วิวรณ์ 19:8 - พระคริสตธรรมคัมภีร ภาคพันธสัญญาใหม

⁸ พระองค์​หื้อ​นาง​ใส่​ผ้า​ลินิน​เนื้อ​ละเอียด​สะอาด​สดใส” (​ผ้า​ลินิน​ตี้​งดงาม​นั้น หมายเถิง​สิ่ง​ดีๆ ตี้​คน​ของ​พระเจ้า​ได้​เยียะ​)

วิวรณ์ 19:8 Iomraidhean Croise

มัทธิว 17:2

แล้ว​ตั๋ว​ของ​พระองค์​ก็​เปี่ยน​ไป​ต่อ​หน้า​ต่อ​ต๋า​หมู่​เขา หน้า​ของ​พระองค์​ส่อง​แสง​แจ้ง​เหมือน​ตะวัน เสื้อผ้า​ก็​ขาว​จ๋น​เหลื้อม​มาบๆ

มัทธิว 22:12

พระองค์​ก็​อู้​ว่า ‘เปื้อน​เหย เข้า​มา​ตี้​นี่​ได้​จาใด เสื้อ​คุม​สำหรับ​งาน​แต่ง​ก็​บ่มี’ ป้อจาย​นั้น​ก็​ปาก​บ่ออก

มาระโก 9:3

เสื้อผ้า​ของ​พระองค์​ก็​ขาว​จ๋น​เหลื้อม​มาบๆ บ่มี​สล่า​ฟอก​ผ้า​คน​ใด​ใน​โลก​จะ​ฟอก​เสื้อผ้า​หื้อ​ขาว​จาอั้น​ได้

ลูก๋า 24:4

เมื่อ​ก่ำลัง​กึ๊ด ย้อน​บ่เข้าใจ๋​ใน​เหตุก๋ารณ์​นั้น ก็​มี​ป้อจาย​สอง​คน​มา​ยืน​อยู่​ใก้ๆ เสื้อผ้า​เหลื้อม​มาบๆ จ๋น​ผ่อ​ปอ​จะ​บ่ได้

กิจก๋าน 1:10

ใน​เวลา​ตี้​หมู่​เขา​ก่ำลัง​ปักต๋าผ่อ​พระองค์​จาก​ไป​ใน​ต๊องฟ้า​นั้น อยู่ๆ ก็​มี​ป้อจาย​ใส่​เสื้อผ้า​สี​ขาว​สอง​คน​มา​ยืน​แหมะ​ข้าง​หมู่​เขา

โรม 13:14

แต่​ต้าน​ตังหลาย​ควร​เยียะ​ตั๋ว​ต๋าม​แบบ​อย่าง​พระเยซู​คริสต์ องค์​พระ​ผู้​เป๋น​เจ้า กับ​ห้าม​เปิด​โอกาส​หื้อ​เยียะ​ต๋าม​กิเลส​ตั๋ณหา​ของ​สันดาน​บาป

โรม 3:22

คือ​หมู่​เฮา​จะ​เป๋น​คน​ถูกต้อง​ต๋าม​ธรรม​ได้​โดย​ก๋าน​เจื้อ​พระเยซู​คริสต์ เซิ่ง​พระเจ้า​เยียะ​หื้อ​เหมือน​กั๋น​กู้​คน​บ่ว่า​เป๋น​ใผ​ก็​ต๋าม

วิวรณ์ 15:4

พระองค์​เจ้า​ข้า ใผ​พ่อง​จะ​บ่เก๋งกั๋ว​พระองค์ มี​ใผ​พ่อง​จะ​บ่หื้อ​เกียรติ​จื้อ​ของ​พระองค์ ย้อน​มี​แต่​พระองค์​เต้าอั้น​ตี้​บริสุทธิ์ คน​กู้​จ้าด​จะ​มา​นมัสก๋าน​พระองค์ ย้อน​ว่า​ก๋าน​เยียะ​ตี้​ยุติธรรม​ของ​พระองค์​ได้​เปิดเผย​หื้อ​หัน​แล้ว”

วิวรณ์ 15:6

หมู่​ทูตสวรรค์​เจ็ด​องค์​ตี้​ได้ฮับ​หน้าตี้​ตี้​เยียะ​หื้อ​เกิด​ความ​ฉิบหาย​เจ็ด​อย่าง​นั้น​ออก​มา​จาก​พระวิหาร หมู่​เขา​แต่ง​ตั๋ว​ด้วย​ผ้า​ลินิน​ตี้​ขาว​สะอาด​เป๋น​มัน​เหลื้อม กับ​ฮัด​สาย​สะปาย​สี​ทอง​ไว้​รอบ​อก

วิวรณ์ 19:14

หมู่​ก๋องทัพ​แห่ง​สวรรค์​ขี่​ม้า​สี​ขาว​ตวย​พระองค์​มา หมู่​เขา​นุ่ง​ผ้า​ลินิน​เนื้อ​ละเอียด สี​ขาว​สะอาด

วิวรณ์ 3:18

เฮา​แนะนำ​หื้อ​หมู่​ต้าน​ซื้อ​คำ​ตี้​ได้​หลอม​ด้วย​ไฟ​หื้อ​บริสุทธิ์​แล้ว​จาก​เฮา เปื้อ​หมู่​ต้าน​จะ​ได้​ร่ำรวย​แต๊ๆ หื้อ​หมู่​ต้าน​ซื้อ​เสื้อผ้า​สี​ขาว​ไป​ใส่​เปื้อ​จะ​ได้​บ่ต้อง​อาย ย้อน​ป๋วย​ตั๋ว​อยู่ แล้ว​หื้อ​ซื้อ​ยา​มา​ใส่​ต๋า​ของ​หมู่​ต้าน​เปื้อ​จะ​ได้​ผ่อ​หัน