วิวรณ์ 21:23 - พระคริสตธรรมคัมภีร ภาคพันธสัญญาใหม

²³ เมือง​นี้​บ่จ๋ำเป๋น​ต้อง​มี​แสง​สว่าง​จาก​ดวง​ตะวัน​กาว่า​ดวงเดือน ย้อน​รัศมี​ของ​พระเจ้า​เยียะ​หื้อ​เมือง​นี้​เป่งแจ้ง ลูก​แกะ​ตั๋ว​นั้น​เป๋น​โกม​ไฟ​ของ​เมือง​นี้

วิวรณ์ 21:23 Iomraidhean Croise

มัทธิว 16:27

แต่​บุตรมนุษย์​จะ​ปิ๊ก​มา​ด้วย​รัศมี​ของ​พระบิดา​พร้อม​กับ​ทูตสวรรค์​ของ​พระองค์ แล้ว​บุตรมนุษย์​จะ​มา​ตัดสิน​กู้​คน​ต๋าม​ตี้​แต่​ละ​คน​ได้​เยียะ​เอา​ไว้

มาระโก 8:38

ใน​ยุค​นี้​ตี้​มี​คน​บาป​เป๋น​คน​บ่ซื่อสัตย์​ต่อ​พระเจ้า ถ้า​คน​ใด​อาย​ย้อน​ติดต๋าม​เฮา​กับ​กำสอน​ของ​เฮา เฮา​ผู้​เป๋น​บุตรมนุษย์​ก็​จะ​อาย​คน​นั้น​ตวย​เมื่อ​เฮา​ปิ๊ก​มา​ใน​โลก​ด้วย​รัศมี​ของ​พระบิดา​ฮ่วม​กับ​หมู่​ทูตสวรรค์​บริสุทธิ์”

ลูก๋า 2:32

ผู้​ตี้​เป๋น​แสง​ส่อง​แจ้ง​หื้อ​คน​ต่างจ้าด​ฮู้จัก​พระเจ้า กับ​เป๋น​ผู้​นำ​เกียรติ​อัน​ยิ่งใหญ่​มา​หื้อ​จาว​อิสราเอล​คน​ของ​พระเจ้า”

ยอห์น 1:14

พระกำ​ได้​มา​เกิด​เป๋น​คน​และ​อยู่​ต้ามก๋าง​หมู่​เฮา พระองค์​มี​พระคุณ​กับ​ความ​จริง​เกี่ยวกับ​พระเจ้า​อย่าง​เต๋ม​ล้น แล้ว​หมู่​เฮา​เกย​หัน​ความ​ยิ่งใหญ่​ของ​พระบุตร​องค์​เดียว​ตี้​มา​จาก​พระบิดา

ยอห์น 1:18

บ่มี​ใผ​เกย​หัน​พระเจ้า มี​ก้า​พระบุตร​องค์​เดียว​ของ​พระเจ้า ตี้​เป๋น​พระเจ้า​เอง กับ​อยู่​ใก้​พระบิดา ตี้​เยียะ​หื้อ​เฮา​ฮู้จัก​พระเจ้า

ยอห์น 1:4

พระกำ​เป๋น​เก๊า​เหง้า​จีวิต กับ​จีวิต​นั้น​ก็​นำ​ความ​เป่งแจ้ง​มา​หื้อ​กู้​คน

ยอห์น 1:9

พระองค์ ผู้​ตี้​เป๋น​ความ​เป่งแจ้ง​แต๊ ตี้​เยียะ​หื้อ​กู้​คน​หัน​ความ​จริง​เรื่อง​พระเจ้า​นั้น ก่ำลัง​เข้า​มา​ใน​โลก

ยอห์น 17:24

“ข้า​แต่​พระบิดา ข้า​พระองค์​ใค่​หื้อ​คน​หมู่​นี้​ตี้​พระองค์​หื้อ​ข้า​พระองค์ อยู่​กับ​ข้า​พระองค์​ใน​ตี้​ตี้​ข้า​พระองค์​อยู่​นั้น เปื้อ​หมู่​เขา​จะ​ได้​หัน​เถิง​ความ​ยิ่งใหญ่​ของ​ข้า​พระองค์ ตี้​พระองค์​หื้อ​ข้า​พระองค์​ไว้ ย้อน​พระองค์​ฮัก​ข้า​พระองค์​ก่อน​สร้าง​โลก​นี้

ยอห์น 5:23

เปื้อ​หมู่​คน​ตึง​หมด​จะ​หื้อ​เกียรติ​พระบุตร​เหมือน​ตี้​หมู่​เขา​หื้อ​เกียรติ​พระบิดา คน​ตี้​บ่หื้อ​เกียรติ​พระบุตร หมู่​เขา​ก็​บ่หื้อ​เกียรติ​พระบิดา​ผู้​ตี้​ใจ๊​พระบุตร​มา​ตวย

กิจก๋าน 22:11

แสง​แจ้ง​ตี้​ส่อง​ลง​มา​นั้น​เยียะ​หื้อ​ต๋า​ข้าพเจ้า​ผ่อ​อะหยัง​บ่หัน​สัก​หน้อย หมู่​คน​ตี้​ไป​ตวย​จึง​จู๋ง​มือ​ข้าพเจ้า​ปา​เข้า​ไป​ใน​เมือง​ดามัสกัส

วิวรณ์ 14:4

คน​หมู่​นี้​บ่เกย​แปด​เปื้อน​จาก​ก๋าน​มี​เพศ​สัมพันธ์​กับ​แม่ญิง หมู่​เขา​ติดต๋าม​ลูก​แกะ​ไป​กู้​หน​กู้​แห่ง พระองค์​ได้​ไถ่​หมู่​เขา​ออก​จาก​คน​ตังหลาย​บน​โลก เปื้อ​หื้อ​เป๋น​ผล​แรก​ตี้​เก็บเกี่ยว​เอา​มา​ปู่จา​พระเจ้า​กับ​ลูก​แกะ

วิวรณ์ 18:1

ต่อ​จาก​นั้น ข้าพเจ้า​หัน​ทูตสวรรค์​แหม​องค์​นึ่ง​ลง​มา​จาก​สวรรค์ ทูตสวรรค์​องค์​นี้​มี​ฤทธิ์​อำนาจ​นัก​ขนาด รัศมี​จาก​ตั๋ว​ของ​ทูตสวรรค์​องค์​นี้​เยียะ​หื้อ​แผ่นดิน​โลก​แจ้ง​หลึ้ง

วิวรณ์ 21:11

เมือง​นั้น​ก็​มี​รัศมี​ของ​พระเจ้า​แจ้ง​เต๋ม​ไป​หมด เซิ่ง​ความ​เป่งแจ้ง​นั้น​เหมือน​กับ​เพชรพลอย​ตี้​มี​รากา​แปง​นัก​ขนาด เหมือน​พลอย​สี​เขียว​สด​ใส​อย่าง​หิน​เจียระไน

วิวรณ์ 21:25

ปะตู๋​เมือง​จะ​เปิด​ตลอด​เวลา​บ่มี​วัน​หับ ย้อน​เมือง​นี้​บ่มี​เมื่อคืน

วิวรณ์ 22:5

จะ​บ่มี​เมื่อคืน​แหม​ต่อ​ไป จะ​บ่มี​ใผ​ต้องก๋าน​แสง​จาก​โกม​ไฟ​กาว่า​แสง​ตะวัน ย้อน​พระเจ้า​องค์​พระผู้เป๋นเจ้า​จะ​เป๋น​แสง​สว่าง​หื้อ​หมู่​เขา หมู่​เขา​จะ​ปกครอง​ตลอดไป

วิวรณ์ 5:6

แล้ว​ข้าพเจ้า​ก็​หัน​ลูก​แกะ​ตั๋ว​นึ่ง​ยืน​อยู่​ตั๊ด​ก๋าง​ใก้ๆ กับ​บัลลังก์ สิ่ง​มี​จีวิต​ตึง​สี่​ต๋น​กับ​หมู่​ผู้​อาวุโส​แวด​มัน​อยู่ ผ่อ​เหมือน​ว่า​ลูก​แกะ​ตั๋ว​นั้น​เกย​ถูก​ฆ่า​มา​แล้ว มัน​มี​เจ็ด​เขา​กับ​เจ็ด​ต๋า เซิ่ง​เป๋น​วิญญาณ​ตึง​เจ็ด​ตี้​ฮับใจ๊​พระเจ้า ตี้​พระองค์​ส่ง​ออก​ไป​ใคว่​โลก

วิวรณ์ 7:17

ย้อน​ว่า​ลูก​แกะ​ตั๋ว​นั้น​ตี้​อยู่​ตั๊ด​ก๋าง​ใก้​กับ​บัลลังก์​จะ​ผ่อ​กอย​หมู่​เขา​เหมือน​กับ​คน​เลี้ยง​แกะ ต้าน​จะ​ปา​หมู่​เขา​ไป​หา​ต๋าน้ำ​แห่ง​จีวิต กับ​พระเจ้า​จะ​เจ๊ด​น้ำต๋า​กู้​หยด​จาก​ต๋า​ของ​เขา​หมู่​นั้น”