โรม 12:19 - พระคริสตธรรมคัมภีร ภาคพันธสัญญาใหม

¹⁹ ปี้น้อง​ผู้เจื้อ​ตี้​ข้าพเจ้า​ฮัก บ่ดี​แก้แค้น​คน​ใด​เลย แต่​ป่อย​หื้อ​พระเจ้า​ลงโต้ษ​เขา​เอง ย้อน​มี​เขียน​ไว้​ใน​พระคัมภีร์​ว่า พระเจ้า​บอก​ว่า “ก๋าน​แก้แค้น​นั้น​เป๋น​หน้าตี้​ของ​เฮา เฮา​จะ​ตอบ​แตน​เขา​เอง”

โรม 12:19 Iomraidhean Croise

มัทธิว 5:39

แต่​เฮา​บอก​ต้าน​ตังหลาย​ว่า บ่ดี​แก้แค้น​คน​ตี้​เยียะ​ผิด​เยียะ​ฮ้าย​ต่อ​ต้าน ถ้า​ใผ​คน​ใด​ตบ​แก้ม​เผิก​ขวา​ของ​ต้าน ก็​หื้อ​บิ่น​แก้ม​เผิก​ซ้าย​หื้อ​เขา​ตบ​แหม

โรม 12:14

หื้อ​ขอ​พระเจ้า​ปั๋น​ปอน​คน​ตี้​ค่ำ​หมู่​ต้าน หื้อ​พระองค์​ปั๋น​ปอน​เขา​เต๊อะ บ่ดี​ขอ​หื้อ​พระเจ้า​แจ้ง​สาป​เขา

โรม 12:17

ถ้า​ใผ​เยียะ​บ่ดี​หื้อ​หมู่​ต้าน ห้าม​เยียะ​บ่ดี​ตอบ แต่​หื้อ​เยียะ​ใน​สิ่ง​ตี้​คน​ตังหลาย​หัน​ว่า​ดี

โรม 13:4

ย้อน​ผู้​ปกครอง​บ้าน​เมือง​นั้น​เป๋น​คน​ฮับใจ๊​พระเจ้า​เปื้อ​หื้อ​เป๋น​ประโยชน์​แก่​หมู่​ต้าน แต่​ถ้า​หมู่​ต้าน​เยียะ​บ่ดี​ก็​หื้อ​กั๋ว​เขา​เน่อ ย้อน​หมู่​เขา​มี​อำนาจ​ลงโต้ษ​หมู่​ต้าน​ได้ หมู่​เขา​เป๋น​คน​ฮับใจ๊​ตี้​พระเจ้า​ใจ๊​เปื้อ​ลงโต้ษ​คน​เยียะ​บ่ดี​แตน​พระเจ้า

เอเฟซัส 4:27

ห้าม​หื้อ​มาร​มี​โอกาส​จุล่าย​หมู่​ต้าน​ได้

1 เธสะโลนิก๋า 4:6

ใน​เรื่อง​นี้​บ่ดี​เยียะ​บาป​กาว่า​เยียะ​ผิด​ต่อ​ปี้น้อง​โดย​เป๋น​จู๊​กับ​เมีย​เขา ย้อน​ว่า​องค์​พระผู้เป๋นเจ้า​จะ​ลงโต้ษ​คน​ตี้​เยียะ​ผิด​จาอั้น เหมือน​อย่าง​ตี้​หมู่​เฮา​เกย​บอก​เกย​เตื๋อน​ต้าน​ตังหลาย​มา​ก่อน​แล้ว

2 ทิโมธี 4:14

อเล็กซานเดอร์​ตี้​เป๋น​สล่า​ตองแดง​เยียะ​หื้อ​ข้าพเจ้า​เดือด​ฮ้อน​อย่าง​หนัก องค์​พระผู้เป๋นเจ้า​จะ​ลง​โต้ษ​เขา​หื้อ​สม​กับ​ตี้​เขา​เยียะ​นั้น

ฮีบรู 10:30

ย้อน​เฮา​ฮู้จัก​ผู้​ตี้​อู้​ว่า “ก๋าน​แก้แค้น​นั้น​เป๋น​หน้าตี้​ของ​เฮา เฮา​จะ​แก้แค้น​หมู่​เขา​เอง” กับ​พระองค์​อู้​แหม​ว่า “องค์​พระผู้เป๋นเจ้า​จะ​ตัดสิน​คน​ของ​พระองค์”