น พระองค์​ก็​จะ​ตัด​ต้าน​ขว้าง​เหมือน​กั๋น

โรม 11:33

โอ ปั๋ญญา​กับ​ความ​ฮู้​ของ​พระเจ้า​ก็​ล้ำเลิ็ก ก๋าน​ตัดสิน​ของ​พระองค์​นั้น​บ่มี​ใผ​อธิบาย​ได้ กับ​วิถี​ตาง​ต่างๆ ของ​พระองค์​ใผ​ก็​บ่เข้าใจ๋

โรม 3:25

พระเจ้า​ตั้ง​พระเยซู​คริสต์​ไว้​หื้อ​เป๋น​เครื่องปู่จา​เปื้อ​ไถ่​บาป​หื้อ​หมู่​เฮา โดย​ตาง​ความ​เจื้อ​ว่า​พระเยซู​หลั่ง​เลือด​เปื้อ​หมู่​เฮา พระเจ้า​เยียะ​จาอี้​เปื้อ​หื้อ​หัน​เถิง​ความ​ยุติธรรม​ของ​พระองค์ ตี้​ตะก่อน​พระองค์​อดใจ๋​บ่ลงโต้ษ​บาป​ตี้​คน​ได้​เยียะ​มา

โรม 6:1

เมื่อ​เป๋น​จาอั้น​หมู่​เฮา​จะ​ว่า​จาใด หมู่​เฮา​ยัง​จะ​เยียะ​บาป​ต่อ​ไป​เปื้อ​เฮา​จะ​ได้ฮับ​พระคุณ​ของ​พระเจ้า​นัก​ขึ้น​จาอั้น​กา

โรม 6:15

ถ้า​จาอั้น​จะ​ว่า​จาใด เฮา​จะ​เยียะ​บาป​ย้อน​บ่ได้​อยู่​ใต้​บท​บัญญัติ แต่​อยู่​ใต้​พระคุณ​จาอั้น​กา บ่ใจ้​เน่อ

2 โครินธ์ 8:2

ย้อน​ว่า ต๋อน​ตี้​หมู่​เขา​ได้ฮับ​ความ​ตุ๊กยาก​อย่าง​หนัก​มา​ทดลองใจ๋​หมู่​เขา​นัก​ขนาด​นั้น หมู่​เขา​ก็​มี​ความ​จื้นจมยินดี​จ๋น​เต๋มล้น จ๋น​เถิง​ขนาด​แบ่งปั๋น​หื้อ​กับ​คน​อื่น​อย่าง​ใจ๋​กว้าง เถิงแม้​ว่า​หมู่​เขา​จะ​เป๋น​คน​ตุ๊กยาก​นัก​ขนาด

เอเฟซัส 1:18

ขอ​พระองค์​จ้วย​เปิดต๋า​เปิดใจ๋​ของ​หมู่​ต้าน เปื้อ​หมู่​ต้าน​จะ​ได้​ฮู้​ว่า พระองค์​ฮ้อง​หื้อ​หมู่​ต้าน​มา​มี​ความ​หวัง​อะหยัง กับ​ฮู้​ว่า​ปอน​ตี้​พระองค์​สัญญา​ว่า​จะ​หื้อ​กับ​คน​ของ​พระองค์​นั้น​ดีเลิศ​มอก​ใด

เอเฟซัส 1:7

โดย​ก๋าน​ต๋าย​ของ​พระเยซู เลือด​ของ​พระองค์​ก็​ไถ่​เฮา​แล้ว คือ​เฮา​ได้ฮับ​ก๋าน​ยกโต้ษ​บาป ย้อน​พระคุณ​อัน​ใหญ่​หลวง​ของ​พระองค์

เอเฟซัส 2:4

แต่​ความ​เมตต๋า​ของ​พระเจ้า​กับ​ความ​ฮัก​ตี้​พระองค์​มี​หื้อ​เฮา​นั้น​นัก​ขนาด

เอเฟซัส 2:7

ตี้​พระเจ้า​เยียะ​จาอี้ ก็​เปื้อ​หื้อ​ยุค​ต่อๆ ไป จะ​ได้​หัน​พระคุณ​อัน​เหลือ​ล้น​ของ​พระองค์ โดย​ความ​เมตต๋า​ของ​พระองค์​ผ่าน​ตาง​พระเยซู​คริสต์

เอเฟซัส 3:16

ข้าพเจ้า​อธิษฐาน​ขอ​พระเจ้า​ตี้​จะ​หื้อ​ฤทธิ์​อำนาจ​ตึงหมด​กับ​หมู่​ต้าน จาก​ปอน​อัน​ยิ่งใหญ่​ของ​พระองค์​ใน​สวรรค์​ผ่าน​ตาง​พระวิญญาณ เปื้อ​ต้าน​จะ​ได้​มี​จิตใจ๋​ตี้​เข้มแข็ง

เอเฟซัส 3:8

เถิงแม้​ว่า ข้าพเจ้า​เป๋น​คน​ตี้​ต่ำต้อย​เหลือ​คน​ต่ำต้อย​ตี้​สุด​ใน​หมู่​คน​ของ​พระเจ้า แต่​พระเจ้า​ก็​ได้​หื้อ​พระคุณ​นี้​กับ​ข้าพเจ้า​เปื้อ​หื้อ​เอา​ข่าวดี​มา​บอก​คน​ต่างจ้าด ข่าวดี​นั้น​ก็​คือ​ปอน​ของ​พระคริสต์​ตี้​นัก​จ๋น​สุด​กำกึ๊ด​ตี้​จะ​กึ๊ด​ได้

ฟีลิปปี 4:19

กับ​พระเจ้า​ตี้​ข้าพเจ้า​ฮับใจ๊ จะ​จัดหา​กู้​สิ่ง​ตี้​หมู่​ต้าน​ต้องก๋าน​จาก​ความ​มั่งคั่ง​ตี้​สมบูรณ์​ของ​พระองค์ โดย​ผ่าน​ตาง​พระเยซู​คริสต์

โคโลสี 1:27

พระเจ้า​ต้องก๋าน​หื้อ​คน​ของ​พระองค์​ฮู้​ว่า ข้อล้ำเลิ็ก​ตี้​ยิ่งใหญ่​กับ​ดีเลิศ​นี้​ก็​เปิดเผย​หื้อ​คน​ต่างจ้าด​ตวย คือ​พระคริสต์​อยู่​ใน​เฮา เยียะ​หื้อ​เฮา​มี​ความ​หวัง​ตี้​จะ​ได้ฮับ​เกียรติ​ใน​สวรรค์

โคโลสี 2:2

ข้าพเจ้า​เยียะ​จาอี้​เปื้อ​หมู่​เขา​จะ​มี​ก๋ำลังใจ๋ มี​ความ​ฮัก​ตี้​จะ​เยียะ​หื้อ​เขา​เป๋น​อัน​นึ่ง​อัน​เดียว​กั๋น กับ​มี​ความ​ฮู้​ความ​เข้าใจ๋​อย่าง​เต๋มตี้​ใน​ข้อ​ล้ำเลิ็ก​ของ​พระเจ้า คือ​พระคริสต์

1 ทิโมธี 1:16

แต่​พระเจ้า​เมตต๋า​ข้าพเจ้า เปื้อ​พระเยซู​คริสต์​จะ​ได้​เยียะ​หื้อ​หัน​ว่า​พระองค์​อดทน​ขนาด​หนัก​ต่อ​คน​บาป​หนา​ตี้​สุด​อย่าง​ข้าพเจ้า เปื้อ​เป๋น​ตั๋ว​อย่าง​หื้อ​กับ​คน​ตี้​จะ​ฮับ​เจื้อ​พระองค์ แล้ว​มี​จีวิต​นิรันดร์​ตลอด​ไป

1 ทิโมธี 6:17

สำหรับ​คน​รวย​ใน​โลก​นี้ หื้อ​สั่ง​หมู่​เขา​ว่า​บ่ดี​หยิ่ง กาว่า​ฝาก​ความ​หวัง​ไว้​กับ​ทรัพย์​สมบัติ​ตี้​บ่แน่นอน แต่​หื้อ​ฝาก​ความ​หวัง​ไว้​กับ​พระเจ้า ผู้​แบ่งปั๋น​กู้​สิ่ง​กู้​อย่าง​หื้อ​กับ​เฮา​อย่าง​เหลือ​ล้น เปื้อ​หัน​แก่​ความ​สุข​สบาย​ของ​เฮา

1 เปโตร 3:20

ตี้​สมัย​ตะก่อน​เมิน​มา​แล้ว วิญญาณ​หมู่​นี้​บ่เจื้อฟัง​พระเจ้า ต๋อน​ตี้​โนอาห์​ต่อ​เฮือ​นั้น พระเจ้า​ก็​อดทน​ถ้า​หื้อ​หมู่​เขา​กลับใจ๋​จาก​บาป แต่​ก็​มี​ก้า​แปด​คน​เต้าอั้น​ตี้​อยู่​ใน​เฮือ​แล้ว​รอด​จาก​น้ำท่วม

2 เปโตร 1:11

กับ​หมู่​ต้าน​ก็​จะ​มี​สิทธิ์​เต๋ม​ตี้​ตี้​จะ​เข้า​ไป​ใน​แผ่นดิน​นิรันดร์​ของ​พระเยซู​คริสต์​องค์​พระ​ผู้​เป๋น​เจ้า ผู้​ตี้​เป๋น​พระ​ผู้​จ้วย​หื้อ​รอด​ป๊น​บาป​โต้ษ​ของ​เฮา

2 เปโตร 3:15

บ่ดี​ลืม​ว่า องค์​พระ​ผู้​เป๋น​เจ้า​ของ​เฮา​มี​ความ​อดทน​เปื้อ​หื้อ​หมู่​เฮา​มี​โอกาส​รอด​ป๊น​บาป​โต้ษ อย่าง​ตี้​เปาโล​ปี้น้อง​ตี้​ฮัก​ของ​เฮา​ได้​เขียน​จดหมาย​เถิง​หมู่​ต้าน ต๋าม​สติ​ปั๋ญญา​ตี้​พระเจ้า​ได้​หื้อ​กับ​เขา​นั้น

2 เปโตร 3:3

หื้อ​ต้าน​ฮู้​ข้อ​นี้​ก่อน​เต๊อะ​ว่า ใน​ยุค​สุดต๊าย จะ​มี​คน​เยียะ​ต๋าม​กิเลสตั๋ณหา​ของ​ตั๋ว แล้ว​หมู่​เขา​จะ​มา​ใค่หัว​เส้ย​หมู่​ต้าน​ว่า

2 เปโตร 3:9

องค์​พระ​ผู้​เป๋น​เจ้า​บ่ได้​จ๊า​ตี้​จะ​เยียะ​ต๋าม​สัญญา เหมือน​ตี้​บาง​คน​กึ๊ด​กั๋น แต่​ได้​อดทน​กับ​หมู่​ต้าน ย้อน​พระองค์​บ่ใค่​หื้อ​ใผ​คน​ใด​ต้อง​ถูก​ทำลาย​ไป แต่​ใค่​หื้อ​กู้ๆ คน​กลับใจ๋​จาก​บาป

วิวรณ์ 2:21

เฮา​ได้​หื้อ​โอกาส​นาง​กลับใจ๋​จาก​บาป แต่​นาง​ก็​บ่ยอม​หยุด​เยียะ​สิ่ง​บ่ดี​หมู่​นั้น​ของ​นาง

วิวรณ์ 3:20

ผ่อ​เต๊อะ เฮา​ยืน​ฮ้อง​อยู่​ตี้​ปะตู๋ ถ้า​ใผ​ได้ยิน​เสียง​ของ​เฮา​แล้ว​เปิด​ปะตู๋​ฮับ เฮา​จะ​เข้า​ไป​ตังใน แล้ว​กิ๋น​ข้าว​กิ๋น​น้ำ​ฮ่วม​กั๋น​กับ​คน​นั้น