วิวรณ์ 6:17 - พระคริสตธรรมคัมภีร ภาคพันธสัญญาใหม

¹⁷ ย้อน​ว่า​วัน​ตี้​พระเจ้า​กับ​ลูก​แกะ​ตั๋ว​นั้น​จะ​ลงโต้ษ​กู้​คน​ได้​มา​เถิง​แล้ว ใผ​จะ​รอด​จีวิต​จาก​ก๋าน​ลงโต้ษ​นี้​ได้​กา”

วิวรณ์ 6:17 Iomraidhean Croise

ลูก๋า 21:36

หื้อ​เฝ้า​หละวัง​อยู่​ตลอด​กับ​อธิษฐาน​ตึง​วัน เปื้อ​หมู่​ต้าน​จะ​มี​ก๋ำลัง​ตี้​จะ​ป๊น​จาก​เหตุก๋ารณ์​ตังมวล​ตี้​จะ​เกิด​ขึ้น แล้ว​จะ​ยืน​อยู่​ต่อหน้า​บุตรมนุษย์​ได้”

โรม 2:5

แต่​ย้อน​ใจ๋​ของ​ต้าน​แข็ง​ล้ำ​ไป​บ่ยอม​กลับใจ๋​จาก​บาป ต้าน​จึง​สะสม​โต้ษ​สำหรับ​ตั๋ว​เก่า​เอา​ไว้​ใน​วัน​ตี้​พระเจ้า​จะ​เปิดเผย​ว่า​พระองค์​โขด​แล้ว​จะ​ตัดสิน​อย่าง​ยุติธรรม

ยูดา 1:6

กับ​เรื่อง​ตี้​ว่า​หมู่​ทูตสวรรค์​ตี้​บ่ปอใจ๋​สิทธิ​อำนาจ​ของ​ต๋น​ตี้​พระเจ้า​หื้อ แต่​ได้​ละขว้าง​ตี้​อยู่​ของ​ตั๋ว​ไป พระเจ้า​ได้​สั่ง​ล่าม​หมู่​เขา​ไว้​โดย​เจื้อก​เหล็ก​ตี้​บ่มี​วัน​ปุด​อยู่​ใน​ตี้​ตี้​มืด เปื้อ​ถ้า​ก๋าน​ตัดสิน​ลงโต้ษ​ใน​วัน​อัน​ยิ่งใหญ่​นั้น

วิวรณ์ 11:18

จ้าด​ตังหลาย​ตี้​บ่ได้​เจื้อ​พระองค์​ปา​กั๋น​โขด​แค้น แต่​บ่าเดี่ยว​นี้​เถิง​เวลา​แล้ว​ตี้​พระองค์​จะ​แสดง​ความ​โขด​ของ​พระองค์ เถิง​เวลา​ตี้​พระองค์​จะ​ตัดสิน​คน​ตี้​ต๋าย​ไป​แล้ว กับ​เถิง​เวลา​ตี้​หมู่​ผู้​ฮับใจ๊​ของ​พระองค์​คือ​หมู่​ผู้​เป๋น​ปาก​เป๋น​เสียง​แตน​พระเจ้า​จะ​ได้​ฮับ​รางวัล ฮ่วม​กับ​คน​ของ​พระองค์​คือ​คน​หมู่​นั้น​ตี้​เคารพ​ยำเก๋ง​พระองค์ ตึง​ผู้ใหญ่​กับ​ผู้น้อย เถิง​เวลา​แล้ว​ตี้​พระองค์​จะ​ทำลาย​คน​หมู่​นั้น​ตี้​ได้​ทำลาย​แผ่นดิน​โลก”

วิวรณ์ 16:14

วิญญาณ​ฮ้าย​หมู่​นั้น​เยียะ​หมายสำคัญ หมู่​มัน​ออก​ไป​หา​กษัตริย์​ตังหลาย​ตี้​อยู่​ใน​โลก เปื้อ​หื้อ​กษัตริย์​หมู่​นั้น​ไป​ฮ่วม​กั๋น​เยียะ​สงคราม​ใน​วัน​ยิ่งใหญ่​ของ​พระเจ้า​ผู้​มี​ฤทธิ์​อำนาจ​สูงสุด