โรม 12:6 - พระคริสตธรรมคัมภีร ภาคพันธสัญญาใหม

⁶ เฮา​แต่​ละ​คน​ได้ฮับ​ของ​ประทาน​ต่างๆ ต๋าม​ตี้​พระเจ้า​โผด​หื้อ ถ้า​พระเจ้า​โผด​หื้อ​บอก​ถ้อยกำ​ของ​พระเจ้า ก็​หื้อ​บอก​ต๋าม​ตี้​เจื้อ

โรม 12:6 Iomraidhean Croise

มัทธิว 23:34

ย้อน​จาอั้น เฮา​จะ​ส่ง​ผู้​เป๋น​ปาก​เป๋น​เสียง​แตน​พระเจ้า คน​ตี้​มี​ปั๋ญญา กับ​ธรรมาจ๋ารย์​มา​หา​เจ้า​ตังหลาย แล้ว​เจ้า​ตังหลาย​ก็​จะ​ยับ​เขา​หมู่​นั้น​ไป​ฆ่า​เหีย​พ่อง ไป​เขิง​บน​ไม้​ก๋าง​เขน​พ่อง​ไป​เฆี่ยน​ใน​ธรรมศาลา​ของ​จาว​ยิว​พ่อง ไล่​หมู่​เขา​หนี​จาก​เมือง​นึ่ง​ไป​แหม​เมือง​นึ่ง​พ่อง

มัทธิว 25:22

“แล้ว​คน​ฮับใจ๊​ตี้​ได้​สอง​ตะลันต์ ก็​เข้า​มา​อู้​ว่า ‘นาย​เจ้าข้า สตางค์​ตี้​หื้อ​ข้าพเจ้า​ไว้​สอง​ตะลันต์ ผ่อ​นี่​ลอ ตืน​สอง​ตะลันต์​ข้าพเจ้า​ได้​ก่ำไฮ​มา​เปาะ​แหม​สอง​ตะลันต์’

ลูก๋า 11:49

ย้อน​จาอั้น พระเจ้า​ได้​อู้​ต๋าม​ปั๋ญญา​ของ​พระองค์​ว่า ‘เฮา​จะ​ส่ง​ผู้​เป๋น​ปาก​เป๋น​เสียง​แตน​เฮา​กับ​หมู่​อัคร​สาวก​ไป​หา​หมู่​เขา หมู่​เขา​ก็​จะ​ฆ่า​เหีย​พ่อง จะ​ค่ำ​เหีย​พ่อง’

กิจก๋าน 13:1

ใน​คริสตจักร​ตี้​เมือง​อันทิโอก มี​หมู่​ผู้​เป๋น​ปาก​เป๋น​เสียง​แตน​พระเจ้า​กับ​หมู่​อาจ๋ารย์​คือ บารนาบัส สิเมโอน​ตี้​มี​แหม​จื้อ​นึ่ง​ว่า​นิเกอร์ ลูสิอัส​เป๋น​จาว​เมือง​ไซรีน มานาเอน (​คน​ตี้​ได้​ฮับ​ก๋าน​เลี้ยงดู​มา​ตวย​กั๋น​กับ​เฮโรด​เจ้าเมือง​ตั้ง​แต่​เป๋น​หละอ่อน​แล้ว​) กับ​เซาโล

กิจก๋าน 15:32

ส่วน​ยูดาส​กับ​สิลาส​ตี้​เป๋น​ผู้​เป๋น​ปาก​เป๋น​เสียง​แตน​พระเจ้า ก็​อู้​หลาย​กำ​ตี้​หื้อ​ก๋ำลังใจ๋​หมู่​ปี้น้อง​ผู้เจื้อ กับ​เยียะ​หื้อ​มี​ความ​เจื้อ​เข้มแข็ง​ขึ้น

กิจก๋าน 2:17

‘พระเจ้า​บอก​ว่า​ใน​วาระ​สุดต๊าย เฮา​จะ​หื้อ​พระวิญญาณ​บริสุทธิ์​ลง​มา​อยู่​กับ​มนุษย์​ตังหลาย ลูกบ่าว​ลูกสาว​ของ​ต้าน​ตังหลาย​จะ​ออก​ไป​บอก​ถ้อยกำ​ของ​พระเจ้า คน​หนุ่ม​จะ​หัน​นิมิต คน​เฒ่า​คน​แก่​จะ​ฝัน​หัน

กิจก๋าน 21:9

ฟีลิป​มี​ลูกสาว​สี่​คน​ตี้​ยัง​บ่ได้​แต่งงาน​เตื้อ ตึง​สี่​คน​สามารถ​ตวายตั๊ก​ได้

โรม 1:11

ย้อน​ว่า​ข้าพเจ้า​ใค่​ปะ​หมู่​ต้าน​แต๊ๆ เปื้อ​ว่า​ข้าพเจ้า​จะ​ได้​แบ่งปั๋น​ของ​ประทาน​ฝ่าย​จิตวิญญาณ​หื้อ​หมู่​ต้าน เปื้อ​หมู่​ต้าน​จะ​เข้มแข็ง​นัก​ขึ้น

โรม 12:3

ใน​ฐานะ​ตี้​พระเจ้า​โผด​หื้อ​ข้าพเจ้า​เป๋น​คน​บอก​ข่าวดี​ของ​พระองค์ ข้าพเจ้า​ขอ​บอก​ต้าน​ตังหลาย​ว่า ห้าม​กึ๊ด​ว่า​ตั๋ว​เก่า​ดี​เลิศ​นัก​เหลือ​ตี้​สมควร​จะ​กึ๊ด แต่​กึ๊ด​หื้อ​สม​เหตุ​สม​ผล​ต๋าม​ขนาด​ความ​เจื้อ​ตี้​พระเจ้า​โผด​หื้อ​หมู่​ต้าน​นั้น

1 โครินธ์ 12:18

ตี้​เป๋น​จาอี้​ก็​ย้อน​พระเจ้า​จัด​แต่​ละ​ส่วน​หื้อ​อยู่​ใน​ตั๋ว​ต๋าม​ตี้​พระองค์​ก๋ำหนด​ไว้

1 โครินธ์ 13:2

เถิงแม้​ว่า​ข้าพเจ้า​จะ​อู้​ถ้อยกำ​ตี้​มา​จาก​พระเจ้า​ได้ กาว่า​เข้าใจ๋​ใน​ข้อ​ล้ำเลิ็ก​ตึงหมด​ของ​พระองค์ กับ​มี​ความ​ฮู้​กู้​อย่าง กาว่า​มี​ความ​เจื้อ​นัก​เถิง​ขนาด​จะ​ย้าย​ดอย​ได้ แต่​ถ้า​บ่มี​ความ​ฮัก ข้าพเจ้า​ก็​บ่มี​ก้า​อะหยัง​เลย

1 โครินธ์ 14:1

หื้อ​ฮิ​เยียะ​ต๋าม​ความ​ฮัก​จาอี้ กับ​หื้อ​ตั้งใจ๋​ตี้​จะ​ใค่​ได้​ของ​ประทาน​ฝ่าย​พระวิญญาณ โดย​เฉพาะ​ก๋าน​บอก​ถ้อยกำ​ของ​พระเจ้า

1 โครินธ์ 14:24

แต่​ถ้า​กู้​คน​บอก​ถ้อยกำ​ของ​พระเจ้า เมื่อ​คน​ตี้​บ่เจื้อ​กาว่า​คน​ตี้​บ่เกย​ฮู้​เรื่อง​พระเจ้า​เข้า​มา เขา​ก็​จะ​ได้​ฮับ​ก๋าน​ตักเตื๋อน​ใน​บาป​ของ​เขา กับ​เขา​ก็​จะ​ฮู้​ว่า​เขา​ได้​เยียะ​บาป​ต่อ​พระเจ้า​มา​แล้ว ย้อน​สิ่ง​ตี้​ได้ยิน​จาก​หมู่​ต้าน​กู้​คน

1 โครินธ์ 14:29

หื้อ​มี​ผู้​เป๋น​ปาก​เป๋น​เสียง​แตน​พระเจ้า​อู้​สอง​สาม​คน​ก็​ปอ กับ​หื้อ​คน​อื่น​ตัดสิน​สิ่ง​ตี้​เขา​อู้​นั้น​ว่า​มา​จาก​พระเจ้า​แต๊​ก่อ

1 โครินธ์ 3:5

อปอลโล​เป๋น​ใผ เปาโล​เป๋น​ใผ ก็​เป๋น​ก้า​ผู้​ฮับใจ๊​ตี้​สอน​หมู่​ต้าน​หื้อ​เจื้อ ต่าง​คน​ก็​ต่าง​เยียะ​หน้าตี้​ของ​ตั๋ว​ต๋าม​ตี้​องค์​พระ​ผู้​เป๋น​เจ้า​มอบ​หื้อ

1 โครินธ์ 7:7

แต๊ๆ แล้ว ข้าพเจ้า​ใค่​อยาก​หื้อ​กู้​คน​เป๋น​โสด​เหมือน​ข้าพเจ้า แต่​กู้​คน​ก็​มี​ของ​ประทาน​ของ​ตั๋ว​ต๋าม​ตี้​พระเจ้า​หื้อ คน​นึ่ง​มี​อย่าง​นึ่ง แหม​คน​ก็​มี​แหม​อย่าง​นึ่ง

2 โครินธ์ 8:12

ถ้า​หมู่​ต้าน​มี​ใจ๋​กระตือรือร้น​อยู่​แล้ว พระเจ้า​ก็​จะ​ยอมฮับ​ต๋าม​ตี้​ต้าน​มี​อยู่ บ่ใจ้​ต๋าม​ตี้​ต้าน​บ่มี

เอเฟซัส 3:5

ตะก่อน พระเจ้า​บ่ได้​เปิดเผย​ข้อล้ำเลิ็ก​นี้​หื้อ​ใผ​ฮู้​ใผ​หัน แต่​บ่าเดี่ยว​นี้ พระองค์​โผด​เปิดเผย​หื้อ​หมู่​อัครทูต​ผู้​บริสุทธิ์​ของ​พระองค์ กับ​หมู่​ผู้​เป๋น​ปาก​เป๋น​เสียง​แตน​พระเจ้า หื้อ​ฮู้​ผ่าน​ตาง​พระวิญญาณ

เอเฟซัส 4:11

พระองค์​หื้อ​ของ​ประทาน​แต่​ละ​คน​ก็​คือ หื้อ​บาง​คน​เป๋น​อัครทูต บาง​คน​เป๋น​ผู้​เป๋น​ปาก​เป๋น​เสียง​แตน​พระเจ้า บาง​คน​เป๋น​คน​บอก​ข่าวดี บาง​คน​เป๋น​ศิษยาภิบาล​กับ​เป๋น​ครู​สอน​ศาสนา

ฟีลิปปี 3:15

ย้อน​จาอั้น​เฮา​กู้​คน​ตี้​มี​ความ​เจื้อ​สมบูรณ์​แล้ว ก็​หื้อ​กึ๊ด​แบบ​เดียว​กั๋น​นี้ แต่​ถ้า​ต้าน​กึ๊ด​บ่เหมือน​จาอี้ พระเจ้า​จะ​เยียะ​หื้อ​ต้าน​เข้าใจ๋​อย่าง​ดี​ใน​เรื่อง​นั้น

1 เธสะโลนิก๋า 5:20

ห้าม​ดู​แควน​กำ​ทำนาย​ตี้​ปี้น้อง​ผู้เจื้อ​อู้​ออก​มา

2 เปโตร 1:20

แต่​หมู่​ต้าน​ต้อง​เข้าใจ๋​ข้อ​นี้​ก่อน​ว่า ใผ​จะ​ตี๋​ความหมาย​กำ​ทำนาย​ของ​ผู้​เป๋น​ปาก​เป๋น​เสียง​แตน​พระเจ้า​ใน​พระคัมภีร์​เอา​คน​เดียว​บ่ได้