วิวรณ์ 17:13 - พระคริสตธรรมคัมภีร ภาคพันธสัญญาใหม

¹³ หมู่​กษัตริย์​ตึง​สิบ​องค์​นี้ ก็​จะ​ฮ่วมใจ๋​ปา​กั๋น​มอบ​ฤทธิ์​อำนาจ กับ​สิทธิ​อำนาจ​หื้อ​กับ​สัตว์​ฮ้าย​ตั๋ว​นั้น

วิวรณ์ 17:13 Iomraidhean Croise

กิจก๋าน 4:28

สิ่ง​ตังมวล​ตี้​เขา​ตังหลาย​หมู่​นั้น​ได้​เยียะ​ก็​เกิด​ขึ้น​ต๋าม​ตี้​พระองค์​ก๋ำหนด​ไว้​ตั้งแต่​เมิน​แล้ว

ฟีลิปปี 1:27

บ่ว่า​จะ​เกิด​อะหยัง​กับ​ข้าพเจ้า ขอ​หื้อ​ต้าน​ตังหลาย​ใจ๊​จีวิต​ฮ่วม​กั๋น​อย่าง​สมควร​กับ​คน​ตี้​ฮับเจื้อ​ข่าวดี​เกี่ยวกับ​พระคริสต์ แล้ว​บ่ว่า​ข้าพเจ้า​จะ​มา​หา​หมู่​ต้าน​กาว่า​บ่มา ก็​จะ​ได้ยิน​ว่า​หมู่​ต้าน​ยัง​ยึดมั่น​เป๋น​น้ำนึ่ง​ใจ๋เดียว​กั๋น กับ​ฮ่วม​ต่อสู้​ด้วย​จิตใจ๋​เดียว​กั๋น เปื้อ​ความ​เจื้อ​ตี้​เกิด​จาก​ข่าวดี​นั้น

ฟีลิปปี 2:2

ก็​ขอ​เยียะ​หื้อ​ข้าพเจ้า​มี​ความ​จื้นจมยินดี​อย่าง​เต๋มตี้​โดย​มี​กำ​กึ๊ด มี​ความ​ฮัก​อย่าง​เดียว​กั๋น​กับ​เป๋น​น้ำ​นึ่ง​ใจ๋​เดียว​กั๋น

วิวรณ์ 17:14

หมู่​เขา​จะ​ฮบ​กับ​ลูก​แกะ​ตั๋ว​นั้น แต่​ลูก​แกะ​จะ​มี​ชัย​เหนือ​หมู่​เขา ย้อน​พระองค์​เป๋น​องค์​พระผู้เป๋นเจ้า​เหนือ​เจ้า​ตังหลาย กับ​เป๋น​กษัตริย์​เหนือ​กษัตริย์​ตังหลาย คน​ตี้​อยู่​กับ​พระองค์​นั้น คือ​คน​ตี้​พระองค์​ฮ้อง​กับ​เลือก ย้อน​หมู่​เขา​นั้น​ซื่อสัตย์”

วิวรณ์ 17:17

ย้อน​พระเจ้า​ได้​ดลใจ๋​หื้อ​หมู่​เขา​เยียะ​ตวย​ต๋าม​แผนก๋าน​ของ​พระองค์ โดย​ก๋าน​เยียะ​หื้อ​หมู่​เขา​ตกลง​ฮ่วมใจ๋​กั๋น​ตี้​จะ​มอบ​สิทธิ​อำนาจ​ใน​ก๋าน​ปกครอง​หื้อ​กับ​สัตว์​ฮ้าย จ๋น​กว่า​สิ่ง​ตี้​พระเจ้า​อู้​ไว้​จะ​สำเร็จ