โรม 11:11 - พระคริสตธรรมคัมภีร ภาคพันธสัญญาใหม

¹¹ ข้าพเจ้า​ขอ​ถาม​แหม​ว่า จาว​อิสราเอล​ต้าว​จ๋น​ลุก​บ่ได้​กา บ่ใจ้​จาอั้น​เน่อ แต่​ย้อน​บาป​ของ​หมู่​เขา คน​ต่างจ้าด​จึง​ได้​ฮับ​ความ​รอด​ป๊น​บาป​โต้ษ เปื้อ​เยียะ​หื้อ​จาว​อิสราเอล​ขอย

โรม 11:11 Iomraidhean Croise

ลูก๋า 20:16

เขา​ก็​จะ​มา​ฆ่า​หมู่​คน​เจ้า​สวน​หมู่​นั้น​เหีย แล้ว​เอา​สวน​องุ่น​นั้น​ไป​หื้อ​คน​อื่น​เจ้า​ต่อ” คน​ตังหลาย​เมื่อ​ได้ยิน​จาอั้น​ก็​อู้​กั๋น​ว่า “บ่ดี​หื้อ​เป๋น​จาอั้น​เต๊อะ”

กิจก๋าน 13:42

ต๋อน​ตี้​เปาโล​กับ​บารนาบัส​ก่ำลัง​เตียว​ออก​ไป​จาก​ธรรมศาลา​นั้น ก็​มี​คน​มา​อ้อนวอน​ขอ​หื้อ​ปิ๊ก​มา​อู้​เรื่อง​นี้​แหม​ใน​วัน​สะบาโต​ต่อ​ไป

กิจก๋าน 18:6

แต่​เมื่อ​จาว​ยิว​หมู่​นั้น​ต่อต้าน​กับ​อู้​หยาบคาย​ต่อ​เปาโล ต้าน​ก็​ปัด​ขี้ฝุ่น​ออก​จาก​เสื้อผ้า​แสดง​หื้อ​หัน​ว่า​บ่หัน​ตวย​หมู่​เขา แล้ว​บอก​ว่า “ถ้า​พระเจ้า​ลงโต้ษ​ต้าน​ตังหลาย ก็​ห้าม​ยู้​โต้ษ​ใส่​คน​อื่น​เน่อ ส่วน​ตั๋ว​ข้าพเจ้า​ก็​บ่ต้อง​ฮับผิดชอบ​ต้าน​ตังหลาย​แหม​แล้ว ตั้งแต่​บ่าเดี่ยวนี้​เป๋น​ต้น​ไป​ข้าพเจ้า​จะ​ไป​หา​คน​ต่างจ้าด”

โรม 10:19

ข้าพเจ้า​ขอ​ถาม​แหม​ว่า “หมู่​จาว​อิสราเอล​ฟัง​แล้ว​บ่เข้า​ใจ๋​กา” โมเสส​เป๋น​คน​เก๊า​ตี้​บอก​จาว​อิสราเอล​ว่า “เฮา​จะ​เยียะ​หื้อ​เจ้า​ขอย​จ้าด​กระจอก เฮา​จะ​เยียะ​หื้อ​เจ้า​โขด​ย้อน​จ้าด​ตี้​ง่าว​เซอะ”

โรม 11:1

ข้าพเจ้า​ขอ​ถาม​ว่า “พระเจ้า​ละ​ขว้าง​คน​ของ​พระองค์​แล้ว​กา” บ่ใจ้​เน่อ ข้าพเจ้า​เอง​ก็​เป๋น​จาว​อิสราเอล เป๋น​ลูกหลาน​ของ​อับราฮัม เป๋น​คน​จาก​เผ่า​เบนยามิน

โรม 11:12

ถ้า​ก๋าน​เยียะ​บาป​ของ​จาว​อิสราเอล​เยียะ​หื้อ​คน​ตึง​โลก​ได้​ฮับ​ปอน​จาก​พระเจ้า กับ​ถ้า​ความ​ผิดพลาด​ของ​จาว​ยิว​เยียะ​หื้อ​คน​ต่างจ้าด​ได้​ฮับ​ปอน​นัก​ขนาด​นี้ แล้ว​ลอง​กึ๊ด​ผ่อ​เต๊อะ ถ้า​ได้​จาว​ยิว​มา​ยอมฮับ​ครบ​หมด ปอน​จะ​นัก​เหลือ​นั้น​มอก​ใด

โรม 11:14

เปื้อ​จะ​กระตุ้น​หื้อ​ปี้น้อง​จาว​ยิว​ขอย แล้ว​จะ​ได้​จ้วย​หมู่​เขา​บาง​คน​หื้อ​รอด​ป๊น​บาป​โต้ษ​ได้

โรม 11:31

ก็​เป๋น​อย่าง​เดียว​กั๋น หมู่​จาว​ยิว​ก็​บ่เจื้อฟัง​พระเจ้า แต่​โดย​ความ​เมตต๋า​ตี้​ได้​หื้อ​กับ​หมู่​ต้าน หมู่​เขา​ก็​ได้ฮับ​ความ​เมตต๋า​จาก​พระเจ้า​ตวย