วิวรณ์ 2:7 - พระคริสตธรรมคัมภีร ภาคพันธสัญญาใหม

⁷ “ใผ​ยอม​ฟัง​ก็​หื้อ​ฟัง​สิ่ง​ตี้​พระวิญญาณ​บอก​กับ​คริสตจักร​ต่างๆ เต๊อะ แล้ว​ใผ​ตี้​มี​ชัย เฮา​จะ​หื้อ​กิ๋น​หน่วย​จาก​เก๊าไม้​แห่ง​จีวิต​เซิ่ง​อยู่​ใน​สวน​สวรรค์​ของ​พระเจ้า

วิวรณ์ 2:7 Iomraidhean Croise

มัทธิว 11:15

ใผ​ยอม​ฟัง​ก็​หื้อ​ฟัง​ไว้​เต๊อะ

มัทธิว 13:43

ใน​เวลา​เดียว​กั๋น​คน​ของ​พระเจ้า​จะ​ส่อง​แสง​เหมือน​แสง​ของ​ตะวัน ใน​แผ่นดิน​ของ​พระบิดา​ของ​หมู่​เขา ใผ​ยอม​ฟัง​ก็​หื้อ​ฟัง​ไว้​เต๊อะ

มัทธิว 13:9

ใผ​ยอม​ฟัง​ก็​หื้อ​ฟัง​ไว้​เต๊อะ”

มาระโก 4:9

แล้ว​พระองค์​อู้​ว่า “ใผ​ยอม​ฟัง​ก็​หื้อ​ฟัง​ไว้​เต๊อะ”

มาระโก 7:15

ก๋าน​กิ๋น​ของ​ตี้​ห้าม​กิ๋น​บ่ได้​เยียะ​หื้อ​คน​เป๋น​มลทิน แต่​สิ่ง​ตี้​ออก​มา​จาก​ตัง​ใน​ใจ๋ สิ่ง​นั้น​ละ​จะ​เยียะ​หื้อ​คน​เป๋น​มลทิน

มาระโก 7:16

ใผ​ยอม​ฟัง​ก็​หื้อ​ฟัง​ไว้​เต๊อะ”

ลูก๋า 23:43

พระเยซู​ตอบ​เขา​ว่า “เฮา​บอก​ความ​จริง​แก่​ต้าน​ว่า วัน​นี้​ต้าน​จะ​ได้​อยู่​กับ​เฮา​ใน​สวน​สวรรค์​แน่นอน”

ลูก๋า 8:8

บาง​เม็ด​ตก​บน​ดิน​ดี ก็​งอก​งาม​ใหญ่​ขึ้น​แล้ว​ก็​มี​งวง​มี​เม็ด​นัก​เป๋น​ร้อย​เต้า” เมื่อ​พระองค์​อู้​แล้ว ก็​บอก​หมู่​เขา​เสียง​ดัง​ว่า “ใผ​ยอม​ฟัง​ก็​หื้อ​ฟัง​ไว้​เต๊อะ”

ยอห์น 16:33

“เฮา​บอก​เรื่อง​หมู่​นี้​กับ​หมู่​ต้าน​ไว้​เปื้อ​สันติสุข​ของ​เฮา​จะ​อยู่​กับ​หมู่​ต้าน ใน​โลก​นี้​ต้าน​จะ​ปะ​ความ​ตุ๊กยาก​ลำบาก แต่​หื้อ​เข้มแข็ง​ไว้​เน่อ ย้อน​ว่า​เฮา​มี​ชัย​เหนือ​โลก​แล้ว”

1 โครินธ์ 2:10

แต่​พระเจ้า​ได้​เปิด​เผย​สิ่ง​หมู่​นี้​หื้อ​กับ​เฮา​ผ่าน​ตาง​พระวิญญาณ ย้อน​พระวิญญาณ​ฮู้​กู้​สิ่ง​กู้​อย่าง​แม้แต่​ความ​ลับ​อัน​ล้ำเลิ็ก​ของ​พระเจ้า

1 ยอห์น 2:13

คน​ตี้​เป๋น​ป้ออุ๊ย​ตังหลาย ข้าพเจ้า​เขียน​เถิง​หมู่​ต้าน ย้อน​ว่า​ต้าน​ตังหลาย​ฮู้จัก​พระองค์​ผู้​เป๋น​อยู่​ตั้งแต่​เก๊าหัวที​แล้ว คน​เป๋น​คน​หนุ่ม​ตังหลาย ข้าพเจ้า​เขียน​เถิง​หมู่​ต้าน ย้อน​หมู่​ต้าน​มี​ชัย​เหนือ​มาร​แล้ว

วิวรณ์ 13:9

ใผ​ยอมฟัง​ก็​หื้อ​ฟัง​ไว้​เต๊อะ

วิวรณ์ 14:13

หลังจาก​นั้น ข้าพเจ้า​ก็​ได้ยิน​เสียง​จาก​สวรรค์​อู้​ว่า “หื้อ​เขียน​ว่า ตั้งแต่​นี้​ไป​คน​ตี้​ต๋าย​ย้อน​ติดต๋าม​องค์​พระ​ผู้​เป๋น​เจ้า​อย่าง​ซื่อสัตย์ พระเจ้า​ก็​จะ​ปั๋นปอน​หมู่​เขา” พระวิญญาณ​อู้​ว่า “แม่น​แล้ว เป๋น​เรื่อง​แต๊ หมู่​เขา​จะ​ได้​ย้าง​จาก​ก๋าน​หนัก​ของ​เขา ย้อน​ผล​ตอบแตน​จาก​ก๋าน​งาน​ต่างๆ ตี้​หมู่​เขา​ได้​เยียะ​นั้น​จะ​ติดต๋าม​หมู่​เขา​ไป”

วิวรณ์ 15:2

ข้าพเจ้า​หัน​สิ่ง​ตี้​ผ่อ​เหมือน​ทะเล​แก้ว​ป๋น​ไฟ กับ​มี​หมู่​คน​ยืน​อยู่​ฮิม​ทะเล​แก้ว​นั้น​ก๋ำ​พิณ​ตี้​พระเจ้า​หื้อ​ไว้ หมู่​คน​นี้​คือ​คน​ตี้​มี​ชัย​เหนือ​สัตว์​ฮ้าย​ตึง​ฮูป​ปั้น​ของ​มัน ตึง​ตั๋ว​เลข​ตี้​แตน​จื้อ​มัน​ตวย

วิวรณ์ 2:11

“ใผ​ยอมฟัง​ก็​หื้อ​ฟัง​สิ่ง​ตี้​พระวิญญาณ​บอก​กับ​คริสตจักร​ต่างๆ เต๊อะ แล้ว​ใผ​ตี้​มี​ชัย จะ​บ่ได้ฮับ​อันตราย​จาก​ความ​ต๋าย​เตื้อ​สุดต๊าย​

วิวรณ์ 2:17

“ใผ​ยอม​ฟัง​ก็​หื้อ​ฟัง​สิ่ง​ตี้​พระวิญญาณ​บอก​กับ​คริสตจักร​ต่างๆ เต๊อะ แล้ว​ใผ​ตี้​มี​ชัย เฮา​จะ​หื้อ​มานาตี้​เก็บ​ซ่อน​อยู่ กับ​จะ​หื้อ​หิน​สี​ขาว​เซิ่ง​เขียน​จื้อ​ใหม่​แก่​คน​นั้น บ่มี​ใผ​ฮู้​จื้อ​นั้น​นอก​จาก​คน​ตี้​ได้ฮับ​เต้าอั้น

วิวรณ์ 21:7

คน​ตี้​มี​ชัย​จะ​เป๋น​คน​ตี้​ได้ฮับ​สิ่ง​หมู่​นี้​ตึงหมด กับ​เฮา​จะ​เป๋น​พระเจ้า​ของ​เขา เขา​จะ​เป๋น​ลูก​ของ​เฮา

วิวรณ์ 22:14

หมู่​คน​ตี้​ซ่วย​ล้าง​เสื้อ​คุม​ของ​ต๋น​ก็​เป๋น​สุข เขา​จะ​ได้​มี​สิทธิ์​กิ๋น​จาก​เก๊าไม้​ตี้​หื้อ​จีวิต กับ​ผ่าน​ปะตู๋​เข้า​ไป​ใน​เมือง​ได้

วิวรณ์ 22:17

พระวิญญาณ​กับ​เจ้าสาว​อู้​ว่า “มา​เต๊อะ” ขอ​หื้อ​คน​ตี้​ได้ยิน​เรื่อง​นี้​อู้​ว่า “มา​เต๊อะ” ขอ​หื้อ​คน​ตี้​ใค่​อยาก​กิ๋น​น้ำ​มา ใผ​ก็​ต๋าม​ตี้​ใค่​ได้​ก็​จะ​ได้ฮับ​น้ำ​แห่ง​จีวิต​โดย​บ่ต้อง​ซื้อ​เลย

วิวรณ์ 22:2

มัน​ไหล​ลง​มา​ตี้​ก๋าง​ถนน​หนตาง​ของ​เมือง ฮิม​สอง​ฝั่ง​ของ​แม่​น้ำ​มี​เก๊าไม้​ตี้​หื้อ​จีวิต ตี้​ออก​หน่วย​ปี๋​ละ​สิบ​สอง​เตื้อ เดือน​ละ​เตื้อ ส่วน​ใบ​ของ​เก๊า​นั้น​เอา​ไว้​ฮักษา​จ้าด​ตังหลาย​หื้อ​หาย​โรค