วิวรณ์ 7:9 - พระคริสตธรรมคัมภีร ภาคพันธสัญญาใหม

⁹ หลัง​จาก​นั้น ข้าพเจ้า​ก็​ผ่อ​หัน​คน​จ๋ำนวน​นัก​ขนาด​นับ​ปอ​บ่แป๊ ตี้​มา​จาก​กู้​ประเทศ กู้​เผ่า กู้​เจื๊อ​จ้าด กับ​กู้​ภาษา ยืน​อยู่​ต่อหน้า​บัลลังก์​กับ​ต่อหน้า​ลูก​แกะ​นั้น หมู่​เขา​ใส่​เสื้อ​คุม​สี​ขาว ใน​มือ​ก๋ำ​ใบ​ปาล์ม

วิวรณ์ 7:9 Iomraidhean Croise

ลูก๋า 12:1

กำ​นั้น​มี​คน​นัก​เป๋น​ปันๆ คน​มา​จุมนุม​ยัด​กั๋น​อยู่ พระเยซู​อู้​กับ​หมู่​สาวก​ของ​พระองค์​ก่อน​ว่า “ต้าน​ตังหลาย​จง​หละวัง​เจื๊อฟู​ของ​หมู่​ฟาริสี คือ​ความ​หน้า​ซื่อ​ใจ๋​ก๊ด

ลูก๋า 21:36

หื้อ​เฝ้า​หละวัง​อยู่​ตลอด​กับ​อธิษฐาน​ตึง​วัน เปื้อ​หมู่​ต้าน​จะ​มี​ก๋ำลัง​ตี้​จะ​ป๊น​จาก​เหตุก๋ารณ์​ตังมวล​ตี้​จะ​เกิด​ขึ้น แล้ว​จะ​ยืน​อยู่​ต่อหน้า​บุตรมนุษย์​ได้”

ยอห์น 12:13

หมู่​เขา​ก็​ปา​กั๋น​เอา​กิ่ง​ปาล์ม​ไป​ต้อนฮับ​พระองค์​แล้ว​โห่​ฮ้อง​ว่า “โฮซันนา” “ขอ​พระเจ้า​ปั๋น​ปอน​ผู้​ตี้​มา​ใน​นาม​องค์​พระผู้เป๋นเจ้า​เต๊อะ​เน่อ” “ขอ​พระเจ้า​ปั๋น​ปอน​กษัตริย์​อิสราเอล​เต๊อะ​เน่อ”

โรม 11:25

ปี้น้อง​ตังหลาย ข้าพเจ้า​ใค่​หื้อ​หมู่​ต้าน​ฮู้​เรื่อง​เกี่ยว​กับ​ความ​จริง​อัน​ล้ำเลิ็ก​นี้ เปื้อ​หมู่​ต้าน​จะ​บ่อวด​ฮู้ คือ​หมู่​จาว​อิสราเอล​บาง​ส่วน​ใจ๋แข็ง แต่​จะ​เป๋น​จาอั้น​จ๋น​เถิง​คน​ต่างจ้าด​จะ​เข้า​มา​เจื้อ​พระเจ้า​จ๋น​ครบ​จ๋ำนวน​ก่อน

เอเฟซัส 6:13

ย้อน​จาอี้​หื้อ​ใส่​เครื่อง​ป้องกั๋น​ใน​ก๋าน​ฮบ​ตึงหมด​ของ​พระเจ้า​ไว้ เมื่อ​ปะ​สิ่ง​บ่ดี​หมู่​นั้น​เมื่อ​ใด หมู่​ต้าน​ก็​จะ​ต่อสู้​กับ​สิ่ง​หมู่​นั้น​ได้ เมื่อ​กู้​อย่าง​จบ​เสี้ยง​แล้ว หมู่​ต้าน​ก็​จะ​ยัง​ยืน​หยัด​อยู่​ได้

ฮีบรู 11:12

ย้อน​จาอั้น​ป้อจาย​คน​นี้​ตี้​เฒ่า​จ๋น​ใก้​จะ​ต๋าย​ก็​ยัง​เกิด​ลูก​หลาน​สืบ​เจื๊อสาย​จ๋ำนวน​นัก​เหมือน​ดาว​บน​ต๊องฟ้า กับ​เหมือน​เม็ด​ทราย​จ๋ำนวน​นับ​จ๋น​บ่ได้​ตี้​บน​ฝั่ง​ทะเล

ฮีบรู 12:22

แต่​ต้าน​ตังหลาย​ได้​มา​แผว​ดอย​ศิโยน มา​แผว​กรุง​เยรูซาเล็ม​ตี้​อยู่​ใน​สวรรค์ เป๋น​เมือง​ของ​พระเจ้า​ผู้​มี​จีวิต​อยู่ กับ​เป๋น​ตี้​ตี้​หมู่​ทูตสวรรค์​จ๋ำนวน​นัก​เป๋น​หมื่นๆ จุมนุม​กั๋น​อย่าง​จื้นจมยินดี

วิวรณ์ 11:15

เมื่อ​เสียง​แก​จาก​ทูตสวรรค์​องค์​ตี้​เจ็ด​ดัง​ขึ้น ก็​มี​เสียง​หลาย​เสียง​ใน​สวรรค์​ดัง​ขึ้น​อู้​ว่า “แผ่นดิน​ของ​โลก​นี้​ได้​ก๋าย​เป๋น​แผ่นดิน​ของ​องค์​พระ​ผู้​เป๋น​เจ้า​ของ​เฮา​กับ​พระคริสต์​ของ​พระองค์ แล้ว​พระองค์​จะ​ปกครอง​ตลอดไป”

วิวรณ์ 22:3

ใน​เมือง​บ่มี​สิ่ง​ใด​ตี้​พระเจ้า​สาป​แจ้ง​เลย บัลลังก์​ของ​พระเจ้า​กับ​ของ​ลูก​แกะ​ตั๋ว​นั้น​จะ​อยู่​ใน​เมือง​นี้ กับ​หมู่​ผู้​ฮับใจ๊​ของ​พระองค์​จะ​กราบ​ไหว้​พระองค์

วิวรณ์ 3:18

เฮา​แนะนำ​หื้อ​หมู่​ต้าน​ซื้อ​คำ​ตี้​ได้​หลอม​ด้วย​ไฟ​หื้อ​บริสุทธิ์​แล้ว​จาก​เฮา เปื้อ​หมู่​ต้าน​จะ​ได้​ร่ำรวย​แต๊ๆ หื้อ​หมู่​ต้าน​ซื้อ​เสื้อผ้า​สี​ขาว​ไป​ใส่​เปื้อ​จะ​ได้​บ่ต้อง​อาย ย้อน​ป๋วย​ตั๋ว​อยู่ แล้ว​หื้อ​ซื้อ​ยา​มา​ใส่​ต๋า​ของ​หมู่​ต้าน​เปื้อ​จะ​ได้​ผ่อ​หัน

วิวรณ์ 4:4

นอก​จาก​นี้​ยัง​มี​บัลลังก์​แหม​ซาว​สี่​บัลลังก์​ล้อม​แวด​บัลลังก์​นั้น กับ​มี​ผู้​อาวุโส​ซาว​สี่​คน​นั่ง​อยู่​บน​แต่​ละ​บัลลังก์ ผู้​อาวุโส​หมู่​นั้น​ใส่​เสื้อผ้า​สี​ขาว​กับ​ใส่​มงกุฎ​คำ

วิวรณ์ 5:11

ข้าพเจ้า​ก็​ผ่อ​แหม​เตื้อ แล้ว​ได้ยิน​เสียง​ของ​ทูตสวรรค์​นัก​ขนาด​เป๋น​จ๋ำนวน​ล้านๆ ตี้​อยู่​ล้อม​แวด​บัลลังก์​กับ​สิ่ง​มี​จีวิต​ตึง​สี่​ต๋น​ตึง​ผู้​อาวุโส​ตังหลาย

วิวรณ์ 5:9

หมู่​เขา​ก็​ฮ้อง​เพลง​บท​ใหม่​ว่า “พระองค์​เป๋น​ผู้​ตี้​สมควร​ตี้​จะ​ได้ฮับ​หนังสือ​ม้วน​นี้ กับ​แกะ​ก๋า​ออก ย้อน​พระองค์​ได้​ถูก​ฆ่า​แล้ว กับ​ได้​ไถ่​คน​ตังหลาย​หื้อ​พระเจ้า​โดย​เลือด​ของ​พระองค์ เซิ่ง​คน​หมู่​นั้น​มา​จาก​กู้​เผ่า กู้​ภาษา กู้​จ้าด กับ​กู้​บ้านเมือง

วิวรณ์ 6:11

แล้ว​เขา​หมู่​นั้น​กู้​คน​ก็​ได้​ฮับ​เสื้อ​คุม​สี​ขาว กับ​พระองค์​บอก​หมู่​เขา​หื้อ​ถ้า​ต่อ​ไป​แหม​กำเดียว จ๋น​กว่า​หมู่​ปี้น้อง​ผู้​ฮับใจ๊​พระคริสต์​จะ​ถูก​ฆ่า​อย่าง​กับ​หมู่​เขา​จ๋น​ครบ​จ๋ำนวน​ตี้​ต้องก๋าน

วิวรณ์ 7:8

เผ่า​เศบูลุน นึ่ง​หมื่น​สอง​ปัน​คน เผ่า​โยเซฟ นึ่ง​หมื่น​สอง​ปัน​คน กับ​เผ่า​เบนยามิน นึ่ง​หมื่น​สอง​ปัน​คน