วิวรณ์ 21:12 - พระคริสตธรรมคัมภีร ภาคพันธสัญญาใหม

¹² เมือง​นั้น​มี​ก่ำแปง​สูง​ใหญ่​ตี้​มี​ปะตู๋​อยู่​สิบ​สอง​บาน แต่​ละ​บาน​มี​ทูตสวรรค์​ยืน​เฝ้า​อยู่​นึ่ง​องค์ แต่​ละ​ปะตู๋​ก็​มี​จื้อ​นึ่ง​จาก​สิบ​สอง​ผะกุ๋น​ของ​อิสราเอล​เขียน​ไว้

วิวรณ์ 21:12 Iomraidhean Croise

มัทธิว 18:10

“หละวัง​หื้อ​ดี ห้าม​ดูถูก​ดู​แควน​คน​ตี้​ต่ำต้อย​หมู่​นี้​แม้​แต่​คน​เดียว เฮา​ขอ​บอก​หื้อ​ต้าน​ตังหลาย​ฮู้​ว่า ทูตสวรรค์​ประจ๋ำ​ตั๋ว​ของ​หมู่​เขา​เข้า​เฝ้า​พระบิดา​ของ​เฮา​ตี้​ใน​สวรรค์​ตลอด

ลูก๋า 15:10

ก็​เป๋น​อย่าง​เดียว​กั๋น​นั้น​ละ เฮา​บอก​ต้าน​ตังหลาย​ว่า หมู่​ทูตสวรรค์​ของ​พระเจ้า​จะ​มี​ความ​ยินดี​เมื่อ​มี​คน​บาป​คน​เดียว​กลับใจ๋​จาก​บาป”

ลูก๋า 16:22

ต่อ​มา​ขอตาน​คน​นั้น​ต๋าย หมู่​ทูตสวรรค์​ก็​ปา​เขา​ไป​อยู่​กับ​อับราฮัม​บน​สวรรค์ แหม​บ่เมิน​เศรษฐี​นั้น​ต๋าย ก็​ถูก​ฝัง​ไว้

กิจก๋าน 26:7

เป๋น​พระสัญญา​ตี้​สิบ​สอง​ผะกุ๋น​ของ​หมู่​เฮา​หวัง​ว่า​จะ​เป๋น​แต๊ จึง​ฮับใจ๊​พระเจ้า​อย่าง​เอา​แต๊​เอา​ว่า​ตึง​เมื่อวัน​เมื่อคืน ข้า​แต่​กษัตริย์ หมู่​จาว​ยิว​ใส่ความ​ข้าพเจ้า​ก็​ย้อน​ความ​หวัง​อัน​นี้​ละ

ฮีบรู 1:14

ทูตสวรรค์​ตึง​หมด​เป๋น​ก้า​วิญญาณ​ตี้​ฮับใจ๊​พระเจ้า ตี้​พระองค์​ส่ง​มา​จ้วยเหลือ​คน​ตี้​จะ​ได้​ฮับ​ความ​รอด​ป๊น​บาป​โต้ษ

วิวรณ์ 21:13

แต่​ละ​ทิศ​มี​ปะตู๋​อยู่​สาม​บาน ตึง​ทิศ​เหนือ ทิศ​ใต้ ทิศ​ตะวัน​ออก กับ​ทิศ​ตะวัน​ตก

วิวรณ์ 21:15

ทูตสวรรค์​องค์​ตี้​อู้​กับ​ข้าพเจ้า​ก๋ำ​ไม้​วัด​มอก​คำ เปื้อ​ตี้​จะ​เอา​ไว้​วัด​ขนาด​ของ​เมือง ตึง​ปะตู๋ กับ​ก่ำแปง​ต่างๆ

วิวรณ์ 21:25

ปะตู๋​เมือง​จะ​เปิด​ตลอด​เวลา​บ่มี​วัน​หับ ย้อน​เมือง​นี้​บ่มี​เมื่อคืน

วิวรณ์ 22:14

หมู่​คน​ตี้​ซ่วย​ล้าง​เสื้อ​คุม​ของ​ต๋น​ก็​เป๋น​สุข เขา​จะ​ได้​มี​สิทธิ์​กิ๋น​จาก​เก๊าไม้​ตี้​หื้อ​จีวิต กับ​ผ่าน​ปะตู๋​เข้า​ไป​ใน​เมือง​ได้