วิวรณ์ 19:7 - พระคริสตธรรมคัมภีร ภาคพันธสัญญาใหม

⁷ หื้อ​ข้าพเจ้า​ตังหลาย​จื้นจมยินดี มี​ความ​สุข กับ​สรรเสริญ​พระเจ้า​เต๊อะ ย้อน​ว่า​เวลา​แห่ง​ก๋าน​แต่งงาน​ของ​ลูก​แกะ​ตั๋ว​นั้น​ได้​มา​เถิง​แล้ว เจ้าสาว​ของ​พระองค์​ก็​ได้​เกียม​ตั๋ว​ไว้​พร้อม​แล้ว

วิวรณ์ 19:7 Iomraidhean Croise

มัทธิว 1:20

หลังจาก​ตี้​โยเซฟ​กึ๊ด​จะ​เยียะ​จาอั้น ทูตสวรรค์​ของ​พระเจ้า​องค์​นึ่ง ก็​เข้า​ฝัน​โยเซฟ​บอก​ว่า “โยเซฟ​ลูก​หลาน​ของ​กษัตริย์​ดาวิด​เหย บ่ถ้า​กั๋ว​ตี้​จะ​ฮับ​มารีย์​มา​เป๋น​เมีย​เน่อ ย้อน​ว่า​หละอ่อน​ใน​ต๊อง​ของ​นาง​นั้น เกิด​ขึ้น​จาก​ฤทธิ์​เดช​ของ​พระวิญญาณ​บริสุทธิ์

มัทธิว 22:2

“แผ่นดิน​สวรรค์​เผียบ​เหมือน​กษัตริย์​ตี้​ได้​จัด​งาน​เลี้ยง​ฉลอง​แต่งงาน​หื้อ​ลูกบ่าว​ของ​ต้าน

ลูก๋า 12:36

หื้อ​เป๋น​เหมือน​คน​ฮับใจ๊ ตี้​ถ้า​ต้อนฮับ​นาย​ของ​ตั๋ว เมื่อ​นาย​ปิ๊ก​จาก​งาน​แต่งงาน​มา​แผว​บ้าน แล้ว​เมื่อ​นาย​มา​ฮ้อง​หน้า​ปะตู๋ หมู่​เขา​ก็​จะ​ไข​หื้อ​บ่า​เดี่ยว​นั้น​ได้​เลย

ยอห์น 3:29

“เจ้าสาว​เป๋น​ของ​เจ้าบ่าว แต่​เปื้อน​เจ้าบ่าว​ตี้​ถ้า​ฟัง​อยู่ ก็​มี​ความ​สุข​เมื่อ​ได้​ยิน​เสียง​เจ้าบ่าว ก็​เหมือน​เฮา​ตี้​มี​ความ​สุข​เมื่อ​ได้​ยิน​เรื่อง​ตี้​เกิด​ขึ้น​กับ​พระเยซู

2 โครินธ์ 11:2

ย้อน​ว่า​ข้าพเจ้า​ขาง​หมู่​ต้าน​เหมือน​ตี้​พระเจ้า​ขาง ย้อน​ว่า​หมู่​ต้าน​เป๋น​เหมือน​สาว​บริสุทธิ์​ตี้​บ่มี​มลทิน ตี้​ข้าพเจ้า​ได้​หมั้น​หมาย​หื้อ​กับ​ป้อจาย​คน​เดียว​คือ พระคริสต์

เอเฟซัส 5:23

ย้อน​ว่า​ผัว​ก็​เป๋น​หัว​ของ​เมีย เหมือน​ตี้​พระคริสต์​เป๋น​หัว​ของ​คริสตจักร ตี้​เป๋น​ตั๋ว​ของ​พระองค์​ตี้​พระองค์​ได้​จ้วย​หื้อ​รอด​ป๊น​บาป​โต้ษ

เอเฟซัส 5:32

พระคัมภีร์​ข้อ​นี้​มี​ความ​จริง​ตี้​ล้ำเลิ็ก​นัก ตั๋ว​ข้าพเจ้า​เข้าใจ๋​ว่า​หมายเถิง​พระคริสต์​กับ​คริสตจักร

ฟีลิปปี 3:3

ข้าพเจ้า​ว่า​จาอี้​ย้อน​ว่า​หมู่​เฮา​นี้​คือ​คน​ตี้​เข้า​พิธี​สุหนัต​แต๊ ตี้​นมัสก๋าน​พระเจ้า​โดย​พระวิญญาณ​บริสุทธิ์ กับ​ภูมิใจ๋​ตี้​ได้​เปิ้ง​พระเยซู​คริสต์ บ่ได้​เปิ้ง​สิ่ง​ตี้​เยียะ​กาว่า​สิ่ง​ตี้​เป๋น​

วิวรณ์ 11:13

ใน​เวลา​เดียว​กั๋น​ก็​เกิด​แผ่นดิน​ไหว​อย่าง​แฮง เยียะ​หื้อ​นึ่ง​ใน​สิบ​ส่วน​ของ​เมือง​นั้น​ถูก​ทำลาย​ลง มี​คน​ต๋าย​เจ็ด​ปัน​คน​จาก​แผ่นดิน​ไหว ส่วน​คน​ตี้​เหลือ​อยู่​ก็​อกสั่นขวัญหาย ก็​ปา​กั๋น​สรรเสริญ​พระเจ้า​ตี้​ปกครอง​ใน​สวรรค์

วิวรณ์ 19:9

แล้ว​ทูตสวรรค์​นั้น​อู้​กับ​ข้าพเจ้า​ว่า “เขียน​ลง​ไป​ว่า คน​ตี้​ได้ฮับ​เจิญ​มา​ใน​งาน​แต่งงาน​ของ​ลูก​แกะ​นั้น​ก็​เป๋น​สุข​แต๊ๆ” ต้าน​อู้​แหม​ว่า “สิ่ง​หมู่​นี้​เป๋น​กำ​อู้​ตี้​แต๊​จริง​ของ​พระเจ้า”

วิวรณ์ 21:2

ข้าพเจ้า​หัน​เมือง​บริสุทธิ์ คือ​กรุง​เยรูซาเล็ม​แห่ง​ใหม่ เซิ่ง​มา​จาก​พระเจ้า​ลง​มา​จาก​สวรรค์ เมือง​นี้​ได้​เกียม​ไว้​พร้อม​แล้ว เหมือน​กับ​เจ้าสาว​ตี้​แต่งตั๋ว​งาม​ไว้​ถ้า​ฮับ​คน​ตี้​จะ​เป๋น​ผัว​ของ​นาง

วิวรณ์ 21:9

จาก​นั้น​ทูตสวรรค์​องค์​นึ่ง​ใน​เจ็ด​องค์​ตี้​ก๋ำ​สลุง​ใบ​ตี้​เต๋ม​ไป​ด้วย​ความ​ฉิบหาย​เจ็ด​อย่าง​สุด​ต๊าย มา​อู้​กับ​ข้าพเจ้า​ว่า “มา​นี่​กำ​ลอ เฮา​จะ​หื้อ​เจ้า​หัน​เจ้าสาว​ตี้​เป๋น​เมีย​ของ​ลูก​แกะ​ตั๋ว​นั้น”