วิวรณ์ 18:1 - พระคริสตธรรมคัมภีร ภาคพันธสัญญาใหม

¹ ต่อ​จาก​นั้น ข้าพเจ้า​หัน​ทูตสวรรค์​แหม​องค์​นึ่ง​ลง​มา​จาก​สวรรค์ ทูตสวรรค์​องค์​นี้​มี​ฤทธิ์​อำนาจ​นัก​ขนาด รัศมี​จาก​ตั๋ว​ของ​ทูตสวรรค์​องค์​นี้​เยียะ​หื้อ​แผ่นดิน​โลก​แจ้ง​หลึ้ง

วิวรณ์ 18:1 Iomraidhean Croise

ลูก๋า 17:24

ย้อน​ว่า​เมื่อ​วัน​ตี้​บุตรมนุษย์​ปิ๊ก​มา ก็​เผียบ​เหมือน​ฟ้า​แมบ​เผิก​นึ่ง​ก็​จะ​แจ้ง​ไป​แหม​เผิก​นึ่ง

2 เธสะโลนิก๋า 2:8

แล้ว​คน​บ่ดี​คน​นั้น​จะ​ป๋ากฏ​ขึ้น แต่​เมื่อ​พระเยซู​ปิ๊ก​มา พระองค์​จะ​ฆ่า​เขา​โดย​ลม​หายใจ๋​จาก​ปาก​ของ​พระองค์ แล้ว​จะ​ทำลาย​เขา​โดย​รัศมี​เป่งแจ้ง​แห่ง​ก๋าน​ปิ๊ก​มา​ของ​พระองค์

วิวรณ์ 10:1

ข้าพเจ้า​ได้​หัน​ทูตสวรรค์​ตี้​มี​ฤทธิ์​นัก​ขนาด​แหม​องค์​นึ่ง​ลง​มา​จาก​สวรรค์ มี​เมฆ​หุ้ม​ตั๋ว​กับ​มี​ฮุ้ง​อยู่​รอบ​หัว ใบ​หน้า​เหมือน​ตะวัน กับ​มี​ขา​เป๋น​เหมือน​เสา​ต้น​ใหญ่ ตี้​เต๋ม​ไป​ด้วย​เปล๋วไฟ

วิวรณ์ 17:1

ทูตสวรรค์​องค์​นึ่ง​จาก​เจ็ด​องค์​ตี้​ก๋ำ​สลุง​เจ็ด​ใบ​นั้น เข้า​มา​อู้​กับ​ข้าพเจ้า​ว่า “มา​เพ้​กำ​ลอ มา​ผ่อ​ก๋าน​ลงโต้ษ​ตี้​ก่ำลัง​จะ​เกิด​ขึ้น​กับ​แม่ญิง​ขายตั๋ว​ตี้​มี​จื้อ​เสียง​โด่ง​ดัง ตี้​นั่ง​อยู่​บน​แม่น้ำ​หลาย​สาย

วิวรณ์ 17:7

ทูตสวรรค์​องค์​นั้น​จึง​ถาม​ข้าพเจ้า​ว่า “จะ​งืด​ไป​เยียะ​หยัง เฮา​จะ​อธิบาย​เถิง​ความ​หมาย​ตี้​ซ่อน​อยู่​ของ​แม่ญิง​คน​นั้น กับ​สัตว์​ฮ้าย​ตี้​มี​เจ็ด​หัว​สิบ​เขา​ตี้​นาง​ขี่​อยู่​หื้อ​เจ้า​ฟัง

วิวรณ์ 21:23

เมือง​นี้​บ่จ๋ำเป๋น​ต้อง​มี​แสง​สว่าง​จาก​ดวง​ตะวัน​กาว่า​ดวงเดือน ย้อน​รัศมี​ของ​พระเจ้า​เยียะ​หื้อ​เมือง​นี้​เป่งแจ้ง ลูก​แกะ​ตั๋ว​นั้น​เป๋น​โกม​ไฟ​ของ​เมือง​นี้