Bìoball air-loidhne

วิวรณ์ 11:8 - พระคริสตธรรมคัมภีร ภาคพันธสัญญาใหม

⁸ ศพของเขาตึงสองจะนอนก๋องอยู่บนถนนในเมืองอันยิ่งใหญ่ เป๋นเมืองตี้องค์พระผู้เป๋นเจ้าของหมู่เขาได้ถูกเขิงบนไม้ก๋างเขนเหมือนกั๋น เซิ่งได้จื้อเป๋นกำเผียบว่า โสโดมกับอียิปต์

Faic an caibideil Dèan lethbhreac

dol air ais ⬆

วิวรณ์ 11:8
40 Iomraidhean Croise

มัทธิว 10:15

เฮาบอกความจริงแก่เจ้าตังหลายว่า ในวันตัดสินลงโต้ษบาปนั้นจาวเมืองโสโดมกับเมืองโกโมราห์จะมีโต้ษเบาเหลือจาวเมืองนั้นแหม

Faic an caibideil

กิจก๋าน 9:4

เซาโลโก้นลงดิน แล้วได้ยินเสียงเอิ้นลงมาว่า “เซาโล เซาโล เจ้าค่ำเฮาเยียะหยัง”

Faic an caibideil

ฮีบรู 13:12

ย้อนจาอั้น พระเยซูจึงได้ทนตุ๊กนอกปะตู๋เมืองเหมือนกั๋น เปื้อซ่วยล้างบาปของคนตังหลายหื้อบริสุทธิ์โดยเลือดของพระองค์เอง

Faic an caibideil

ฮีบรู 6:6

ถ้าคนหมู่นั้นยังหลงไปก็เป๋นไปบ่ได้ตี้จะปาหมู่เขากลับใจ๋จากบาปได้แหม ย้อนเหมือนกับว่าเขาได้เขิงพระบุตรของพระเจ้าบนไม้กางเขนแหมเตื้อ กับซะหน้าซะต๋าพระองค์ต่อหน้าคนตังหลาย

Faic an caibideil

2 เปโตร 2:6

เมืองโสโดมกับเมืองโกโมราห์ก็เหมือนกั๋น พระเจ้าลงโต้ษหมู่เขาโดยใจ๊ไฟเผากู้สิ่งกู้อย่าง เปื้อเป๋นตั๋วอย่างหื้อคนบ่ยำเก๋งพระเจ้าหันว่าจะเกิดอะหยังขึ้นกับหมู่เขา

Faic an caibideil

ยูดา 1:7

ลองกึ๊ดเถิงเมืองโสโดม เมืองโกโมราห์กับเมืองตุ๋มใก้ตุ๋มฮิมหมู่นั้นลอ ก็เป๋นอย่างเดียวกั๋น หมู่เขาเยียะบาปตางเพศ กับใจ๊จีวิตผิดเพศ พระเจ้าจึงลงโต้ษหมู่เขาไว้ในตี้ตี้มีไฟไหม้บ่ฮู้จักดับ นี่ก็เป๋นตั๋วอย่างเอาไว้เตื๋อนหมู่เฮา

Faic an caibideil

วิวรณ์ 11:13

ในเวลาเดียวกั๋นก็เกิดแผ่นดินไหวอย่างแฮง เยียะหื้อนึ่งในสิบส่วนของเมืองนั้นถูกทำลายลง มีคนต๋ายเจ็ดปันคนจากแผ่นดินไหว ส่วนคนตี้เหลืออยู่ก็อกสั่นขวัญหาย ก็ปากั๋นสรรเสริญพระเจ้าตี้ปกครองในสวรรค์

Faic an caibideil

วิวรณ์ 11:9

คนจากกู้เจื๊อจ้าด กู้เผ่า กู้ภาษา กับกู้ประเทศ จะปักต๋าผ่อศพของหมู่เขาเป๋นเวลาสามวันเกิ่ง กับจะบ่ยอมหื้อเอาศพนั้นไปฝัง

Faic an caibideil

วิวรณ์ 14:20

หน่วยองุ่นหมู่นั้นถูกย่ำอยู่ในบ่อย่ำองุ่นนอกเมือง แล้วมีเลือดไหลออกจากบ่อย่ำองุ่น สูงประมาณเมตรเกิ่ง ไหลนองไปเป๋นระยะตางสามร้อยกิโลเมตร

Faic an caibideil

วิวรณ์ 14:8

จากนั้นทูตสวรรค์องค์ตี้สองได้ตวยทูตสวรรค์องค์ตี้นึ่งไป กับบอกว่า “บาบิโลน เมืองอันยิ่งใหญ่หล้มจ๋มแล้ว ได้หล้มจ๋มแล้ว เมืองตี้เยียะหื้อกู้จ้าดกิ๋นเหล้าองุ่นของราคะตั๋ณหาตี้จะล่วงประเวณีกับเมืองนั้น”

Faic an caibideil

วิวรณ์ 16:19

เมืองใหญ่นั้นถูกแบ่งออกเป๋นสามส่วน บ้านเมืองของจ้าดตังหลายก็ถูกทำลายลง พระเจ้าบ่ลืมลงโต้ษเมืองบาบิโลนตี้ยิ่งใหญ่ตวย พระองค์หื้อนางกิ๋นจากถ้วยตี้ใส่เหล้าองุ่นแห่งความโขดแค้นของพระองค์

Faic an caibideil

วิวรณ์ 17:1

ทูตสวรรค์องค์นึ่งจากเจ็ดองค์ตี้ก๋ำสลุงเจ็ดใบนั้น เข้ามาอู้กับข้าพเจ้าว่า “มาเพ้กำลอ มาผ่อก๋านลงโต้ษตี้ก่ำลังจะเกิดขึ้นกับแม่ญิงขายตั๋วตี้มีจื้อเสียงโด่งดัง ตี้นั่งอยู่บนแม่น้ำหลายสาย

Faic an caibideil

วิวรณ์ 17:18

ส่วนแม่ญิงตี้เจ้าหันนั้น คือเมืองใหญ่ตี้ปกครองเหนือกษัตริย์ตังหลายบนโลกนี้”

Faic an caibideil

วิวรณ์ 17:5

บนหน้าผากของนางมีจื้อเขียนไว้ เซิ่งมีความหมายเลิ็กลับว่า “เมืองบาบิโลนตี้ยิ่งใหญ่ แม่ของหมู่แม่ญิงขายตั๋ว กับแม่ของสิ่งตี้น่าขี้จ๊ะตึงหมดบนโลก”

Faic an caibideil

วิวรณ์ 18:10

หมู่เขาจะยืนอยู่ห่างๆ เมืองนั้น ย้อนกั๋วเจ็บปวดทรมานไปตวย หมู่เขาจะอู้ว่า ‘ฉิบหาย ฉิบหายแต๊ๆ สำหรับเมืองตี้ยิ่งใหญ่ บาบิโลนเมืองตี้เต๋มไปด้วยอำนาจ ย้อนก๋านตัดสินลงโต้ษของเจ้านั้นมาเถิงเจ้าภายในจั้วโมงเดียว’

Faic an caibideil

วิวรณ์ 18:18

เมื่อหมู่เขาหันควันไฟจากก๋านเผาเมืองนั้น หมู่เขาอู้ว่า ‘บ่มีเมืองไหนตี้เกยเป๋นเหมือนเมืองอันยิ่งใหญ่นี้’

Faic an caibideil

วิวรณ์ 18:2

เขาเอิ้นเสียงดังว่า “เมืองบาบิโลนอันยิ่งใหญ่ หล้มจ๋มแล้ว ได้หล้มจ๋มแล้ว ก๋ายเป๋นตี้อยู่ของผีปี๋ศาจกับผีฮ้ายกู้ตั๋ว เมืองนั้นได้ก๋ายเป๋นตี้อยู่ของนกกู้ตั๋วตี้บ่สะอาด (กับเป๋นตี้อยู่ของสัตว์ฮ้ายกู้ตั๋วตี้บ่สะอาด) กับน่าขี้จ๊ะ

Faic an caibideil

วิวรณ์ 18:21

จากนั้นทูตสวรรค์ตี้มีฤทธิ์องค์นึ่ง ได้ยกหินก้อนนึ่งขนาดใหญ่เต้ากับบ่าหินโม่แป้งอันใหญ่โจ้งลงไปในทะเล แล้วอู้ว่า “เมืองบาบิโลนอันยิ่งใหญ่ เจ้าจะถูกโจ้งลงมาแฮงจาอี้ แล้วจะบ่มีใผหันเจ้าแหมเลย

Faic an caibideil

วิวรณ์ 18:24

กับในเจ้าก็ปะเลือดของหมู่ผู้เป๋นปากเป๋นเสียงแตนพระเจ้า กับหมู่คนของพระเจ้ากับคนตึงหมดตี้ถูกฆ่าต๋ายในโลก”

Faic an caibideil

Lean sinn:

Ceanglaichean taic

Sanasan

Sanasan