โรม 1:20 - พระคริสตธรรมคัมภีร ภาคพันธสัญญาใหม

²⁰ ย้อน​ตั้งแต่​พระเจ้า​ได้​สร้าง​โลก​มา​แล้ว หมู่​เขา​ก็​ได้​ฮับฮู้​สภาพ​ของ​พระเจ้า​ตี้​ผ่อ​หัน​บ่ได้ คือ​ฤทธิ์​อำนาจ​ของ​พระองค์​ตี้​บ่มี​วัน​เสื่อม​กับ​ความ​เป๋น​พระเจ้า​อย่าง​แจ่มแจ้ง​จาก​สิ่ง​ตี้​พระองค์​สร้าง​มา​แล้ว ย้อนจาอั้น​มนุษย์​จึง​แก้​ตั๋ว​บ่ได้​เลย

โรม 1:20 Iomraidhean Croise

มัทธิว 5:45

ถ้า​ต้าน​ตังหลาย​เยียะ​จาอี้​แล้ว ก็​แสดง​ว่า​ต้าน​เป๋น​ลูก​แต๊ๆ ของ​พระบิดา​ตี้​อยู่​ใน​สวรรค์ ย้อน​ว่า​พระองค์​ก็​เยียะ​หื้อ​ตะวัน​ส่อง​แจ้ง​หลึ​แจ้ง​หลึ้ง​ตึง​คน​บ่ดี​กับ​คน​ดี ก็​หื้อ​ฝน​ตก​ลง​มา​ใส่​ตึง​คน​ตี้​เยียะ​ดี​ตึง​คน​ตี้​เยียะ​ฮ้าย​เหมือน​กั๋น​หมด​กู้​คน

มาระโก 10:6

แต่​ตั้งแต่​เก๊าหัวที​ตี้​พระเจ้า​สร้าง​โลก​นั้น ‘พระองค์​ได้​สร้าง​คน​เป๋น​ป้อจาย​กับ​แม่ญิง’

ยอห์น 1:18

บ่มี​ใผ​เกย​หัน​พระเจ้า มี​ก้า​พระบุตร​องค์​เดียว​ของ​พระเจ้า ตี้​เป๋น​พระเจ้า​เอง กับ​อยู่​ใก้​พระบิดา ตี้​เยียะ​หื้อ​เฮา​ฮู้จัก​พระเจ้า

ยอห์น 15:22

ถ้า​เฮา​บ่ได้​มา​กับ​บ่ได้​สั่ง​สอน​หมู่​เขา หมู่​เขา​ก็​จะ​บ่มี​ความ​ผิด​อะหยัง แต่​บ่าเดี่ยว​นี้​หมู่​เขา​บ่มี​ข้อ​แก้​ตั๋ว​ใน​เรื่อง​บาป​ของ​หมู่​เขา

กิจก๋าน 17:29

“ย้อนจาอั้น​เมื่อ​หมู่​เฮา​เป๋น​เจื๊อสาย​ของ​พระเจ้า​แล้ว หมู่​เฮา​ก็​บ่ดี​กึ๊ด​ว่า​พระองค์​เป๋น​เหมือน​ฮูป​เคารพ ตี้​คน​กึ๊ด​ออกแบบ​แป๋ง​มา​จาก​คำ จาก​เงิน กาว่า​จาก​บ่าหิน

กิจก๋าน 22:1

“ป้อ​แม่​ปี้น้อง​ตังหลาย​บ่าเดี่ยวนี้​ขอ​ฟัง​กำ​จี๊แจ๋ง​ของ​ข้าพเจ้า​สัก​หน้อย​เต๊อะ”

โรม 1:19

ตี้​พระเจ้า​โขด​หมู่​เขา​ก็​ย้อน​ว่า​พระองค์​เปิดเผย​เรื่อง​ของ​พระองค์​หื้อ​เขา​หัน​แจ้ง​แล้ว

โรม 16:26

แต่​บ่าเดี่ยว​นี้​พระเจ้า​เปิด​เผย​หื้อ​ฮู้​ผ่าน​ตาง​ผู้​เป๋น​ปาก​เป๋น​เสียง​แตน​พระเจ้า​ตี้​ได้​เขียน​ไว้​ต๋าม​กำสั่ง​ของ​พระเจ้า​ผู้​เป๋น​อยู่​ตลอด เปื้อ​คน​ใน​กู้ๆ จ้าด​จะ​ได้​เจื้อ​วางใจ๋​กับ​เจื้อฟัง​พระองค์

โรม 2:1

ย้อนจาอั้น บ่ว่า​ต้าน​จะ​เป๋น​ใผ​ก็​ต๋าม ถ้า​ต้าน​ตัดสิน​คน​อื่น ต้าน​ก็​บ่มี​ข้อ​แก้​ตั๋ว​ต่อ​พระเจ้า​เลย เมื่อ​ต้าน​ตัดสิน​คน​อื่น ต้าน​ก็​ได้​ตัดสิน​ลงโต้ษ​ตั๋ว​เก่า​แล้ว ย้อน​ว่า​ต้าน​ก็​เยียะ​อย่าง​เดียว​กับ​เขา​เหมือน​กั๋น

โรม 2:15

ก๋าน​เยียะ​ของ​เขา​นั้น​ก็​จี๊​หื้อ​หัน​ว่า บท​บัญญัติ​ได้​เขียน​ไว้​ใน​จิตใจ๋​ของ​เขา ก็​ผ่อ​ได้​จาก​จิต​สำนึก​ของ​เขา กับ​กำกึ๊ด​ต่างๆ ของ​เขา​ตี้​ฟ้อง​โต้ษ​ตั๋ว​เก่า​ใน​สิ่ง​ตี้​เยียะ​ผิด​กาว่า​ยืนยัน​ว่า​สิ่ง​ตี้​เยียะ​นั้น​ถูกต้อง

1 โครินธ์ 1:20

ไหน​หมู่​คน​หลวก ไหน​หมู่​ธรรมาจ๋ารย์ ไหน​หมู่​นัก​ปราชญ์​สมัย​นี้ พระเจ้า​เยียะ​หื้อ​หัน​แล้ว​บ่ใจ้​กา ว่า​ปั๋ญญา​ของ​โลก​นี้​มัน​ง่าว

โคโลสี 1:15

พระเยซู ผู้​ตี้​เฮา​ผ่อ​หัน​ได้ ก็​สำแดง​ภาพ​สะท้อน​ของ​พระเจ้า​ผู้​ตี้​เฮา​ผ่อ​หัน​บ่ได้ พระเยซู​เป๋น​ลูก​คน​เก๊า​ตี้​ยิ่งใหญ่​เหลือ​กู้​สิ่ง​กู้​อย่าง​ตี้​พระเจ้า​สร้าง​มา

โคโลสี 2:9

ย้อน​ว่า​สภาพ​ของ​พระเจ้า​ตี้​สมบูรณ์​กู้​อย่าง​ก็​ได้​สำแดง​ใน​ตั๋ว​ของ​พระเยซู​แล้ว

1 ทิโมธี 1:17

พระเจ้า​ผู้​เป๋น​กษัตริย์​นิรันดร์​ตี้​บ่มี​วัน​ต๋าย ผู้​ตี้​ผ่อ​หัน​บ่ได้ ผู้​เป๋น​พระเจ้า​องค์​เดียว ขอ​เกียรติ​จง​มี​แก่​พระเจ้า​พระบิดา​ของ​เฮา​ตลอด​ไป อาเมน

1 ทิโมธี 6:16

ผู้​เดียว​ตี้​บ่มี​วัน​ต๋าย​กับ​อยู่​ใน​ความ​เป่ง​แจ้ง​ตี้​มนุษย์​เข้า​ใก้​บ่ได้ ผู้​ตี้​บ่มี​มนุษย์​คน​ใด​ตี้​เกย​หัน​กาว่า​ผ่อ​หัน​ได้ ขอ​เกียรติ​กับ​ฤทธิ์​อำนาจ​จง​มี​แก่​พระองค์​ตลอด​ไป อาเมน

ฮีบรู 11:27

ย้อน​ความ​เจื้อ​ต้าน​ออก​จาก​ประเทศ​อียิปต์​อย่าง​บ่กั๋ว​ก๋าน​โขด​ของ​กษัตริย์ ต้าน​ตั้งใจ๋​แน่วแน่ อย่าง​กับ​ได้​หัน​พระเจ้า​ผู้​ตี้​ผ่อ​หัน​บ่ได้

ฮีบรู 9:14

แล้ว​เลือด​ของ​พระเยซู​คริสต์​จะ​ซ่วย​ล้าง​เฮา​นัก​เหลือ​นั้น​มอก​ใด ย้อน​โดย​ตาง​พระวิญญาณ​ตี้​อยู่​ตลอด​ไป พระคริสต์​ถวาย​ตั๋ว​เป๋น​เครื่องปู่จา​ตี้​บ่มี​ต๋ำหนิ​ต่อ​พระเจ้า เลือด​ของ​พระองค์​ก็​สามารถ​ซ่วย​ล้าง​จิต​สำนึก​ของ​เฮา​หื้อ​บริสุทธิ์​ป๊น​จาก​ก๋าน​เยียะ​ตี้​นำ​ไป​เถิง​ความ​ต๋าย เปื้อ​เฮา​จะ​ได้​ฮับใจ๊​พระเจ้า​ผู้​มี​จีวิต​อยู่