วิวรณ์ 5:12 - พระคริสตธรรมคัมภีร ภาคพันธสัญญาใหม

¹² ทูตสวรรค์​ก็​ฮ้อง​ด้วย​เสียง​อัน​ดัง​ว่า “ลูก​แกะ​ตั๋ว​นั้น​ตี้​ถูก​ฆ่า ก็​สมควร​จะ​ได้ฮับ ฤทธิ์​อำนาจ ความ​มั่งคั่ง ผญา​ปั๋ญญา ก๋ำลัง เกียรติยศ พระสิริ กับ​กำ​สรรเสริญ”

วิวรณ์ 5:12 Iomraidhean Croise

มัทธิว 28:18

พระเยซู​เข้า​มา​หา​หมู่​เขา อู้​ว่า “พระเจ้า​มอบ​สิทธิ​อำนาจ​ตึงหมด​ใน​สวรรค์​กับ​แผ่นดิน​โลก​ไว้​กับ​เฮา​แล้ว

ยอห์น 1:29

แหม​วัน​นึ่ง ยอห์น​หัน​พระเยซู​เตียว​ซื่อ​มา​ตาง​เขา ยอห์น​ก็​เอิ้น​ว่า “หั้น​ลอ ลูก​แกะ​ของ​พระเจ้า ตี้​จะ​มา​ฮับ​เอา​โต้ษ​บาป​ของ​โลก​ไป

ยอห์น 17:2

ย้อน​ว่า​พระองค์​ได้​หื้อ​พระบุตร​มี​สิทธิ​อำนาจ​เหนือ​กู้​คน เปื้อ​พระบุตร​จะ​หื้อ​จีวิต​นิรันดร์​กับ​กู้​คน​ตี้​พระองค์​ได้​หื้อ​พระบุตร​ไว้

2 โครินธ์ 8:9

ย้อน​หมู่​ต้าน​ฮู้จัก​พระคุณ​ของ​พระเยซู​คริสต์​องค์​พระ​ผู้​เป๋น​เจ้า​ของ​เฮา​แล้ว​ว่า เถิงแม้​พระองค์​มั่งคั่ง แต่​ก็​ยอม​เป๋น​คน​ตุ๊ก ย้อน​หันแก่​หมู่​ต้าน เปื้อ​หมู่​ต้าน​จะ​ได้​เป๋น​คน​มั่งคั่ง​โดย​ตี้​พระองค์​ยอม​เป๋น​คน​ตุ๊ก​ยาก

1 ทิโมธี 1:17

พระเจ้า​ผู้​เป๋น​กษัตริย์​นิรันดร์​ตี้​บ่มี​วัน​ต๋าย ผู้​ตี้​ผ่อ​หัน​บ่ได้ ผู้​เป๋น​พระเจ้า​องค์​เดียว ขอ​เกียรติ​จง​มี​แก่​พระเจ้า​พระบิดา​ของ​เฮา​ตลอด​ไป อาเมน

วิวรณ์ 1:6

พระองค์​เยียะ​หื้อ​เฮา​เป๋น​ครอบครัว​ปุโรหิต​ตี้​ฮับใจ๊​พระเจ้า​พระบิดา​ของ​พระองค์ ขอ​เกียรติ​กับ​ฤทธิ์​อำนาจ​จง​มี​แก่​พระเยซู​คริสต์​ตลอด​ไป อาเมน

วิวรณ์ 13:8

กู้​คน​บน​โลก​นี้​จะ​ปา​กั๋น​ไป​นมัสก๋าน​มัน นอกจาก​คน​ตี้​มี​จื้อ​จด​ไว้​ใน​หนังสือ​แห่ง​จีวิต​ก่อน​พระเจ้า​สร้าง​โลก คือ​หนังสือ​ของ​ลูก​แกะ​ตั๋ว​นั้น​ตี้​ถูก​ฆ่า​นั้น

วิวรณ์ 15:3

หมู่​เขา​ฮ้อง​เพลง​ของ​โมเสส​ผู้​ฮับใจ๊​ของ​พระเจ้า​กับ​เพลง​ของ​ลูก​แกะ​ตั๋ว​นั้น เขา​ฮ้อง​ว่า “ข้า​แต่​องค์​พระผู้เป๋นเจ้า​พระเจ้า​ผู้​มี​ฤทธิ์​อำนาจ​สูง​สุด สิ่ง​ตี้​พระองค์​เยียะ​นั้น​ยิ่งใหญ่​กับ​มหัศจ๋รรย์​นัก​ขนาด ข้า​แต่​กษัตริย์​ของ​คน​กู้​จ้าด​ วิถี​ตาง​ต่างๆ ของ​พระองค์​นั้น​ถูกต้อง​กับ​ยุติธรรม

วิวรณ์ 19:1

ต่อ​จาก​นั้น ข้าพเจ้า​ได้ยิน​เสียง​ดัง​สนั่น​ปั่น​ปื๊น เหมือน​เสียง​ของ​คน​จ๋ำนวน​นัก​ขนาด​บน​สวรรค์ ฮ้อง​ว่า “สรรเสริญ​พระเจ้า ความ​รอด​ป๊น​บาป​โต้ษ พระสิริ กับ​ฤทธิ์​อำนาจ เป๋น​ของ​พระเจ้า​ของ​เฮา

วิวรณ์ 4:11

“ข้า​แต่​องค์​พระผู้เป๋นเจ้า พระเจ้า​ของ​หมู่​เฮา พระองค์​สมควร​ตี้​จะ​ได้ฮับ​กำ​สรรเสริญ ได้ฮับ​เกียรติ​กับ​ฤทธิ์​อำนาจ พระองค์​ได้​สร้าง​กู้​สิ่ง​กู้​อย่าง​ขึ้น กับ​กู้​สิ่ง​กู้​อย่าง​ก็​เกิด​ขึ้น​กับ​เป๋น​อยู่ ต๋าม​ความ​ต้องก๋าน​ของ​พระองค์”

วิวรณ์ 5:13

จาก​นั้น​ข้าพเจ้า​ก็​ได้ยิน​เสียง​สิ่ง​มี​จีวิต​ตึง​หมด​ใน​สวรรค์ บน​แผ่นดิน​โลก ใต้​ปื๊น​แผ่นดิน​โลก​กับ​ใน​ทะเล ก็​คือ​กู้​สิ่ง​กู้​อย่าง​ตี้​มี​จีวิต​อยู่​ใน​จักรวาล ฮ้อง​สรรเสริญ​ว่า “ขอ​กำ​สรรเสริญ เกียรติยศ พระสิริ กับ​ฤทธิ์​อำนาจ จง​มี​แก่​พระองค์​ผู้​ตี้​นั่ง​อยู่​บน​บัลลังก์ กับ​แก่​ลูก​แกะ​ตั๋ว​นั้น ตลอด​ไป”

วิวรณ์ 5:6

แล้ว​ข้าพเจ้า​ก็​หัน​ลูก​แกะ​ตั๋ว​นึ่ง​ยืน​อยู่​ตั๊ด​ก๋าง​ใก้ๆ กับ​บัลลังก์ สิ่ง​มี​จีวิต​ตึง​สี่​ต๋น​กับ​หมู่​ผู้​อาวุโส​แวด​มัน​อยู่ ผ่อ​เหมือน​ว่า​ลูก​แกะ​ตั๋ว​นั้น​เกย​ถูก​ฆ่า​มา​แล้ว มัน​มี​เจ็ด​เขา​กับ​เจ็ด​ต๋า เซิ่ง​เป๋น​วิญญาณ​ตึง​เจ็ด​ตี้​ฮับใจ๊​พระเจ้า ตี้​พระองค์​ส่ง​ออก​ไป​ใคว่​โลก

วิวรณ์ 5:8

เมื่อ​ลูก​แกะ​ตั๋ว​นั้น​ฮับ​หนังสือ​ม้วน​นั้น​แล้ว สิ่ง​มี​จีวิต​ตึง​สี่​ต๋น​กับ​หมู่​ผู้​อาวุโส​ตึง​ซาว​สี่​คน​ก็​ก้ม​กราบ​ลง​ต่อหน้า​ลูก​แกะ​ตั๋ว​นั้น แต่​ละ​คน​มี​พิณ​กับ​ก๋ำ​สลุง​คำ​ตี้​มี​เครื่องหอม​เต๋ม​ไป​หมด เซิ่ง​เป๋น​กำ​อธิษฐาน​ของ​คน​ของ​พระเจ้า

วิวรณ์ 5:9

หมู่​เขา​ก็​ฮ้อง​เพลง​บท​ใหม่​ว่า “พระองค์​เป๋น​ผู้​ตี้​สมควร​ตี้​จะ​ได้ฮับ​หนังสือ​ม้วน​นี้ กับ​แกะ​ก๋า​ออก ย้อน​พระองค์​ได้​ถูก​ฆ่า​แล้ว กับ​ได้​ไถ่​คน​ตังหลาย​หื้อ​พระเจ้า​โดย​เลือด​ของ​พระองค์ เซิ่ง​คน​หมู่​นั้น​มา​จาก​กู้​เผ่า กู้​ภาษา กู้​จ้าด กับ​กู้​บ้านเมือง

วิวรณ์ 6:1

ข้าพเจ้า​หัน​ลูก​แกะ​ตั๋ว​นั้น​เปิด​ก๋า​จ๊ำ​อัน​ตี้​นึ่ง​ออก​มา​จาก​ตึง​หมด​เจ็ด​อัน ข้าพเจ้า​ได้ยิน​เสียง​ของ​สิ่ง​มี​จีวิต​ต๋น​นึ่ง​ใน​สี่​ต๋น​นั้น อู้​เสียง​ดัง​อย่าง​ฟ้าฮ้อง​ว่า “มา​เต๊อะ”

วิวรณ์ 7:12

อู้​ว่า “อาเมน ขอ​กำ​สรรเสริญ พระสิริ ผญา​ปั๋ญญา กำ​โมทนา​ขอบคุณ เกียรติยศ อำนาจ กับ​ฤทธิ์​เดช​จง​มี​แก่​พระเจ้า​ของ​เฮา​ตลอด​ไป อาเมน”