โรม 15:25 - พระคริสตธรรมคัมภีร ภาคพันธสัญญาใหม

²⁵ แต่​บ่าเดี่ยว​นี้​ข้าพเจ้า​ก่ำลัง​จะ​ไป​กรุง​เยรูซาเล็ม เปื้อ​จ้วยเหลือ​คน​ของ​พระเจ้า​ตี้​หั้น

โรม 15:25 Iomraidhean Croise

กิจก๋าน 18:21

แต่​ก่อน​ตี้​เปาโล​จะ​ลา​หมู่​เขา​ไป ต้าน​บอก​ว่า “ถ้า​เป๋น​ความ​ต้องก๋าน​ของ​พระเจ้า ข้าพเจ้า​จะ​ปิ๊ก​มา​หา​ต้าน​ตังหลาย​แหม” แล้ว​เปาโล​ก็​ลง​เฮือ​ออก​จาก​เมือง​เอเฟซัส

กิจก๋าน 19:21

หลังจาก​เรื่อง​ตี้​เกิด​ขึ้น​หมู่​นี้​เสี้ยง​สุด​ลง​แล้ว เปาโล​ก็​ตัดสินใจ๋​จะ​เตียวตาง​ผ่าน​แคว้น​มาซิโดเนีย​กับ​แคว้น​อาคายา แล้ว​จะ​ลวด​ไป​กรุง​เยรูซาเล็ม ต้าน​อู้​ว่า “หลังจาก​ข้าพเจ้า​ไป​กรุง​เยรูซาเล็ม​แล้ว จะ​ต้อง​ไป​กรุง​โรม​ตวย”

กิจก๋าน 20:16

เปาโล​ตัดสินใจ๋​ว่า​จะ​เอา​เฮือ​ก๋าย​เมือง​เอเฟซัส​ไป​เหีย เปื้อ​จะ​บ่เสีย​เวลา​ตี้​แคว้น​เอเชีย ย้อน​ว่า​ต้าน​ฟั่ง​ไป​แผว​กรุง​เยรูซาเล็ม ถ้า​เป๋น​ไป​ได้​จะ​ไป​หื้อ​เถิง​ก่อน​วัน​เพ็นเทคอสต์

กิจก๋าน 20:22

บ่าเดี่ยวนี้​ข้าพเจ้า​จ๋ำใจ๋​ต้อง​ไป​กรุง​เยรูซาเล็ม​ต๋าม​ตี้​พระวิญญาณ​บริสุทธิ์​บอก​หื้อ​ไป ข้าพเจ้า​ก็​บ่ฮู้​เหมือน​กั๋น​ว่า​จะ​มี​อะหยัง​เกิด​ขึ้น​กับ​ข้าพเจ้า​ตี้​หั้น​พ่อง

กิจก๋าน 24:17

“ต๋อน​หลัง​ตี้​ไป​จาก​กรุง​เยรูซาเล็ม​เป๋น​เวลา​หลาย​ปี๋ ข้าพเจ้า​ปิ๊ก​มา​เปื้อ​เอา​สตางค์​มา​จ้วยเหลือ​คน​ตุ๊ก​คน​ยาก​ใน​จ้าด​ของ​ข้าพเจ้า แล้ว​ก็​ลวด​ถวาย​เครื่อง​ปู่จา​พระเจ้า

กิจก๋าน 9:13

อานาเนีย​ตอบ​ว่า “พระองค์​เจ้า​ข้า ข้าพเจ้า​ได้ยิน​หลาย​คน​อู้​เถิง​คน​นั้น​ว่า เขา​เยียะ​ฮ้าย​ต่อ​คน​ของ​พระองค์​ใน​กรุง​เยรูซาเล็ม

โรม 12:13

เมื่อ​คน​ของ​พระเจ้า​ขาดแคลน หื้อ​จ้วยเหลือ​เขา หื้อ​เป๋น​คน​มี​น้ำ​ใจ๋​ต้อน​ฮับ​แขก

1 โครินธ์ 16:4

ถ้า​หัน​ว่า​ข้าพเจ้า​สมควร​จะ​ไป​ตวย หมู่​เขา​ก็​จะ​ไป​พร้อม​กั๋น​กับ​ข้าพเจ้า

2 โครินธ์ 8:4

หมู่​เขา​อ้อนวอน​เฮา​ขนาด​ตี้​จะ​จ้วยเหลือ​คน​ของ​พระเจ้า​หื้อ​ได้

2 โครินธ์ 8:6

ย้อน​จาอี้ เฮา​จึง​ได้​ขอ​ร้อง​หื้อ​ทิตัส​ไป​จ้วย​หมู่​ต้าน​ใน​ก๋าน​ดี​นี้​หื้อ​แล้ว ย้อน​เขา​เป๋น​คน​เก๊า​ตี้​เยียะ

กาลาเทีย 2:10

สิ่ง​เดียว​ตี้​หมู่​เขา​ขอ​คือ หื้อ​เฮา​จ้วย​เหลือ​คน​ตุ๊ก​คน​จ๋น เรื่อง​นี้​ข้าพเจ้า​ก็​ตึง​ตั้ง​ใจ๋​จะ​เยียะ​อยู่​แล้ว

ฮีบรู 6:10

พระเจ้า​ยุติธรรม พระองค์​จะ​บ่ลืม​ก๋าน​งาน​ตี้​หมู่​ต้าน​เยียะ​กับ​ความ​ฮัก​ตี้​หมู่​ต้าน​แสดง​หื้อ​พระองค์​หัน โดย​ก๋าน​ตี้​หมู่​ต้าน​ได้​จ้วยเหลือ​คน​ของ​พระองค์​กับ​ยัง​จ้วย​อยู่​แหม​ต่อไป