วิวรณ์ 7:11 - พระคริสตธรรมคัมภีร ภาคพันธสัญญาใหม

¹¹ ทูตสวรรค์​ตึง​หมด​ตี้​ยืน​แวด​บัลลังก์ แวด​หมู่​ผู้​อาวุโส​กับ​แวด​สิ่ง​มี​จีวิต​ตึง​สี่​ต๋น​นั้น ก็​ก้ม​หน้า​ลง​กราบ​อยู่​ต่อ​หน้า​บัลลังก์​แล้ว นมัสก๋าน​พระเจ้า

วิวรณ์ 7:11 Iomraidhean Croise

มัทธิว 4:10

พระเยซู​อู้​กับ​มาร​ว่า “ไอ่​ซาต๋าน​ไป​ไก๋ๆ บ่าเดี่ยว​นี้ พระคัมภีร์​มี​เขียน​ไว้​ว่า ‘หื้อ​นมัสก๋าน​องค์​พระผู้เป๋นเจ้า พระเจ้า​ของ​เจ้า กับ​ฮับใจ๊​พระองค์​ผู้​เดียว​เต้าอั้น’”

ยอห์น 5:23

เปื้อ​หมู่​คน​ตึง​หมด​จะ​หื้อ​เกียรติ​พระบุตร​เหมือน​ตี้​หมู่​เขา​หื้อ​เกียรติ​พระบิดา คน​ตี้​บ่หื้อ​เกียรติ​พระบุตร หมู่​เขา​ก็​บ่หื้อ​เกียรติ​พระบิดา​ผู้​ตี้​ใจ๊​พระบุตร​มา​ตวย

ฮีบรู 1:6

เมื่อ​พระเจ้า​ส่ง​พระบุตร​ตี้​เป๋น​ลูก​คน​เก๊า​เข้า​มา​ใน​โลก​นี้ พระองค์​ก็​อู้​ว่า “หื้อ​หมู่​ทูตสวรรค์​ตังหลาย​ของ​พระเจ้า​นมัสก๋าน​พระบุตร”

วิวรณ์ 11:16

หมู่​ผู้​อาวุโส​ซาว​สี่​คน​ตี้​นั่ง​อยู่​บน​บัลลังก์​ของ​ต๋น​ตั๊ด​หน้า​พระเจ้า ก็​ก้ม​ลง​กราบ​นมัสก๋าน​พระเจ้า

วิวรณ์ 15:4

พระองค์​เจ้า​ข้า ใผ​พ่อง​จะ​บ่เก๋งกั๋ว​พระองค์ มี​ใผ​พ่อง​จะ​บ่หื้อ​เกียรติ​จื้อ​ของ​พระองค์ ย้อน​มี​แต่​พระองค์​เต้าอั้น​ตี้​บริสุทธิ์ คน​กู้​จ้าด​จะ​มา​นมัสก๋าน​พระองค์ ย้อน​ว่า​ก๋าน​เยียะ​ตี้​ยุติธรรม​ของ​พระองค์​ได้​เปิดเผย​หื้อ​หัน​แล้ว”

วิวรณ์ 22:9

แต่​ทูตสวรรค์​องค์​นั้น​บอก​ข้าพเจ้า​ว่า “บ่ดี​เยียะ​จาอี้ ย้อน​เฮา​ก็​เป๋น​เปื้อน​ผู้​ฮับใจ๊​ตวย​กั๋น​กับ​เจ้า กับ​ปี้น้อง​ของ​เจ้า​ตี้​เป๋น​ผู้​เป๋น​ปาก​เป๋น​เสียง​แตน​พระเจ้า ตึง​กู้​คน​ตี้​เจื้อฟัง​ถ้อยกำ​ใน​หนังสือ​เล่ม​นี้ จง​นมัสก๋าน​พระเจ้า​เต๊อะ”

วิวรณ์ 4:10

ผู้​อาวุโส​ตึง​ซาว​สี่​คน​ก็​ก้ม​ลง​กราบ​นมัสก๋าน​พระองค์​ผู้​ตี้​นั่ง​อยู่​บน​บัลลังก์ กับ​มี​จีวิต​อยู่​ตลอด​ไป แล้ว​หมู่​เขา​ก็​ถอด​มงกุฎ​ของ​ตั๋ว​ลง​ตั๊ด​หน้า​บัลลังก์​ฮ้อง​ว่า

วิวรณ์ 4:4

นอก​จาก​นี้​ยัง​มี​บัลลังก์​แหม​ซาว​สี่​บัลลังก์​ล้อม​แวด​บัลลังก์​นั้น กับ​มี​ผู้​อาวุโส​ซาว​สี่​คน​นั่ง​อยู่​บน​แต่​ละ​บัลลังก์ ผู้​อาวุโส​หมู่​นั้น​ใส่​เสื้อผ้า​สี​ขาว​กับ​ใส่​มงกุฎ​คำ

วิวรณ์ 4:6

ตั๊ด​หน้า​บัลลังก์​นั้น ผ่อ​เหมือน​ทะเล​แก้ว​ตี้​ใส​อย่าง​แก้ว​เจียระไน ส่วน​ตั๊ด​ก๋าง​บริเวณ​รอบ​บัลลังก์ มี​สิ่ง​มี​จีวิต​สี่​ต๋น เซิ่ง​มี​แก่น​ต๋า​อยู่​รอบ​ตั๋ว​เต๋ม​ไป​หมด​ตึง​ตัง​หน้า​ตัง​หลัง

วิวรณ์ 4:8

สิ่ง​มี​จีวิต​ตึง​สี่​ต๋น​นี้ แต่​ละ​ต๋น​มี​หก​ปีก​กับ​มี​แก่นต๋า​เต๋ม​ไป​หมด​ตึง​รอบ​ตั๋ว​กับ​ใน​ปีก​ตวย ตึง​เมื่อ​วัน​ตึง​เมื่อ​คืน บ่เกย​หยุด​อู้​ว่า “บริสุทธิ์ บริสุทธิ์ บริสุทธิ์ คือ​องค์​พระ​ผู้​เป๋น​เจ้า​พระเจ้า​ผู้​มี​ฤทธิ์​อำนาจ​สูงสุด ผู้​เป๋น​อยู่​ตลอด​ใน​อดีต บ่าเดี่ยวนี้​กับ​ตี้​จะ​มา​ใน​ปายหน้า”