โรม 2:1 - พระคริสตธรรมคัมภีร ภาคพันธสัญญาใหม

¹ ย้อนจาอั้น บ่ว่า​ต้าน​จะ​เป๋น​ใผ​ก็​ต๋าม ถ้า​ต้าน​ตัดสิน​คน​อื่น ต้าน​ก็​บ่มี​ข้อ​แก้​ตั๋ว​ต่อ​พระเจ้า​เลย เมื่อ​ต้าน​ตัดสิน​คน​อื่น ต้าน​ก็​ได้​ตัดสิน​ลงโต้ษ​ตั๋ว​เก่า​แล้ว ย้อน​ว่า​ต้าน​ก็​เยียะ​อย่าง​เดียว​กับ​เขา​เหมือน​กั๋น

โรม 2:1 Iomraidhean Croise

ลูก๋า 12:14

แต่​พระเยซู​อู้​กับ​เขา​ว่า “ใผ​ได้​ตั้ง​เฮา​เป๋น​ผู้​ตัดสิน​ความ กาว่า​เป๋น​คน​แบ่ง​มรดก​หื้อ​ต้าน​กา”

ลูก๋า 19:22

เจ้านาย​ก็​ตอบ​เขา​ว่า ‘ไอ่​ขี้ข้า​บ่ดี เฮา​จะ​เอา​กำ​ของ​เจ้า​นั้น​ละ​ลง​โต้ษ​เจ้า เจ้า​ฮู้​ว่า​เฮา​เป๋น​คน​ใจ๋​แข็ง ตี้​ยึด​ก่ำไฮ​เอา​จาก​งาน​ของ​คน​อื่น กับ​เก็บเกี่ยว​ใน​สิ่ง​ตี้​เฮา​บ่ได้​ปูก

ลูก๋า 6:37

“บ่ดี​ตัดสิน​ใผ แล้ว​เขา​ก็​จะ​บ่ตัดสิน​ต้าน บ่ถ้า​ตัดสิน​ลงโต้ษ​ใผ แล้ว​เขา​ก็​จะ​บ่ตัดสิน​ลงโต้ษ​ต้าน จง​ยกโต้ษ​หื้อ​เขา แล้ว​เขา​ก็​จะ​ยกโต้ษ​หื้อ​ต้าน

โรม 14:22

หื้อ​ความ​เจื้อ​ของ​ต้าน​ใน​เรื่อง​หมู่​นี้​เป๋น​เรื่อง​หละหว่าง​ต้าน​กับ​พระเจ้า คน​ใด​เยียะ​อะหยัง​ตี้​ถือ​ว่า​ถูกต้อง แล้ว​ใน​ใจ๋​บ่ได้​ฟ้อง​ผิด คน​นั้น​ก็​เป๋น​สุข

โรม 2:2

หมู่​เฮา​ฮู้​แล้ว​ว่า​ตี้​พระเจ้า​ตัดสิน​ลงโต้ษ​คน​ตี้​เยียะ​จาอั้น​ก็​ยุติธรรม​แต๊ๆ

โรม 2:3

แล้ว​ต้าน​ตี้​ตัดสิน​คน​ตี้​เยียะ​จาอั้น แต่​ต้าน​ก็​ยัง​เยียะ​อย่าง​เดียว​กับ​เขา ต้าน​กึ๊ด​ว่า​ต้าน​จะ​หนี​ก๋าน​ลงโต้ษ​ของ​พระเจ้า​ได้​กา

โรม 3:9

ถ้า​จาอั้น​แล้ว หมู่​เฮา​จาว​ยิว​ดี​เหลือ​คน​อื่น​กา บ่ใจ้​จาอั้น​เน่อ หมู่​เฮา​อธิบาย​แล้ว​ว่า ตึง​จาว​ยิว​ตึง​คน​ต่างจ้าด​ก็​เป๋น​คน​บาป​เหมือน​กั๋น​หมด

โรม 9:20

คน​หนอ​คน​เหย หมู่​ต้าน​เป๋น​ใผ​เถิง​เถียง​พระเจ้า สิ่ง​ตี้​ถูก​ปั้น​จะ​ถาม​ผู้​ปั้น​ได้​กา ว่า “เป๋น​จาใด​ต้าน​ปั้น​ข้าพเจ้า​หื้อ​เป๋น​จาอี้”

1 โครินธ์ 4:5

จาอั้น​ฟั่ง​ตัดสิน​อะหยัง​เตื้อ​ก่อน​จะ​เถิง​เวลา หื้อ​ถ้า​จ๋น​กว่า​องค์​พระ​ผู้​เป๋น​เจ้า​จะ​มา แล้ว​พระองค์​จะ​เปิดเผย​ความ​ลับ​ตี้​ซ่อน​อยู่​ใน​ตี้​มืด​ออก​มา กับ​จะ​เปิดเผย​สิ่ง​ตี้​อยู่​ใน​ใจ๋​ของ​กู้​คน​หื้อ​ฮู้​หื้อ​หัน เถิง​ต๋อน​นั้น​แต่​ละ​คน​จะ​ได้​ฮับ​กำ​ยกย่อง​จาก​พระเจ้า​ต๋าม​ตี้​เขา​สมควร​จะ​ได้ฮับ

1 โครินธ์ 7:16

คน​ตี้​เป๋น​เมีย จะ​ฮู้​ได้​จาใด​ว่า​ต้าน​จะ​จ้วย​ผัว​หื้อ​รอด​ป๊น​บาป​โต้ษ​บ่ได้ กับ​คน​ตี้​เป๋น​ผัว​จะ​ฮู้​ได้​จาใด​ว่า​ต้าน​จะ​จ้วย​หื้อ​เมีย​รอด​ป๊น​บาป​โต้ษ​บ่ได้

ยากอบ 2:20

คน​ง่าว​เหย ต้าน​ใค่​อยาก​หื้อ​ข้าพเจ้า​เยียะ​หื้อ​ฮู้​ก่อ ว่า​ความ​เจื้อ​ตี้​บ่ได้​เยียะ​ต๋าม​นั้น บ่มี​ประโยชน์​เลย

ยากอบ 4:11

ปี้น้อง​ตังหลาย ห้าม​ใส่ฮ้าย​ป้าย​สี​กั๋น​เน่อ ย้อน​คน​ตี้​ใส่ฮ้าย​กั๋น​กาว่า​ตัดสิน​ปี้น้อง​ผู้เจื้อ​ตวย​กั๋น ก็​เต้า​กับ​ว่า​ได้​ใส่​ฮ้าย​ป้าย​สี​กับ​ตัดสิน​บท​บัญญัติ​ตวย ถ้า​หมู่​ต้าน​ตัดสิน​บท​บัญญัติ ต้าน​ก็​บ่ได้​เป๋น​ผู้​เยียะ​ต๋าม​บท​บัญญัติ แต่​เป๋น​ผู้ตัดสิน​ไป​เหีย