โรม 15:26 - พระคริสตธรรมคัมภีร ภาคพันธสัญญาใหม

²⁶ ย้อน​ว่า​หมู่​ปี้น้อง​ผู้เจื้อ​ใน​แคว้น​มาซิโดเนีย​กับ​แคว้น​อาคายา​ยินดี​จะ​ฮอม​สตางค์​กั๋น แล้ว​ส่ง​ไป​จ้วย​เหลือ​คน​ของ​พระเจ้า​ตี้​ตุ๊ก​ใน​กรุง​เยรูซาเล็ม

โรม 15:26 Iomraidhean Croise

มัทธิว 25:40

“แล้ว​พระองค์​ผู้​เป๋น​กษัตริย์​จะ​ตอบ​หมู่​เขา​ว่า ‘เฮา​บอก​ความ​จริง​แก่​ต้าน​ตังหลาย​ว่า เมื่อใด​ก็​ต๋าม​ตี้​หมู่​ต้าน​เยียะ​กับ​คน​ตี้​ต่ำต้อย​ตี้​สุด​คน​นึ่ง​ใน​หมู่​ปี้น้อง​ของ​เฮา ก็​เหมือน​ต้าน​ตังหลาย​ได้​เยียะ​ต่อ​เฮา​ตวย’

มัทธิว 26:11

คน​ตุ๊ก​คน​จ๋น​จะ​ยัง​อยู่​ตวย​หมู่​ต้าน​ไป​ตลอด แต่​เฮา​จะ​บ่อยู่​ตวย​หมู่​ต้าน​ไป​ตลอด

ลูก๋า 14:13

แต่​เมื่อ​จัด​งานเลี้ยง หื้อ​เจิญ​หมู่​คน​ตุ๊ก คน​พิก๋าน คน​แข้ง​หัก​ขา​ห้าน กับ​คน​ต๋าบอด​ตวย

ลูก๋า 6:20

พระเยซู​ผ่อ​หน้า​หมู่​สาวก​ของ​พระองค์ อู้​กับ​หมู่​เขา​ว่า “หมู่​ต้าน​ตี้​ตุ๊กยาก พระเจ้า​โผด​หื้อ​หมู่​ต้าน​เป๋น​สุข ย้อน​ว่า​หมู่​ต้าน​ได้​เป๋น​คน​ของ​แผ่นดิน​ของ​พระเจ้า​แล้ว

กิจก๋าน 16:12

จาก​เมือง​เนอาบุรี​นั้น หมู่​เฮา​ก็​ไป​ตี้​เมือง​ฟีลิปปี เซิ่ง​เป๋น​เมือง​สำคัญ​ของ​แคว้น​มาซิโดเนีย กับ​เป๋น​เมือง​ขึ้น​ของ​โรม​ตวย หมู่​เฮา​อยู่​ใน​เมือง​นี้​หลาย​วัน

กิจก๋าน 16:9

ต๋อน​เมื่อคืน​เปาโล​หัน​นิมิต​ว่า​มี​ป้อจาย​จาว​แคว้น​มาซิโดเนีย​คน​นึ่ง​มา​ยืน​อ้อนวอน​ว่า “ขอ​มา​จ้วย​หมู่​เฮา​จาว​แคว้น​มาซิโดเนีย​กำ​เต๊อะ”

กิจก๋าน 18:12

ต๋อน​ตี้​กัลลิโอ​เป๋น​เจ้าเมือง​แคว้น​อาคายา​นั้น จาว​ยิว​ปา​กั๋น​หลุ้ม​ใส่​เปาโล แล้ว​ก็​ปา​ไป​ตี้​ศาล

กิจก๋าน 19:21

หลังจาก​เรื่อง​ตี้​เกิด​ขึ้น​หมู่​นี้​เสี้ยง​สุด​ลง​แล้ว เปาโล​ก็​ตัดสินใจ๋​จะ​เตียวตาง​ผ่าน​แคว้น​มาซิโดเนีย​กับ​แคว้น​อาคายา แล้ว​จะ​ลวด​ไป​กรุง​เยรูซาเล็ม ต้าน​อู้​ว่า “หลังจาก​ข้าพเจ้า​ไป​กรุง​เยรูซาเล็ม​แล้ว จะ​ต้อง​ไป​กรุง​โรม​ตวย”

กิจก๋าน 9:13

อานาเนีย​ตอบ​ว่า “พระองค์​เจ้า​ข้า ข้าพเจ้า​ได้ยิน​หลาย​คน​อู้​เถิง​คน​นั้น​ว่า เขา​เยียะ​ฮ้าย​ต่อ​คน​ของ​พระองค์​ใน​กรุง​เยรูซาเล็ม

1 โครินธ์ 16:15

ปี้น้อง​ตังหลาย ต้าน​ก็​ฮู้​เรื่อง​สเทฟานัส​กับ​ครอบครัว​ของ​เขา​แล้ว​ว่า​เป๋น​จาใด หมู่​เขา​เป๋น​คริสเตียน​หมู่​เก๊า​ใน​แคว้น​อาคายา ตึง​ได้​เอา​แต๊​เอา​ว่า​ใน​ก๋าน​ฮับ​ใจ๊​คน​ของ​พระเจ้า ข้าพเจ้า​ขอ​วิงวอน

1 โครินธ์ 16:5

หลังจาก​ตี้​ข้าพเจ้า​เลย​แคว้น​มาซิโดเนีย​แล้ว ข้าพเจ้า​จะ​มา​หา​หมู่​ต้าน ย้อน​ว่า​ข้าพเจ้า​ตั้งใจ๋​จะ​ผ่าน​มา​ตาง​นั้น

2 โครินธ์ 1:16

ข้าพเจ้า​จะ​แว่​ไป​แอ่ว​หา​หมู่​ต้าน​ต๋อน​ตี้​ก่ำลัง​เตียวตาง​ไป​แคว้น​มาซิโดเนีย กับ​จะ​แว่​แอ่ว​หา​แหม​เตื้อ​ต๋อน​ขา​ปิ๊ก​จาก​แคว้น​มาซิโดเนีย เปื้อ​จะ​ขอ​หื้อ​หมู่​ต้าน​จ้วย​ข้าพเจ้า​เตียวตาง​ไป​แคว้น​ยูเดีย​ต่อไป

2 โครินธ์ 11:9

กับ​ต๋อน​ตี้​ข้าพเจ้า​อยู่​กับ​หมู่​ต้าน แล้ว​ข้าพเจ้า​บ่มี​สตางค์ ข้าพเจ้า​ก็​บ่เกย​เป๋น​ภาระ​หื้อ​ใผ ย้อน​ว่า​หมู่​ปี้น้อง​ผู้เจื้อ​ตี้​มา​จาก​แคว้น​มาซิโดเนีย​ได้​เกียม​กู้​อย่าง​ตี้​จ๋ำเป๋น​ไว้​หื้อ​ข้าพเจ้า​แล้ว ข้าพเจ้า​บ่เยียะ​ตั๋ว​เป๋น​ภาระ​หื้อ​กับ​หมู่​ต้าน​จาใด ข้าพเจ้า​ก็​จะ​เป๋น​จาอั้น​ต่อไป

2 โครินธ์ 2:13

แต่​ข้าพเจ้า​ก็​บ่สบายใจ๋​เลย ย้อน​บ่ปะ​ทิตัส​น้อง​บ่าว​ใน​ความ​เจื้อ​ของ​ข้าพเจ้า ข้าพเจ้า​จึง​ลา​คน​ตี้​หั้น แล้ว​เตียวตาง​ไป​ตี้​แคว้น​มาซิโดเนีย

2 โครินธ์ 7:5

ย้อน​ว่า​เมื่อ​มา​เถิง​แคว้น​มาซิโดเนีย​แล้ว เฮา​บ่ได้​ย้าง​เลย ผ่อ​ไป​ตาง​ใด​ก็​มี​ก้า​ปั๋ญหา ตังนอก​ก็​ต้อง​สู้ ตัง​ใน​ใจ๋​ก็​กั๋ว​หั้น​กั๋ว​นี่

2 โครินธ์ 9:12

ย้อน​ก๋าน​ฮับใจ๊​ตี้​หมู่​ต้าน​เยียะ​นี้ บ่ใจ้​ก้า​จ้วย​คน​ของ​พระเจ้า​ใน​กรุง​เยรูซาเล็ม​ตี้​บ่มี​เต้าอั้น แต่​ยัง​ได้​เยียะ​หื้อ​คน​ตังหลาย​ขอบพระคุณ​พระเจ้า​บ่ย้าง​ปาก

2 โครินธ์ 9:2

ย้อน​ว่า​ข้าพเจ้า​ฮู้​ว่า​หมู่​ต้าน​เต๋มใจ๋​ตี้​จะ​จ้วย​อยู่​แล้ว จึง​ได้​อู้​อวด​หมู่​ต้าน​หื้อ​กับ​หมู่​จาว​มาซิโดเนีย​ฟัง​ว่า หมู่​ปี้น้อง​ผู้เจื้อ​ใน​แคว้น​อาคายา​ได้​เกียม​ตี้​จะ​จ้วยเหลือ​มา​ตั้งแต่​ปี๋​ตี้​แล้ว กับ​ความ​กระตือรือร้น​ของ​หมู่​ต้าน​ก็​เยียะ​หื้อ​หมู่​จาว​มาซิโดเนีย​ใค่​อยาก​จ้วย​ตวย

2 โครินธ์ 9:4

บ่จาอั้น ถ้า​จาว​มาซิโดเนีย​บาง​คน​มา​กับ​ข้าพเจ้า แล้ว​หัน​ว่า​หมู่​ต้าน​ยัง​บ่พร้อม​เตื้อ บ่ต้อง​ว่า​เนาะ​ว่า​หมู่​ต้าน​จะ​ขาย​ขี้หน้า​มอก​ใด หมู่​เฮา​ก็​ขาย​ขี้หน้า​เหมือน​กั๋น​ตี้​ได้​มั่นใจ๋​ใน​หมู่​ต้าน​จาอี้

ฟีลิปปี 4:15

ต้าน​จาว​ฟีลิปปี​ตังหลาย​ฮู้​ดี​อยู่​แล้ว​ว่า​ตั้งแต่​ข้าพเจ้า​ออก​จาก​แคว้น​มาซิโดเนีย​ไป​บอก​ข่าวดี​นั้น ก็​บ่มี​คริสตจักร​สัก​ตี้​ตี้​หื้อ​ก๋าน​จ้วยเหลือ​ข้าพเจ้า มี​ก้า​หมู่​ต้าน​เต้าอั้น

1 เธสะโลนิก๋า 1:7

ย้อนจาอั้น​ต้าน​ตังหลาย​จึง​ก๋าย​เป๋น​แบบ​อย่าง​แก่​ผู้เจื้อ​ใน​แคว้น​มาซิโดเนีย ตึง​ผู้เจื้อ​ใน​แคว้น​อาคายา​ตวย

1 เธสะโลนิก๋า 1:8

ย้อน​ต้าน​ตังหลาย ถ้อยกำ​ของ​พระเจ้า​จึง​ได้​เล่าลือ​ออก​ไป​จาก​เมือง​เธสะโลนิก๋า บ่ใจ้​ก้า​แคว้น​มาซิโดเนีย​กับ​แคว้น​อาคายา​เต้าอั้น แต่​ได้​เล่าลือ​ไป​แผว​หลายๆ ตี้ จ๋น​หมู่​เฮา​บ่ต้อง​อู้​อะหยัง​เกี่ยวกับ​ความ​เจื้อ​ของ​ต้าน​แหม​แล้ว

1 เธสะโลนิก๋า 4:10

ความ​จริง​ต้าน​ตังหลาย​ก็​ฮัก​หมู่​ปี้น้อง​ผู้เจื้อ​ใคว่​แคว้น​มาซิโดเนีย​อยู่​แล้ว แต่​ปี้น้อง​ตังหลาย หมู่​เฮา​อ้อนวอน​ต้าน​หื้อ​ฮัก​หมู่​เขา​นัก​ขึ้น​แหม

1 ทิโมธี 1:3

ข้าพเจ้า​ใค่​หื้อ​ต้าน​อยู่​ตี้​เมือง​เอเฟซัส​ต่อ​ไป อย่าง​ตี้​เกย​วิงวอน​ต๋อน​ตี้​ข้าพเจ้า​เตียวตาง​ไป​แคว้น​มาซิโดเนีย ย้อน​ว่า​ใน​เมือง​นั้น​มี​บาง​คน​สอน​เรื่อง​หลักกำสอน​ตี้​ผิด ก็​ขอ​ต้าน​สั่ง​หื้อ​คน​หมู่​นี้​เลิก​สอน​เหีย​เน่อ

ฟีเลโมน 1:5

ย้อน​ข้าพเจ้า​ได้ยิน​ว่า ต้าน​เจื้อ​วางใจ๋​พระเยซู​องค์​พระผู้เป๋นเจ้า กับ​ฮัก​คน​ของ​พระเจ้า​ตังหลาย