วิวรณ์ 13:16 - พระคริสตธรรมคัมภีร ภาคพันธสัญญาใหม16 สัตว์ฮ้ายตั๋วตี้สองนี้บังคับกู้คน ตึงคนต่ำต้อยกับคนยิ่งใหญ่ ตึงคนรวยกับคนตุ๊ก ตึงคนตี้มีอิสระกับเป๋นขี้ข้า หื้อฮับเครื่องหมายไว้ตี้มือขวากาว่าหน้าผาก Faic an caibideil |
วิวรณ์ 13:16
26 Iomraidhean Croise
จ้าดตังหลายตี้บ่ได้เจื้อพระองค์ปากั๋นโขดแค้น แต่บ่าเดี่ยวนี้เถิงเวลาแล้วตี้พระองค์จะแสดงความโขดของพระองค์ เถิงเวลาตี้พระองค์จะตัดสินคนตี้ต๋ายไปแล้ว กับเถิงเวลาตี้หมู่ผู้ฮับใจ๊ของพระองค์คือหมู่ผู้เป๋นปากเป๋นเสียงแตนพระเจ้าจะได้ฮับรางวัล ฮ่วมกับคนของพระองค์คือคนหมู่นั้นตี้เคารพยำเก๋งพระองค์ ตึงผู้ใหญ่กับผู้น้อย เถิงเวลาแล้วตี้พระองค์จะทำลายคนหมู่นั้นตี้ได้ทำลายแผ่นดินโลก”
แต่สัตว์ฮ้ายนั้นถูกยับกับผู้เป๋นปากเป๋นเสียงแตนพระเจ้าตั๋วป๋อม ตี้เกยเยียะก๋านอัศจ๋รรย์ต่อหน้าสัตว์ฮ้ายนั้น ก๋านอัศจ๋รรย์นี้จุล่ายคนตี้มีเครื่องหมายของสัตว์ฮ้ายนั้นกับนมัสก๋านฮูปปั้นของมัน ตึงสองก็ถูกยับโจ้งลงไปตึงเป๋นในไฟกำมะถันตี้ก่ำลังลุกไหม้อยู่
ข้าพเจ้าหันคนตังหลายตี้ต๋ายไปแล้ว บ่ว่าผู้ยิ่งใหญ่กาว่าผู้หน้อย ยืนอยู่ต่อหน้าบัลลังก์นั้น มีหนังสือหลายเล่มเปิดออกอยู่ กับมีหนังสือแหมเล่มนึ่งถูกเปิดออกตวย คือหนังสือแห่งจีวิต คนต๋ายหมู่นั้นได้ฮับก๋านตัดสินต๋ามสิ่งตี้เขาเยียะไป ตี้ได้บันทึกไว้ในหนังสือหมู่นั้น
แล้วข้าพเจ้าหันบัลลังก์ต่างๆ กับผู้ตี้นั่งอยู่บนบัลลังก์นั้น หมู่เขาได้ฮับสิทธิอำนาจตี้จะตัดสิน หมู่เขาเป๋นหมู่วิญญาณของผู้ตี้ถูกกกคอ ย้อนได้บอกกำพยานตี้พระเยซูได้เปิดเผยหื้อฮู้ กับย้อนได้บอกถ้อยกำของพระเจ้า หมู่เขาบ่ได้นมัสก๋านสัตว์ฮ้ายกาว่าฮูปปั้นของมัน กับบ่ได้ฮับเครื่องหมายของมันติดบนหน้าผาก กาว่าบนมือของหมู่เขา หมู่เขาเป๋นขึ้นจากความต๋าย แล้วได้ปกครองฮ่วมกับพระคริสต์เป๋นเวลานึ่งปันปี๋
Sanasan