วิวรณ์ 21:6 - พระคริสตธรรมคัมภีร ภาคพันธสัญญาใหม

⁶ แล้ว​พระเจ้า​อู้​กับ​ข้าพเจ้า​ว่า “สำเร็จ​แล้ว เฮา​เป๋น​อัลฟา กับ โอเมกา คือ​เป๋น​จุด​ตั้งเก๊า​กับ​จุด​สุด​ต๊าย ถ้า​ใผ​ใค่​กิ๋น​น้ำ เฮา​จะ​หื้อ​ผู้​นั้น​กิ๋น​จาก​ต๋า​น้ำ​แห่ง​จีวิต โดย​บ่ต้อง​ซื้อ

วิวรณ์ 21:6 Iomraidhean Croise

ยอห์น 4:10

พระเยซู​ก็​ตอบ​ว่า “ถ้า​เจ้า​ฮู้​ว่า​พระเจ้า​จะ​หื้อ​อะหยัง​กับ​เจ้า​พ่อง กับ​ฮู้​ว่า​คน​ตี้​ขอ​น้ำ​เจ้า​เป๋น​ใผ เจ้า​ก็​จะ​ขอ​จาก​เขา แล้ว​เขา​คน​นั้น​ก็​จะ​หื้อ​น้ำ​ตี้​หื้อ​จีวิต​กับ​เจ้า”

ยอห์น 4:11

แม่ญิง​คน​นั้น​ก็​ตอบ​ว่า “ต้าน​เจ้า ต้าน​บ่มี​อะหยัง​ตัก​น้ำ​สัก​อย่าง น้ำบ่อ​นี้​ก็​เลิ็ก แล้ว​ต้าน​จะ​เอา​น้ำ​ตี้​หื้อ​จีวิต​นั้น​ลุก​ไหน​มา”

ยอห์น 4:14

แต่​คน​ตี้​ได้​กิ๋น​น้ำ​ตี้​เฮา​จะ​หื้อ ก็​จะ​บ่อยาก​กิ๋น​น้ำ​แหม ย้อน​ว่า​น้ำ​ตี้​เฮา​จะ​หื้อ​นั้น​ก็​ก๋าย​เป๋น​ต๋าน้ำ​ตี้​ไหล​บ่หยุด​ใน​ตั๋ว​เขา กับ​จะ​หื้อ​เขา​มี​จีวิต​นิรันดร์”

โรม 3:24

แต่​พระเจ้า​มี​พระคุณ​โผด​หื้อ​หมู่​เขา​เป๋น​คน​ถูกต้อง​ต๋าม​ธรรม​โดย​ตี้​หมู่​เขา​บ่ต้อง​หื้อ​อะหยัง​เป๋น​ก้า​ตอบ​แตน​พระองค์​เลย คือ​โดย​ตาง​ตี้​หื้อ​พระเยซู​คริสต์​ไถ่​หมู่​เขา​หื้อ​ป๊น​โต้ษ​บาป

โรม 8:32

แม้แต่​พระบุตร​องค์​เดียว​ของ​พระองค์ พระองค์​ก็​บ่ได้​ขาง แต่​ยัง​ยก​หื้อ​หมู่​เฮา​กู้​คน​ได้ ถ้า​เป๋น​จาอี้ จะ​บ่โผด​หื้อ​กู้​อย่าง​แก่​หมู่​เฮา​ตวย​กา

1 โครินธ์ 2:12

เฮา​บ่ได้​ฮับ​วิญญาณ​ของ​โลก​นี้ แต่​ฮับ​พระวิญญาณ​ตี้​มา​จาก​พระเจ้า เปื้อ​เฮา​จะ​ได้​เข้าใจ๋​กู้​สิ่ง​กู้​อย่าง​ตี้​พระองค์​หื้อ​เฮา

1 โครินธ์ 3:12

ถ้า​บาง​คน​ใจ๊ คำ เงิน เพชรพลอย ไม้ หญ้า กาว่า เฟียง ก่อ​บน​ฐาน​นี้

1 โครินธ์ 3:21

จาอั้น บ่ดี​หื้อ​ใผ​ยก​คน​นั้น​คน​นี้​มา​อวด​กั๋น​เน่อ ย้อน​ว่า​กู้​สิ่ง​กู้​อย่าง​ก็​เป๋น​ของ​หมู่​ต้าน​อยู่​แล้ว

1 โครินธ์ 3:5

อปอลโล​เป๋น​ใผ เปาโล​เป๋น​ใผ ก็​เป๋น​ก้า​ผู้​ฮับใจ๊​ตี้​สอน​หมู่​ต้าน​หื้อ​เจื้อ ต่าง​คน​ก็​ต่าง​เยียะ​หน้าตี้​ของ​ตั๋ว​ต๋าม​ตี้​องค์​พระ​ผู้​เป๋น​เจ้า​มอบ​หื้อ

วิวรณ์ 1:11

เสียง​นั้น​อู้​ว่า “หื้อ​เขียน​กู้​สิ่ง​กู้​อย่าง​ตี้​ต้าน​หัน​ลง​ไว้​ใน​หนังสือ แล้ว​ส่ง​ไป​หื้อ​คริสตจักร​ตึง​เจ็ด คือ​คริสตจักร​ตี้​อยู่​ใน​เมือง​เอเฟซัส เมือง​สเมอร์นา เมือง​เปอร์กามัม เมือง​ธิยาทิรา เมือง​ซาร์ดิส เมือง​ฟิลาเดลเฟีย กับ​เมือง​เลาดีเซีย”

วิวรณ์ 1:17

เมื่อ​ข้าพเจ้า​หัน​พระองค์ ก็​โก้น​ลง​ฮิม​ตี๋น​ของ​พระองค์​เหมือน​กับ​คน​ต๋าย พระองค์​วาง​มือ​ขวา​บน​ตั๋ว​ข้าพเจ้า​แล้ว​อู้​ว่า “บ่ต้อง​กั๋ว เฮา​เป๋น​เก๊า​กับ​เป๋น​ป๋าย

วิวรณ์ 1:8

พระเจ้า​ผู้​เป๋น​อยู่​ตลอด​ใน​อดีต บ่าเดี่ยว​นี้ กับ ตี้​จะ​มา​ใน​ปายหน้า เป๋น​ผู้​มี​ฤทธิ์​อำนาจ​สูงสุด​อู้​ว่า “เฮา​เป๋น​จุด​ตั้งเก๊า​กับ​จุด​สุดป๋าย​ ผู้​เป๋น​อยู่​ตลอด​ใน​อดีต บ่า​เดี่ยว​นี้ กับ​ตี้​จะ​มา​ใน​ปาย​หน้า เป๋น​ผู้​มี​ฤทธิ์​อำนาจ​สูง​สุด”

วิวรณ์ 10:6

แล้ว​สาบาน​โดย​อ้าง​เถิง​พระองค์​ผู้​มี​จีวิต​อยู่​ตลอดไป ผู้​สร้าง ฟ้า​สวรรค์ แผ่นดิน​โลก ทะเล กับ​กู้​สิ่ง​กู้​อย่าง​ตี้​อยู่​ใน​นั้น​ตวย ทูตสวรรค์​สาบาน​ว่า “พระเจ้า​จะ​บ่จ๊า​แหม​ต่อ​ไป​แล้ว​ตี้​จะ​เยียะ​ต๋าม​แผน​ของ​พระองค์”

วิวรณ์ 16:17

ทูตสวรรค์​องค์​ตี้​เจ็ด​ถอก​สลุง​ของ​ตั๋ว​ลง​ไป​ใน​อากาศ มี​เสียง​ดัง​ออก​มา​จาก​บัลลังก์​ใน​พระวิหาร​ว่า “สำเร็จ​แล้ว”

วิวรณ์ 22:13

เฮา​คือ​อัลฟา​กับ​โอเมกา เป๋น​เก๊า​กับ​เป๋น​ป๋าย เป๋น​จุด​ตั้งเก๊า​กับ​จุด​สุดต๊าย

วิวรณ์ 22:17

พระวิญญาณ​กับ​เจ้าสาว​อู้​ว่า “มา​เต๊อะ” ขอ​หื้อ​คน​ตี้​ได้ยิน​เรื่อง​นี้​อู้​ว่า “มา​เต๊อะ” ขอ​หื้อ​คน​ตี้​ใค่​อยาก​กิ๋น​น้ำ​มา ใผ​ก็​ต๋าม​ตี้​ใค่​ได้​ก็​จะ​ได้ฮับ​น้ำ​แห่ง​จีวิต​โดย​บ่ต้อง​ซื้อ​เลย

วิวรณ์ 3:14

“หื้อ​เขียน​เถิง​ทูตสวรรค์​ของ​คริสตจักร​ใน​เมือง​เลาดีเซีย​ว่า “นี่​เป๋น​กำ​อู้​ของ​พระองค์​ผู้​ตี้​ได้​จื้อ​ว่า อาเมน ผู้​ตี้​เป๋น​พยาน​ตี้​ซื่อสัตย์​กับ​แต๊​จริง พระเจ้า​ได้​สร้าง​กู้​สิ่ง​กู้​อย่าง​ขึ้น​มา​ผ่าน​ตาง​ผู้​นี้ พระองค์​อู้​ว่า

วิวรณ์ 7:17

ย้อน​ว่า​ลูก​แกะ​ตั๋ว​นั้น​ตี้​อยู่​ตั๊ด​ก๋าง​ใก้​กับ​บัลลังก์​จะ​ผ่อ​กอย​หมู่​เขา​เหมือน​กับ​คน​เลี้ยง​แกะ ต้าน​จะ​ปา​หมู่​เขา​ไป​หา​ต๋าน้ำ​แห่ง​จีวิต กับ​พระเจ้า​จะ​เจ๊ด​น้ำต๋า​กู้​หยด​จาก​ต๋า​ของ​เขา​หมู่​นั้น”