วิวรณ์ 6:4 - พระคริสตธรรมคัมภีร ภาคพันธสัญญาใหม

⁴ จาก​นั้น ม้า​แหม​ตั๋ว​นึ่ง​สี​แดง​ไฟ​ก็​ออก​มา ผู้​ตี้​ขี่​อยู่​บน​หลัง​ม้า​ได้ฮับ​อำนาจ​ตี้​จะ​เอา​สันติสุข​ไป​จาก​โลก เปื้อ​เยียะ​หื้อ​คน​ฆ่า​กั๋น​เอง ผู้​ขี่​ม้า​ได้ฮับ​ดาบ​ใหญ่​เล่ม​นึ่ง

วิวรณ์ 6:4 Iomraidhean Croise

มัทธิว 10:34

“บ่ดี​กึ๊ด​เอา​คน​เดียว​ว่า เฮา​มา​ใน​โลก​นี้​เปื้อ​นำ​เอา​ความ​สงบ​สุข​มา​หื้อ​เน่อ แต่​เฮา​เอา​ดาบ​มา

มัทธิว 24:6

ต้าน​ตังหลาย​จะ​ได้ยิน​เรื่อง​สงคราม กับ​ได้​ข่าว​ลือ​ว่า​เกิด​สงคราม​ตึง​ใก้​ตึง​ไก๋ ก็​บ่ถ้า​ตก​อก​ตก​ใจ๋ ย้อน​เรื่อง​จาอี้​จะ​ต้อง​เกิด​ขึ้น​ก่อน แต่​ยัง​บ่เถิง​วัน​เสี้ยง​สุด​ของ​โลก​เตื้อ

ยอห์น 19:11

พระเยซู​ก็​อู้​ว่า “ถ้า​พระเจ้า​บ่ได้​หื้อ​อำนาจ​นั้น​กับ​ต้าน ต้าน​ก็​จะ​บ่มี​อำนาจ​เหนือ​เฮา จาอั้น​คน​ตี้​ยับ​เฮา​มา​หื้อ​ต้าน​ก็​ผิด​นัก​เหลือ​ต้าน”

วิวรณ์ 12:3

ข้าพเจ้า​ก็​ได้​หัน​สิ่ง​ตี้​เป๋น​หมายสำคัญ​แหม​อย่าง​นึ่ง​เกิด​ขึ้น​บน​ต๊องฟ้า มี​มังกร​แดง​ใหญ่​ตั๋ว​นึ่ง มี​เจ็ด​หัว​สิบ​เขา แต่​ละ​หัว​มี​มงกุฎ​ใส่​อยู่

วิวรณ์ 13:10

คน​ตี้​ถูก​ก๋ำหนด​หื้อ​เป๋น​เชลย คน​นั้น​ก็​จะ​ต้อง​เป๋น​เชลย คน​ตี้​ถูก​ก๋ำหนด​หื้อ​ถูก​ฆ่า​ด้วย​ดาบ คน​นั้น​ก็​จะ​ต้อง​ถูก​ฆ่า​ด้วย​ดาบ นี่​หมายเถิง​ว่า​คน​ของ​พระเจ้า​จะ​ต้อง​อดทน​กับ​ซื่อสัตย์

วิวรณ์ 17:3

จาก​นั้น​พระวิญญาณ​ดลใจ๋​ข้าพเจ้า แล้ว​ทูตสวรรค์​องค์​นั้น​ปา​ข้าพเจ้า​ไป​ตี้​ดินแดน​ทุรกั๋นดาร ตี้​หั้น​ข้าพเจ้า​หัน​แม่ญิง​คน​นึ่ง​นั่ง​อยู่​บน​สัตว์​ฮ้าย​สี​แดง​สด​ตั๋ว​นั้น บน​ตั๋ว​สัตว์​ฮ้าย​นั้น​มี​จื้อ​ต่างๆ ตี้​ดู​แควน​พระเจ้า​เต๋ม​ไป​หมด สัตว์​ตั๋ว​นี้​มี​เจ็ด​หัว​สิบ​เขา

วิวรณ์ 17:6

ข้าพเจ้า​หัน​แม่ญิง​คน​นั้น​เมา​เลือด​จาก​คน​ของ​พระเจ้า คือ​เลือด​ของ​คน​ตี้​ต๋าย​ย้อน​เป๋น​พยาน​หื้อ​กับ​พระเยซู เมื่อ​ข้าพเจ้า​หัน​นาง ข้าพเจ้า​งืด​ขนาด