วิวรณ์ 10:6 - พระคริสตธรรมคัมภีร ภาคพันธสัญญาใหม

⁶ แล้ว​สาบาน​โดย​อ้าง​เถิง​พระองค์​ผู้​มี​จีวิต​อยู่​ตลอดไป ผู้​สร้าง ฟ้า​สวรรค์ แผ่นดิน​โลก ทะเล กับ​กู้​สิ่ง​กู้​อย่าง​ตี้​อยู่​ใน​นั้น​ตวย ทูตสวรรค์​สาบาน​ว่า “พระเจ้า​จะ​บ่จ๊า​แหม​ต่อ​ไป​แล้ว​ตี้​จะ​เยียะ​ต๋าม​แผน​ของ​พระองค์”

วิวรณ์ 10:6 Iomraidhean Croise

วิวรณ์ 1:18

เฮา​เป๋น​ผู้​ตี้​มี​จีวิต​อยู่ เฮา​เกย​ต๋าย แต่​บ่าเดี่ยวนี้​เฮา​มี​จีวิต​อยู่​ตลอด​ไป เฮา​เป๋น​ผู้​มี​อำนาจ​เหนือ​ความ​ต๋าย​กับ​แดน​คน​ต๋าย

วิวรณ์ 12:12

ย้อน​จาอี้ ขอ​หื้อ​สวรรค์ กับ​ผู้​ตี้​อยู่​บน​สวรรค์​นั้น​จง​จื้นจมยินดี​เต๊อะ แต่​หมู่​เจ้า​ตี้​อยู่​ใน​โลก​กับ​ใน​ทะเล​จะ​ปะ​กับ​ความ​ฉิบหาย ย้อน​มาร​ได้​ลง​มา​หา​หมู่​เจ้า​ด้วย​ความ​แค้น​ขนาด​หนัก ย้อน​ฮู้​ว่า​เวลา​ของ​มัน​มี​หน้อย​นักแก​แล้ว”

วิวรณ์ 16:17

ทูตสวรรค์​องค์​ตี้​เจ็ด​ถอก​สลุง​ของ​ตั๋ว​ลง​ไป​ใน​อากาศ มี​เสียง​ดัง​ออก​มา​จาก​บัลลังก์​ใน​พระวิหาร​ว่า “สำเร็จ​แล้ว”

วิวรณ์ 21:6

แล้ว​พระเจ้า​อู้​กับ​ข้าพเจ้า​ว่า “สำเร็จ​แล้ว เฮา​เป๋น​อัลฟา กับ โอเมกา คือ​เป๋น​จุด​ตั้งเก๊า​กับ​จุด​สุด​ต๊าย ถ้า​ใผ​ใค่​กิ๋น​น้ำ เฮา​จะ​หื้อ​ผู้​นั้น​กิ๋น​จาก​ต๋า​น้ำ​แห่ง​จีวิต โดย​บ่ต้อง​ซื้อ

วิวรณ์ 4:10

ผู้​อาวุโส​ตึง​ซาว​สี่​คน​ก็​ก้ม​ลง​กราบ​นมัสก๋าน​พระองค์​ผู้​ตี้​นั่ง​อยู่​บน​บัลลังก์ กับ​มี​จีวิต​อยู่​ตลอด​ไป แล้ว​หมู่​เขา​ก็​ถอด​มงกุฎ​ของ​ตั๋ว​ลง​ตั๊ด​หน้า​บัลลังก์​ฮ้อง​ว่า

วิวรณ์ 4:11

“ข้า​แต่​องค์​พระผู้เป๋นเจ้า พระเจ้า​ของ​หมู่​เฮา พระองค์​สมควร​ตี้​จะ​ได้ฮับ​กำ​สรรเสริญ ได้ฮับ​เกียรติ​กับ​ฤทธิ์​อำนาจ พระองค์​ได้​สร้าง​กู้​สิ่ง​กู้​อย่าง​ขึ้น กับ​กู้​สิ่ง​กู้​อย่าง​ก็​เกิด​ขึ้น​กับ​เป๋น​อยู่ ต๋าม​ความ​ต้องก๋าน​ของ​พระองค์”

วิวรณ์ 4:9

เมื่อ​ใด​ตี้​สิ่ง​มี​จีวิต​ตึง​สี่​ต๋น​อู้​กำ​สรรเสริญ ถวาย​เกียรติ กับ​ขอบพระคุณ​พระองค์​ผู้​ตี้​นั่ง​อยู่​บน​บัลลังก์ ผู้​เซิ่ง​มี​จีวิต​อยู่​ตลอด​ไป

วิวรณ์ 6:11

แล้ว​เขา​หมู่​นั้น​กู้​คน​ก็​ได้​ฮับ​เสื้อ​คุม​สี​ขาว กับ​พระองค์​บอก​หมู่​เขา​หื้อ​ถ้า​ต่อ​ไป​แหม​กำเดียว จ๋น​กว่า​หมู่​ปี้น้อง​ผู้​ฮับใจ๊​พระคริสต์​จะ​ถูก​ฆ่า​อย่าง​กับ​หมู่​เขา​จ๋น​ครบ​จ๋ำนวน​ตี้​ต้องก๋าน