วิวรณ์ 18:2 - พระคริสตธรรมคัมภีร ภาคพันธสัญญาใหม

² เขา​เอิ้น​เสียง​ดัง​ว่า “เมือง​บาบิโลน​อัน​ยิ่งใหญ่ หล้มจ๋ม​แล้ว ได้​หล้มจ๋ม​แล้ว ก๋าย​เป๋น​ตี้​อยู่​ของ​ผี​ปี๋ศาจ​กับ​ผี​ฮ้าย​กู้​ตั๋ว เมือง​นั้น​ได้​ก๋าย​เป๋น​ตี้​อยู่​ของ​นก​กู้​ตั๋ว​ตี้​บ่สะอาด (​กับ​เป๋น​ตี้​อยู่​ของ​สัตว์​ฮ้าย​กู้​ตั๋ว​ตี้​บ่สะอาด) กับ​น่า​ขี้จ๊ะ

วิวรณ์ 18:2 Iomraidhean Croise

วิวรณ์ 1:15

ตี๋น​ของ​พระองค์​เหมือน​ตองแดง ตี้​ถูก​หลอม​ใน​เต๋าไฟ​จ๋น​เกลี้ยง​เป๋น​มัน​เหลื้อม​มาบๆ เสียง​ของ​พระองค์​เหมือน​เสียง​น้ำ​ไหล​ดัง​สนั่น​ปั่น​ปื๊น

วิวรณ์ 10:3

ต้าน​ฮ้อง​เสียง​ดัง​เหมือน​สิงโต​คำราม เมื่อ​ต้าน​ฮ้อง เสียง​ฟ้าฮ้อง​ตึง​เจ็ด​เสียง​ก็​ดัง​ขึ้น

วิวรณ์ 11:8

ศพ​ของ​เขา​ตึง​สอง​จะ​นอน​ก๋อง​อยู่​บน​ถนน​ใน​เมือง​อัน​ยิ่งใหญ่ เป๋น​เมือง​ตี้​องค์​พระ​ผู้​เป๋น​เจ้า​ของ​หมู่​เขา​ได้​ถูก​เขิง​บน​ไม้​ก๋าง​เขน​เหมือน​กั๋น เซิ่ง​ได้​จื้อ​เป๋น​กำ​เผียบ​ว่า โสโดม​กับ​อียิปต์

วิวรณ์ 14:15

แล้ว​ทูตสวรรค์​แหม​องค์​นึ่ง​ก็​ออก​มา​จาก​พระวิหาร​กับ​ฮ้อง​บอก​ผู้​ตี้​นั่ง​อยู่​บน​เมฆ​เสียง​อัน​ดัง​ว่า “ใจ๊​เคียว​ของ​พระองค์​เก็บ​เกี่ยว​ไป​เต๊อะ ย้อน​ว่า​เถิง​เวลา​เกี่ยว​แล้ว กับ​พืชผล​บน​โลก​นั้น​ก็​สุก​งอม​แล้ว”

วิวรณ์ 14:8

จาก​นั้น​ทูตสวรรค์​องค์​ตี้​สอง​ได้​ตวย​ทูตสวรรค์​องค์​ตี้​นึ่ง​ไป กับ​บอก​ว่า “บาบิโลน เมือง​อัน​ยิ่งใหญ่​หล้มจ๋ม​แล้ว ได้​หล้มจ๋ม​แล้ว เมือง​ตี้​เยียะ​หื้อ​กู้​จ้าด​กิ๋น​เหล้า​องุ่น​ของ​ราคะ​ตั๋ณหา​ตี้​จะ​ล่วง​ประเวณี​กับ​เมือง​นั้น”

วิวรณ์ 16:13

ข้าพเจ้า​ก็​หัน​วิญญาณ​ฮ้าย​สาม​ตั๋ว​ตี้​ผ่อ​เหมือน​กบ ตั๋ว​นึ่ง​ออก​จาก​ปาก​มังกร ตั๋ว​นึ่ง​ออก​จาก​ปาก​สัตว์​ฮ้าย​ กับ​แหม​ตั๋ว​นึ่ง​ออก​จาก​ปาก​ผู้​เป๋น​ปาก​เป๋น​เสียง​แตน​พระเจ้า​ตั๋ว​ป๋อม

วิวรณ์ 16:19

เมือง​ใหญ่​นั้น​ถูก​แบ่ง​ออก​เป๋น​สาม​ส่วน บ้าน​เมือง​ของ​จ้าด​ตังหลาย​ก็​ถูก​ทำลาย​ลง พระเจ้า​บ่ลืม​ลง​โต้ษ​เมือง​บาบิโลน​ตี้​ยิ่งใหญ่​ตวย พระองค์​หื้อ​นาง​กิ๋น​จาก​ถ้วย​ตี้​ใส่​เหล้า​องุ่น​แห่ง​ความ​โขด​แค้น​ของ​พระองค์

วิวรณ์ 17:18

ส่วน​แม่ญิง​ตี้​เจ้า​หัน​นั้น คือ​เมือง​ใหญ่​ตี้​ปกครอง​เหนือ​กษัตริย์​ตังหลาย​บน​โลก​นี้​”

วิวรณ์ 17:5

บน​หน้าผาก​ของ​นาง​มี​จื้อ​เขียน​ไว้ เซิ่ง​มี​ความ​หมาย​เลิ็กลับ​ว่า “เมือง​บาบิโลน​ตี้​ยิ่ง​ใหญ่ แม่​ของ​หมู่​แม่ญิง​ขายตั๋ว กับ​แม่​ของ​สิ่ง​ตี้​น่า​ขี้จ๊ะ​ตึง​หมด​บน​โลก”

วิวรณ์ 18:10

หมู่​เขา​จะ​ยืน​อยู่​ห่างๆ เมือง​นั้น ย้อน​กั๋ว​เจ็บปวด​ทรมาน​ไป​ตวย หมู่​เขา​จะ​อู้​ว่า ‘ฉิบหาย ฉิบหาย​แต๊ๆ สำหรับ​เมือง​ตี้​ยิ่ง​ใหญ่ บาบิโลน​เมือง​ตี้​เต๋ม​ไป​ด้วย​อำนาจ ย้อน​ก๋าน​ตัดสิน​ลงโต้ษ​ของ​เจ้า​นั้น​มา​เถิง​เจ้า​ภายใน​จั้วโมง​เดียว’

วิวรณ์ 18:21

จาก​นั้น​ทูตสวรรค์​ตี้​มี​ฤทธิ์​องค์​นึ่ง ได้​ยก​หิน​ก้อน​นึ่ง​ขนาด​ใหญ่​เต้า​กับ​บ่าหิน​โม่​แป้ง​อัน​ใหญ่​โจ้ง​ลง​ไป​ใน​ทะเล แล้ว​อู้​ว่า “เมือง​บาบิโลน​อัน​ยิ่ง​ใหญ่ เจ้า​จะ​ถูก​โจ้ง​ลง​มา​แฮง​จาอี้ แล้ว​จะ​บ่มี​ใผ​หัน​เจ้า​แหม​เลย

วิวรณ์ 5:2

จาก​นั้น​ข้าพเจ้า​หัน​ทูตสวรรค์​ผู้​มี​อำนาจ​องค์​นึ่ง บอก​เสียง​อัน​ดัง​ว่า “ใผ​สมควร​ตี้​จะ​ได้​แกะ​ก๋าจ๊ำ​ตี้​ติด​อยู่ กับ​เปิด​หนังสือ​ม้วน​นี้​ออก”