โรม 13:11 - พระคริสตธรรมคัมภีร ภาคพันธสัญญาใหม

¹¹ หื้อ​ต้าน​เยียะ​จาอี้​ย้อน​ต้าน​ฮู้​ดี​ว่า บ่าเดี่ยว​นี้​เถิง​เวลา​ตี้​สมควร​จะ​ตื่น​จาก​หลับ​แล้ว เวลา​ตี้​เฮา​จะ​ได้ฮับ​ความ​รอด​นั้น​ก็​ใก้​เข้า​มา​เถิง​เหลือ​ต๋อน​ตี้​เฮา​ฮับ​เจื้อ​ใหม่ๆ

โรม 13:11 Iomraidhean Croise

มัทธิว 16:3

แต่​ถ้า​ต๋อน​เจ๊า​วัน​ใด​ต๊องฟ้า​สี​แดง​กับ​มืด​อึมคึม ต้าน​ก็​จะ​บอก​ว่า ‘วัน​นี้​ฝน​จะ​ตก’ ต้าน​ตังหลาย​แยง​ผ่อ​ต๊องฟ้า​แล้ว​ก็​ฮู้​ว่า​อากาศ​วัน​นี้​จะ​เป๋น​จาใด แต่​เมื่อ​ต้าน​หัน​สิ่ง​ตี้​เฮา​เยียะ​มา เยียะ​หยัง​ต้าน​ตังหลาย​ยัง​บ่ฮู้​บ่เข้าใจ๋​ว่า​หมายเถิง​อะหยัง​เตื้อ

ลูก๋า 21:28

เมื่อ​เหตุก๋ารณ์​นี้​ตั้งเก๊า​จะ​เกิด​ขึ้น หื้อ​ยืน​ขึ้น​ผ่อ​ไป​ตัง​บน ย้อน​ว่า​ความ​รอด​ป๊น​บาป​โต้ษ​ของ​หมู่​ต้าน​ก่ำลัง​ใก้​เข้า​มา​แล้ว”

1 โครินธ์ 10:11

เหตุก๋ารณ์​หมู่​นี้​เกิด​ขึ้น​กับ​หมู่​เขา​เปื้อ​เป๋น​ตั๋วอย่าง​เตื๋อน​คน​อื่น กับ​ได้​เขียน​เอา​ไว้​เปื้อ​เตื๋อน​เฮา​ตี้​อยู่​ใน​ยุค​ใก้​สิ้น​โลก

1 โครินธ์ 15:34

จง​มี​สติ​ได้​แล้ว เลิก​เยียะ​บาป​เหีย ย้อน​มี​บาง​คน​ใน​หมู่​ต้าน​บ่ฮู้จัก​พระเจ้า​เลย ตี้​ข้าพเจ้า​อู้​จาอี้​ก็​เปื้อ​หื้อ​หมู่​ต้าน​ละอาย​ใจ๋

เอเฟซัส 5:14

ย้อน​ว่า​กู้​สิ่ง​กู้​อย่าง​ตี้​แสง​ส่อง​หื้อ​หัน​นั้น ก็​เป่งแจ้ง​ไป​ตวย จาอั้น​เลย​มี​กำเขียน​ไว้​ว่า “คน​ตี้​หลับ​อยู่​ก็​หื้อ​ลุก​ขึ้น​เต๊อะ หื้อ​เป๋น​ขึ้น​จาก​ความ​ต๋าย แล้ว​พระคริสต์​จะ​ส่อง​แสง​ไป​ต้อง​ตั๋ว​ต้าน”

ยากอบ 5:8

หมู่​ต้าน​ก็​ต้อง​อดทน​จาอั้น​เหมือน​กั๋น จง​ตั้ง​อก​ตั้ง​ใจ๋​หื้อ​ดี ย้อน​ใก้​เถิง​วัน​ตี้​องค์​พระ​ผู้​เป๋น​เจ้า​จะ​ปิ๊ก​มา​แล้ว

1 เปโตร 4:7

ใก้​เถิง​วัน​สิ้น​โลก​แล้ว หมู่​ต้าน​ต้อง​ตั้ง​สติ​ไว้​หื้อ​ดี สงบ​จิต​สงบ​ใจ๋ เปื้อ​หมู่​ต้าน​จะ​อธิษฐาน​ได้

2 เปโตร 3:11

เมื่อ​ฮู้​ว่า​สิ่ง​ต่างๆ หมู่​นี้​จะ​ต้อง​ถูก​ทำลาย​ไป​จาอี้​แล้ว ก็​หื้อ​หมู่​ต้าน​กึ๊ด​เอา​เต๊อะ​ว่า​จะ​ใจ๊​จีวิต​จาใด​หื้อ​บริสุทธิ์​กับ​ยำเก๋ง​พระเจ้า

2 เปโตร 3:9

องค์​พระ​ผู้​เป๋น​เจ้า​บ่ได้​จ๊า​ตี้​จะ​เยียะ​ต๋าม​สัญญา เหมือน​ตี้​บาง​คน​กึ๊ด​กั๋น แต่​ได้​อดทน​กับ​หมู่​ต้าน ย้อน​พระองค์​บ่ใค่​หื้อ​ใผ​คน​ใด​ต้อง​ถูก​ทำลาย​ไป แต่​ใค่​หื้อ​กู้ๆ คน​กลับใจ๋​จาก​บาป

1 ยอห์น 2:18

ลูกๆ เหย ต๋อน​นี้​เป๋น​ยุค​สุดต๊าย​แล้ว ต๋าม​ตี้​ต้าน​ตังหลาย​เกย​ได้ยิน​ว่า​ศัตรู๋​ของ​พระคริสต์​ก่ำลัง​จะ​มา บ่าเดี่ยว​นี้​ศัตรู๋​ของ​พระคริสต์​ก็​ได้​มา​กั๋น​นัก​แล้ว ย้อนจาอั้น​เฮา​จึง​ฮู้​ว่า​ต๋อน​นี้​เป๋น​ยุค​สุดต๊าย

วิวรณ์ 1:3

พระเจ้า​จะ​ปั๋นปอน​คน​ตี้​ได้​อ่าน​กำ​ตวายตั๊ก​นี้​หื้อ​คน​ตังหลาย​ฟัง ตึง​จะ​ปั๋น​ปอน​คน​ตี้​ได้​ฟัง​แล้ว​เยียะ​ต๋าม​ตวย ย้อน​ว่า​เวลา​ตี้​เหตุก๋ารณ์​หมู่​นี้​จะ​เกิด​ขึ้น​ก็​ใก้​เข้า​มา​แล้ว

วิวรณ์ 22:10

แล้ว​ต้าน​อู้​กับ​ข้าพเจ้า​ว่า “ห้าม​เก็บ​กำ​ตวายตั๊ก​ตี้​ได้​เปิดเผย​ไว้​ใน​หนังสือ​เล่ม​นี้​เป๋น​ความ​ลับ ย้อน​ใก้​เถิง​เวลา​ตี้​เรื่อง​หมู่​นี้​จะ​เกิด​ขึ้น​แล้ว

วิวรณ์ 22:12

“ฟัง​หื้อ​ดี เฮา​ก่ำลัง​จะ​มา​เวยๆ นี้ จะ​เอา​รางวัล​มา​ตวย เปื้อ​จะ​ตอบแตน​แต่​ละ​คน​ต๋าม​ตี้​เขา​เยียะ

วิวรณ์ 22:20

พระองค์​ผู้​ตี้​ได้​เป๋น​พยาน​เรื่อง​นี้​อู้​ว่า “แม่น​แล้ว เฮา​ก่ำลัง​จะ​มา​เวยๆ นี้” อาเมน ขอ​หื้อ​พระเยซู​องค์​พระผู้เป๋นเจ้า​มา​เวยๆ เต๊อะ