วิวรณ์ 2:5 - พระคริสตธรรมคัมภีร ภาคพันธสัญญาใหม

⁵ ย้อน​จาอั้น ลอง​กึ๊ด​ผ่อ​ลอ​ว่า หมู่​ต้าน​ได้​หลงผิด​ไป​จาก​สภาพ​เก่า​มอกใด หื้อ​กลับใจ๋​จาก​บาป​แล้ว​ปิ๊ก​ไป​เยียะ​เหมือน​เก่า​ตี้​เกย​เยียะ​ตั้งแต่​หัวที​นั้น ถ้า​บ่จาอั้น เฮา​จะ​มา​หา​หมู่​ต้าน กับ​จะ​เอา​ขา​ตั้ง​โกมไฟ​คำ​ของ​หมู่​ต้าน​ออก​ไป​จาก​ตี้​ของ​มัน​เหีย

วิวรณ์ 2:5 Iomraidhean Croise

มัทธิว 5:14

ต้าน​ตังหลาย​เผียบ​เป๋น​ความ​เป่งแจ้ง​สำหรับ​คน​ใน​โลก​นี้ เมือง​ตี้​แป๋ง​ไว้​บน​ดอย​จะ​เอา​ซ่อน​บ่หื้อ​คน​หัน​ตึง​บ่ได้

มัทธิว 5:15

เผียบ​เหมือน​เมื่อ​ต๋าม​โกม​ไฟ ก็​บ่มี​ใผ​เอา​ถัง​มา​ควบ​ไว้​เหีย แต่​จะ​เอา​โกม​นั้น​ตั้ง​ไว้​บน​ตั่ง เปื้อ​จะ​ส่อง​แจ้ง​เฮื่อฮ่าม​หื้อ​คน​ตังหลาย​ใน​เฮือน​นั้น​ได้​หัน​ถี่ๆ

มาระโก 12:9

พระเยซู​ถาม​ว่า “เจ้าของ​สวน​จะ​เยียะ​จาใด เขา​ก็​จะ​มา​ฆ่า​หมู่​คน​เจ้า​สวน​หมู่​นั้น​เหีย แล้ว​เอา​สวน​องุ่น​นั้น​ไป​หื้อ​คน​อื่น​เจ้า​ต่อ

ลูก๋า 1:17

เขา​จะ​นำ​หน้า​พระองค์​โดย​อำนาจ​ตี้​มา​จาก​พระวิญญาณ​เหมือน​ตี้​เอลียาห์​เกย​มี เยียะ​หื้อ​ป้อ​คืนดี​กับ​ลูก กับ​คน​หลึ่ง​เปี่ยน​เป๋น​คน​มี​ปั๋ญญา​ของ​คน​ตี้​ถูกต้อง​ต๋าม​ธรรม เปื้อ​เกียม​คน​ใน​จ้าด​นึ่ง​ไว้​หื้อ​พร้อม​สำหรับ​ก๋าน​มา​ของ​องค์​พระผู้เป๋นเจ้า”

ลูก๋า 20:16

เขา​ก็​จะ​มา​ฆ่า​หมู่​คน​เจ้า​สวน​หมู่​นั้น​เหีย แล้ว​เอา​สวน​องุ่น​นั้น​ไป​หื้อ​คน​อื่น​เจ้า​ต่อ” คน​ตังหลาย​เมื่อ​ได้ยิน​จาอั้น​ก็​อู้​กั๋น​ว่า “บ่ดี​หื้อ​เป๋น​จาอั้น​เต๊อะ”

กาลาเทีย 5:4

ใผ​ตี้​อยาก​เป๋น​คน​ถูกต้อง​ต๋าม​ธรรม​โดย​บท​บัญญัติ​ของ​โมเสส​นั้น เขา​ก็​ได้​แยก​จาก​พระเยซู​คริสต์​แล้ว กับ​ได้​เอา​พระคุณ​ของ​พระเจ้า​ขว้าง​เหีย

ฟีลิปปี 2:15

เปื้อ​ต้าน​ตังหลาย​จะ​บ่มี​ตี้​ติ​กับ​บ่มี​ความ​ผิด กับ​เป๋น​ลูก​ของ​พระเจ้า​ตี้​บ่มี​ต๋ำหนิ ตี้​อยู่​ต้ามก๋าง​คน​ขี้โก๋ง​กับ​คน​บ่ดี หื้อ​เป๋น​เหมือน​ดาว​ตี้​ส่อง​แสง​ต้ามก๋าง​หมู่​เขา

ฮีบรู 10:32

หื้อ​กึ๊ด​เถิง​สมัย​ตะก่อน​ตี้​ต้าน​ฮับ​เจื้อ​ใหม่ๆ หมู่​ต้าน​ต้อง​ต่อสู้​ต่อ​ความ​ตุ๊กยาก​ลำบาก​ขนาด​หนัก

2 เปโตร 3:17

ย้อน​จาอั้น เปื้อน​ตี้​ข้าพเจ้า​ฮัก​เหย เมื่อ​หมู่​ต้าน​ได้​ฮู้​เรื่อง​นี้​ก่อน​แล้ว ก็​หื้อ​หละวัง​ตั๋ว​หื้อ​ดี เปื้อ​จะ​ได้​บ่หลง​ไป​ต๋าม​กำสอน​ตี้​ผิดๆ ของ​คน​บ่ดี​หมู่​นั้น แล้ว​เยียะ​หื้อ​ความ​มั่นคง​ของ​หมู่​ต้าน​เสีย​ไป​เหีย

ยูดา 1:24

พระเจ้า​ผู้​ตี้​ฮักษา​หมู่​ต้าน​ไว้​บ่หื้อ​ก้น​ลง กับ​จะ​นำ​หมู่​ต้าน​ไป​ยืน​อยู่​ต่อหน้า​พระสิริ​ของ​พระองค์ อย่าง​คน​ตี้​บ่มี​ต๋ำหนิ กับ​มี​ความ​จื้นจมยินดี

วิวรณ์ 1:20

นี่​เป๋น​ความ​หมาย​อัน​เลิ็กลับ​ของ​ดาว​ตึง​เจ็ด​ดวง​ตี้​ต้าน​หัน​ใน​มือ​ขวา​ของ​เฮา กับ​ขา​ตั้ง​โกมไฟ​คำ​ตึง​เจ็ด​อัน ดาว​ตึง​เจ็ด​ดวง​นั้น​หมายเถิง​หมู่​ทูตสวรรค์​ของ​คริสตจักร​ตึง​เจ็ด​แห่ง ขา​ตั้ง​โกมไฟ​ตึง​เจ็ด​อัน​นั้น​ก็​หมายเถิง​คริสตจักร​ตึง​เจ็ด​ตี้​นั้น​ละ

วิวรณ์ 16:9

ความ​ฮ้อน​อัน​ใหญ่​หลวง​นั้น​ได้​เผา​คน​ตังหลาย หมู่​เขา​ก็​แจ้งด่า​จื้อ​ของ​พระเจ้า​ผู้​มี​ฤทธิ์​อำนาจ​เหนือ​ความ​ฉิบหาย​หมู่​นี้ แต่​หมู่​เขา​ก็​ยัง​บ่ได้​กลับใจ๋​จาก​บาป กับ​บ่ได้​สรรเสริญ​พระเจ้า

วิวรณ์ 2:16

ย้อน​จาอั้น​หื้อ​กลับใจ๋​จาก​บาป ถ้า​บ่อั้น เฮา​จะ​มา​หา​ต้าน​เวยๆ นี้ แล้ว​จะ​ต่อสู้​กับ​คน​หมู่​นั้น​ด้วย​ดาบ​ตี้​ออก​จาก​ปาก​ของ​เฮา

วิวรณ์ 2:19

เฮา​ฮู้​สิ่ง​ตี้​หมู่​ต้าน​เยียะ กับ​ความ​ฮัก ความ​เจื้อ ก๋าน​ฮับใจ๊ ตึง​ความ​อดทน​ตี้​หมู่​ต้าน​มี เฮา​ฮู้​ว่า​บ่าเดี่ยว​นี้​หมู่​ต้าน​เยียะ​นัก​เหลือ​ตี้​เกย​เยียะ​เมื่อ​เก๊าหัวที​แหม​ก่อน

วิวรณ์ 2:2

เฮา​ฮู้​สิ่ง​ตี้​หมู่​ต้าน​เยียะ ฮู้​เถิง​ก๋าน​หนัก​ตี้​หมู่​ต้าน​เยียะ ฮู้​เถิง​ความ​อดทน​อย่าง​หนัก​ของ​หมู่​ต้าน ฮู้​ว่า​หมู่​ต้าน​ทน​บ่ไหว​กับ​คน​บ่ดี​หมู่​นั้น กับ​หมู่​ต้าน​ก็​ได้​ทดสอบ​คน​หมู่​นั้น​ตี้​แอบ​อ้าง​เป๋น​หมู่​อัครทูต แต๊ๆ บ่ใจ้ แล้ว​หมู่​ต้าน​ก็​หัน​ได้​ว่า​หมู่​เขา​ขี้​จุ

วิวรณ์ 3:19

เฮา​ฮัก​ใผ​เฮา​ก็​จะ​ตักเตื๋อน​กับ​ตี๋สอน​เปื้อ​สอน​คน​นั้น ย้อน​จาอั้น หื้อ​กระตือรือร้น​กับ​กลับใจ๋​จาก​บาป