วิวรณ์ 12:8 - พระคริสตธรรมคัมภีร ภาคพันธสัญญาใหม

⁸ ฝ่าย​มังกร​ก๊าน มัน​กับ​หมู่​ตี้​ติดต๋าม​จึง​อยู่​บน​สวรรค์​บ่ได้​แหม​ต่อ​ไป

วิวรณ์ 12:8 Iomraidhean Croise

มัทธิว 16:18

เฮา​จะ​บอก​หื้อ​ฮู้​ว่า​ต้าน​คือ​เปโตร ต้าน​เป๋น​เหมือน​บ่าหิน​ตี้​เฮา​จะ​สร้าง​คริสตจักร​ของ​เฮา​ขึ้น​ตั้ง​ไว้ อำนาจ​ตึงหมด​ของ​ความ​ต๋าย​จะ​มี​ชัย​เหนือ​คริสตจักร​ของ​เฮา​นั้น​ตึง​บ่ได้

ยูดา 1:6

กับ​เรื่อง​ตี้​ว่า​หมู่​ทูตสวรรค์​ตี้​บ่ปอใจ๋​สิทธิ​อำนาจ​ของ​ต๋น​ตี้​พระเจ้า​หื้อ แต่​ได้​ละขว้าง​ตี้​อยู่​ของ​ตั๋ว​ไป พระเจ้า​ได้​สั่ง​ล่าม​หมู่​เขา​ไว้​โดย​เจื้อก​เหล็ก​ตี้​บ่มี​วัน​ปุด​อยู่​ใน​ตี้​ตี้​มืด เปื้อ​ถ้า​ก๋าน​ตัดสิน​ลงโต้ษ​ใน​วัน​อัน​ยิ่งใหญ่​นั้น

วิวรณ์ 12:11

แต่​ปี้น้อง​ของ​เฮา​มี​ชัย​ได้​นั้น ก็​ย้อน​เลือด​ของ​ลูก​แกะ​ตั๋ว​นั้น​ตี้​ต๋าย กับ​ย้อน​กำพยาน​ของ​หมู่​เขา​เอง หมู่​เขา​ยอม​ต๋าย​บ่เสียดาย​จีวิต​ของ​ต๋น

วิวรณ์ 12:7

ต่อ​มา ได้​เกิด​สงคราม​ขึ้น​บน​สวรรค์ มีคาเอล กับ​ทูต​ตี้​ติดต๋าม​เขา​ได้​ต่อสู้​กับ​มังกร​ตั๋ว​นั้น แต่​มังกร​ตั๋ว​นั้น​กับ​หมู่​ตี้​ติดต๋าม​มัน​ก็​ต่อสู้​ตอบโต้

วิวรณ์ 12:9

มังกร​ใหญ่​ตี้​เป๋น​งู​โบราณ​นั้น เซิ่ง​ฮ้อง​กั๋น​ว่า มาร กาว่า ซาต๋าน ผู้​ตี้​ล่อลวง​มนุษย์​ตึง​โลก ก็​ถูก​ยู้​โจ้ง​ลง​มา​บน​โลก​พร้อม​กับ​หมู่​ตี้​ติดต๋าม

วิวรณ์ 20:11

แล้ว​ข้าพเจ้า​หัน​บัลลังก์​ใหญ่​สี​ขาว​กับ​พระเจ้า​ผู้​ตี้​นั่ง​อยู่​บน​บัลลังก์​นั้น เมื่อ​พระองค์​มา​ป๋ากฏ แผ่นดิน​โลก​กับ​สวรรค์​ก็​หาย​ไป​บ่เหลือ​ฮอย​หื้อ​ใผ​หัน​แหม​เลย