โรม 1:3 - พระคริสตธรรมคัมภีร ภาคพันธสัญญาใหม

³ เป๋น​เรื่อง​เกี่ยวกับ​พระบุตร​ของ​พระเจ้า​คือ​พระเยซู​คริสต์​องค์​พระผู้เป๋นเจ้า​ของ​หมู่​เฮา เซิ่ง​ใน​เรื่อง​ความ​เป๋น​มนุษย์ พระองค์​เกิด​ใน​ผะกุ๋น​ของ​กษัตริย์​ดาวิด

โรม 1:3 Iomraidhean Croise

มัทธิว 1:1

นี้​เป๋น​บันทึก​ราย​จื้อ​ป้อ​อุ๊ย​แม่​หม่อน​ของ​พระเยซู​คริสต์ ผู้​ตี้​เป๋น​ลูกหลาน​ของ​กษัตริย์​ดาวิด​ใน​ผะกุ๋น​อับราฮัม

มัทธิว 1:16

ยาโคบ​เป๋น​ป้อ​โยเซฟ ตี้​เป๋น​ผัว​นาง​มารีย์ แม่​ของ​พระเยซู ตี้​ฮ้อง​กั๋น​ว่า​พระคริสต์

มัทธิว 1:6

เจสซี​เป๋น​ป้อ​ดาวิด​ผู้​เป๋น​กษัตริย์ ดาวิด​เป๋น​ป้อ​ซาโลมอน แม่​ของ​ซาโลมอน​เกย​เป๋น​เมีย​ของ​อุรียาห์​มา​ก่อน

มัทธิว 12:23

คน​ตึงหมด​ปา​กั๋น​งืด ถาม​กั๋น​ว่า “คน​นี้​เป๋น​บุตร​ของ​กษัตริย์​ดาวิด”​ได้​กา

มัทธิว 15:22

มี​แม่ญิง​จาว​คานาอัน​คน​นึ่ง​ตี้​อยู่​ต๋ำ​หมู่​หั้น​เข้า​มา​เอิ้น​ฮ้อง​พระเยซู​ว่า “พระองค์​เจ้า​ข้า ต้าน​ผู้​เป๋น​บุตร​ของ​กษัตริย์​ดาวิด ขอ​โผด​อินดู​ข้าเจ้า​พ่อง​เต๊อะ ลูกสาว​ของ​ข้าเจ้า​โดน​ผี​เข้า เป๋น​ตุ๊ก​ทรมาน​ขนาด”

มัทธิว 26:63

แต่​พระเยซู​ดัก​อยู่ มหา​ปุโรหิต​ก็​อู้​กับ​พระองค์​ว่า “ขอ​ต้าน​สาบาน​ใน​นาม​พระเจ้า​ตี้​มี​จีวิต​อยู่ ขอ​หื้อ​บอก​หมู่​เฮา​มา​เต๊อะ​ว่า ต้าน​เป๋น​พระคริสต์ พระบุตร​ของ​พระเจ้า​จาอั้น​กา”

มัทธิว 27:43

เขา​ไว้​ใจ๋​พระเจ้า ถ้า​พระเจ้า​ต้องก๋าน​จ้วย​จีวิต​เขา ก็​หื้อ​พระเจ้า​จ้วย​เขา​บ่าเดี่ยว​นี้ ย้อน​เขา​อู้​ว่า ‘เฮา​เป๋น​พระบุตร​ของ​พระเจ้า’ ”

มัทธิว 3:17

แล้ว​มี​เสียง​จาก​ฟ้า​สวรรค์​ว่า “ต้าน​ผู้​นี้​เป๋น​ลูก​ตี้​เฮา​ฮัก เฮา​เปิงใจ๋​แต๊ๆ”

มัทธิว 9:27

เมื่อ​พระเยซู​ออก​มา​จาก​เฮือน​ของ​นาย​ธรรมศาลา ก็​มี​คน​ต๋า​บอด​สอง​คน​ตวย​มา ฮ้อง​เอิ้น​เสียง​ดัง​ว่า “ต้าน​ผู้​เป๋น​บุตร​ของ​กษัตริย์​ดาวิด เหย ขอ​โผด​อินดู​หมู่​เฮา​ตวย​เต๊อะ”

ลูก๋า 1:35

ทูตสวรรค์​ตอบ​ว่า “พระวิญญาณ​บริสุทธิ์​จะ​อยู่​กับ​เจ้า ฤทธิ์​เดช​ของ​พระเจ้า​ผู้​สูงสุด​จะ​ปกคุม​เจ้า​ไว้ ย้อน​จาอี้​ผู้​บริสุทธิ์​ตี้​จะ​เกิด​มา​นั้น​จะ​ได้​จื้อ​ว่า พระบุตร​ของ​พระเจ้า

ลูก๋า 1:69

พระองค์​ได้​หื้อ​ผู้จ้วย​หื้อ​รอด​ป๊น​บาป​โต้ษ​ตี้​มี​ฤทธิ์​เกิด​มา ใน​เจื๊อสาย​ของ​กษัตริย์​ดาวิด​ผู้​ฮับใจ๊​ของ​พระองค์

ยอห์น 1:14

พระกำ​ได้​มา​เกิด​เป๋น​คน​และ​อยู่​ต้ามก๋าง​หมู่​เฮา พระองค์​มี​พระคุณ​กับ​ความ​จริง​เกี่ยวกับ​พระเจ้า​อย่าง​เต๋ม​ล้น แล้ว​หมู่​เฮา​เกย​หัน​ความ​ยิ่งใหญ่​ของ​พระบุตร​องค์​เดียว​ตี้​มา​จาก​พระบิดา

ยอห์น 1:34

เฮา​หัน​เรื่อง​นี้​กับ​ต๋า​ตั๋วเก่า เป๋น​พยาน​ได้​ว่า คน​นี้​เป๋น​พระบุตร​ของ​พระเจ้า​แต๊ๆ”

ยอห์น 1:49

นาธานาเอล​ก็​บอก​ว่า “อาจ๋ารย์ ต้าน​เป๋น​พระบุตร​ของ​พระเจ้า กับ​เป๋น​กษัตริย์​ของ​จาว​อิสราเอล​แต๊ๆ”

ยอห์น 10:30

เฮา​กับ​พระบิดา​ก็​เป๋น​อัน​นึ่ง​อัน​เดียว​กั๋น”

ยอห์น 10:36

แล้ว​หมู่​ต้าน​จะ​ว่า​หื้อ​คน​ตี้​พระบิดา​เลือก​และ​ใจ๊​มา​ใน​โลก บอก​ว่า ‘ต้าน​อู้​หมิ่น​ประมาท​พระเจ้า’ ย้อน​เฮา​ได้​อู้​ว่า​เฮา​เป๋น​พระบุตร​ของ​พระเจ้า​จาอั้น​กา

ยอห์น 20:28

แล้ว​โธมัส​ก็​ฮ้อง​ขึ้น​มา​ว่า “องค์​พระผู้เป๋นเจ้า พระเจ้า​ของ​ข้า​พระองค์”

ยอห์น 20:31

แต่​ตี้​ได้​เขียน​สิ่ง​หมู่​นี้​ลง​ไป​ก็​เปื้อ​หมู่​ต้าน​จะ​เจื้อ​ว่า พระเยซู​เป๋น​พระคริสต์ คือ​พระบุตร​ของ​พระเจ้า และ​ถ้า​ใผ​วางใจ๋​พระองค์ ก็​จะ​มี​จีวิต​นิรันดร์

ยอห์น 5:25

เฮา​บอก​ความ​จริง​แก่​ต้าน​ตังหลาย​ว่า เวลา​นั้น​ก็​ใก้​มา​แผว บ่าเดี่ยวนี้​ก็​มา​แผว​แล้ว​ตวย​ตี้​คน​ต๋าย​จะ​ได้​ยิน​เสียง​พระบุตร​ของ​พระเจ้า คน​ตี้​ได้​ยิน​แล้ว​เจื้อฟัง ก็​จะ​มี​จีวิต​นิรันดร์

ยอห์น 7:42

พระคัมภีร์​มี​เขียน​ไว้​บ่ใจ้​กา ว่า​พระคริสต์​จะ​มา​จาก​เจื๊อ​สาย​ของ​กษัตริย์​ดาวิด กับ​มา​จาก​หมู่บ้าน​เบธเลเฮม​เมือง​ตี้​ดาวิด​เกย​อยู่”

กิจก๋าน 2:30

กษัตริย์​ดาวิด​เป๋น​ผู้​เป๋น​ปาก​เป๋น​เสียง​แตน​พระเจ้า ตี้​ฮู้​ว่า​พระเจ้า​หื้อ​กำมั่นสัญญา​แก่​ต้าน​ว่า ลูก​หลาน​คน​นึ่ง​ของ​ต้าน​จะ​สืบ​แตน​บัลลังก์​ของ​ต้าน

กิจก๋าน 3:13

บ่ใจ้​จาอั้น​ลอ แต่​พระเจ้า​ตี้​อับราฮัม อิสอัค กับ​ยาโคบ ป้ออุ๊ย​แม่หม่อน​ของ​เฮา​นับถือ ก็​ได้​เยียะ​หื้อ​พระเยซู​ผู้​ฮับใจ๊​ของ​พระองค์​มี​เกียรติ พระเยซู​ก็​คือ​คน​ตี้​หมู่​ต้าน​มอบ​ตั๋ว​หื้อ​ปีลาต​ผู้​เป๋น​เจ้าเมือง ตึง​บ่ยอมฮับ​พระองค์​ต่อ​ปีลาต แม้​ว่า​ปีลาต​ตัดสินใจ๋​ปล่อย​พระองค์​หื้อ​มี​อิสระ

กิจก๋าน 8:36

ใน​หละหว่าง​ตี้​นั่ง​รถ​ไป​ต๋าม​ตาง​นั้น ก็​ก๋าย​ตี้​มี​น้ำ​แห่ง​นึ่ง ขันที​จึง​อู้​ว่า “ผ่อ​น้ำ​หั้น​ลอ มี​อะหยัง​ขัดข้อง​ก่อ ถ้า​เฮา​จะ​ฮับ​บัพติศมา”

กิจก๋าน 9:20

แล้ว​เซาโล​ก็​บ่รอ​จ๊า​ตี้​จะ​ไป​ธรรมศาลา​ของ​จาว​ยิว แล้ว​ตั้งเก๊า​บอก​เรื่อง​ของ​พระเยซู​ว่า “พระองค์​เป๋น​พระบุตร​ของ​พระเจ้า”

โรม 1:9

พระเจ้า​ตี้​ข้าพเจ้า​ฮับใจ๊​ใน​ก๋าน​บอก​ข่าวดี​เกี่ยว​กับ​พระบุตร​ของ​พระองค์​อย่าง​สุด​ใจ๋​นั้น พระองค์​เป๋น​พยาน​ยืนยัน​ได้​ว่า ข้าพเจ้า​กึ๊ด​เถิง​หมู่​ต้าน​ตลอด

โรม 4:1

ถ้า​จาอั้น​เฮา​จะ​ว่า​จาใด​เกี่ยวกับ​อับราฮัม​ป้อ​อุ๊ย​แม่​หม่อน​ของ​เฮา

โรม 9:3

ยอม​ถูก​สาบ​แจ้ง​กับ​ถูก​ตัดขาด​จาก​พระคริสต์ ถ้า​สิ่ง​หมู่​นั้น​สามารถ​จ้วย​ปี้น้อง​จาว​ยิว​ของ​ข้าพเจ้า​ตี้​เป๋น​เปื้อน​ฮ่วม​จ้าด​เดียว​กั๋น หื้อ​เจื้อ​วางใจ๋​พระเยซู​ได้

โรม 9:5

หมู่​เขา​มี​ป้อ​อุ๊ย​แม่​หม่อน​ตี้​ยิ่งใหญ่​ เมื่อ​พระเยซู​คริสต์​เกิด​มา​เป๋น​มนุษย์​ก็​สืบ​เจื๊อสาย​จาก​หมู่​เขา ขอ​สรรเสริญ​พระเจ้า​ผู้​เป๋น​ใหญ่​เหนือ​สะป๊ะ​กู้​สิ่ง​ตลอด​ไป อาเมน

1 โครินธ์ 1:9

พระเจ้า​นั้น​สัตย์ซื่อ พระองค์​ได้​ฮ้อง​หมู่​ต้าน​เข้า​มา​มี​สามัคคีธรรม​กับ​พระบุตร​ของ​พระองค์ คือ​พระเยซู​คริสต์​องค์​พระ​ผู้​เป๋น​เจ้า​ของ​เฮา

1 โครินธ์ 10:18

หื้อ​ผ่อ​จาว​อิสราเอล​หั้น​เต๊อะ คน​ตี้​กิ๋น​ของ​ปู่จา​แล้ว ก็​มี​ส่วนฮ่วม​ใน​ก๋าน​ถวาย​เครื่อง​ปู่จา​พระเจ้า​ตี้​แต้น​ปู่จา​ตวย​บ่ใจ้​กา

กาลาเทีย 4:4

แต่​เมื่อ​เถิง​เวลา​ตี้​เหมาะสม​แล้ว พระเจ้า​ก็​ได้​ส่ง​พระบุตร​ของ​พระองค์​ลง​มา​เกิด​กับ​แม่ญิง​คน​นึ่ง เซิ่ง​พระองค์​เกิด​อยู่​ใต้​อำนาจ​ของ​บท​บัญญัติ

1 เธสะโลนิก๋า 1:10

ตึง​อู้​เถิง​เรื่อง​ต้าน​ตังหลาย​กองถ้า​บุตร​ของ​พระเจ้า​จาก​สวรรค์ คือ​พระเยซู​คริสต์​ผู้​ตี้​พระเจ้า​ได้​โผด​หื้อ​ปิ๊ก​เป๋น​ขึ้น​จาก​ความ​ต๋าย ผู้จ้วย​หื้อ​เฮา​ป๊น​จาก​โต้ษ​ตี้​จะ​มา​ปาย​หน้า​นั้น

1 ทิโมธี 2:5

ก็​เป๋น​จาอั้น ย้อน​ว่า​มี​พระเจ้า​องค์​เดียว​เต้าอั้น กับ​มี​คน​เดียว​ตี้​เป๋น​คน​ก๋าง​หละหว่าง​พระเจ้า​กับ​มนุษย์​เปื้อ​หื้อ​คืนดี​กั๋น คน​นั้น​คือ​พระเยซู​คริสต์

1 ทิโมธี 3:16

แม่น​แล้ว ข้อ​ล้ำเลิ็ก​แห่ง​ศาสนา​ของ​เฮา​ยิ่งใหญ่ คือ​ว่า พระเยซู​คริสต์​มา​ป๋ากฏ​เป๋น​คน แล้ว​พระวิญญาณ​บริสุทธิ์​แสดง​หื้อ​หัน​ว่า​พระองค์​เป๋น​ตี้​ปอใจ๋​ของ​พระเจ้า กับ​หมู่​ทูตสวรรค์​ได้​หัน​พระองค์ แล้ว​คน​ตังหลาย​ได้​บอก​เรื่อง​พระองค์​หื้อ​แก่​คน​กู้​จ้าด​ฮู้ แล้ว​คน​ใน​โลก​ก็​เจื้อ​พระองค์ กับ​พระเจ้า​ก็​ฮับ​พระองค์​ไป​สวรรค์

2 ทิโมธี 2:8

กึ๊ด​เถิง​เรื่อง​พระเยซู​คริสต์ ผู้​ตี้​พระเจ้า​เยียะ​หื้อ​เป๋น​ขึ้น​จาก​ความ​ต๋าย กับ​เป๋น​ลูกหลาน​เจื๊อสาย​กษัตริย์​ดาวิด ต๋าม​ข่าวดี​ตี้​ข้าพเจ้า​บอก​นั้น

1 ยอห์น 1:3

หมู่​เฮา​ก็​บอก​สิ่ง​ตี้​หมู่​เฮา​ได้​หัน​กับ​ได้ยิน​นั้น​หื้อ​หมู่​ต้าน​ฟัง​ตวย เปื้อ​ว่า​หมู่​ต้าน​จะ​ได้​มี​สามัคคีธรรม​กับ​หมู่​เฮา สามัคคีธรรม​นี้​คือ​ก๋าน​สามัคคีธรรม​ตี้​หมู่​เฮา​มี​กับ​พระบิดา​ตึง​กับ​พระเยซู​คริสต์​พระบุตร​ของ​พระองค์​ตวย

1 ยอห์น 3:23

กำสั่ง​ของ​พระองค์​คือ​หื้อ​เฮา​เจื้อ​วางใจ๋​พระเยซู​คริสต์​พระบุตร​ของ​พระองค์ กับ​หื้อ​เฮา​ฮัก​กั๋น​เหมือน​อย่าง​ตี้​พระองค์​ได้​สั่ง​เฮา​ไว้

1 ยอห์น 3:8

คน​ใด​ตี้​ยัง​เยียะ​บาป​อยู่ คน​นั้น​ก็​เป๋น​ของ​มาร ย้อน​ว่า​มาร​ได้​เยียะ​บาป​มา​ตั้งแต่​เมื่อ​เก๊าหัวที​แล้ว นี่​เป๋น​เหตุ​ตี้​พระบุตร​ของ​พระเจ้า​มา​ป๋ากฏ เปื้อ​มา​ทำลาย​ก๋าน​งาน​ของ​มาร​เหีย

1 ยอห์น 4:15

คน​ตี้​ยอมฮับ​ว่า​พระเยซู​เป๋น​พระบุตร​ของ​พระเจ้า พระเจ้า​ก็​เป๋น​น้ำ​นึ่ง​ใจ๋​เดียว​กั๋น​กับ​คน​นั้น กับ​คน​นั้น​ก็​เป๋น​น้ำ​นึ่ง​ใจ๋​เดียว​กั๋น​กับ​พระเจ้า

1 ยอห์น 5:1

คน​ตี้​เจื้อ​ว่า​พระเยซู​เป๋น​พระคริสต์ ก็​ได้​จื้อ​ว่า​เป๋น​ลูก​ของ​พระเจ้า กับ​คน​ตี้​ฮัก​ป้อ​ก็​จะ​ฮัก​ลูกๆ ของ​เขา​ตวย

1 ยอห์น 5:20

แต่​เฮา​ก็​ฮู้​ว่า​พระบุตร​ของ​พระเจ้า​มา​แล้ว กับ​หื้อ​ความ​เข้าใจ๋​กับ​เฮา เปื้อ​เฮา​จะ​ฮู้จัก​พระเจ้า​ผู้​เป๋น​ความ​จริง เฮา​มี​ความ​สัมพันธ์​กับ​พระองค์​ผู้​เป๋น​ความ​จริง​นั้น โดย​ความ​สัมพันธ์​ตี้​เฮา​มี​กับ​พระเยซู​คริสต์​พระบุตร​ของ​พระองค์ พระองค์​ผู้​นี้​เป๋น​พระเจ้า​เตี้ยง​แต๊​กับ​เป๋น​ผู้​ตี้​เยียะ​หื้อ​คน​มี​จีวิต​นิรันดร์

1 ยอห์น 5:5

ใผ​ตี้​มี​ชัย​เหนือ​โลก​นี้​ได้ ก็​คือ​คน​ตี้​เจื้อ​ว่า​พระเยซู​เป๋น​พระบุตร​ของ​พระเจ้า

2 ยอห์น 1:7

มี​หมู่​ขี้​จุ​นัก​ขนาด​ออก​มา​ใคว่​โลก​นี้ คน​หมู่​นี้​บ่ยอมฮับ​ว่า​พระเยซู​คริสต์​ได้​เข้า​มา​ใน​โลก​นี้​เป๋น​มนุษย์​แต๊ๆ คน​จาอี้​เป๋น​ตึง​คน​ขี้​จุ​เป๋น​ตึง​ศัตรู๋​ของ​พระคริสต์

วิวรณ์ 2:18

“หื้อ​เขียน​เถิง​ทูตสวรรค์​ของ​คริสตจักร​ใน​เมือง​ธิยาทิรา​ว่า พระองค์​ผู้​ตี้​เป๋น​พระบุตร​ของ​พระเจ้า เซิ่ง​มี​ต๋า​เหมือน​เปล๋วไฟ​กับ มี​ตี๋น​เหมือน​ตองแดง​ตี้​เหลื้อม​มาบๆ อู้​ว่า