วิวรณ์ 1:18 - พระคริสตธรรมคัมภีร ภาคพันธสัญญาใหม

¹⁸ เฮา​เป๋น​ผู้​ตี้​มี​จีวิต​อยู่ เฮา​เกย​ต๋าย แต่​บ่าเดี่ยวนี้​เฮา​มี​จีวิต​อยู่​ตลอด​ไป เฮา​เป๋น​ผู้​มี​อำนาจ​เหนือ​ความ​ต๋าย​กับ​แดน​คน​ต๋าย

วิวรณ์ 1:18 Iomraidhean Croise

มัทธิว 11:23

ส่วน​เมือง​คาเปอรนาอุม เจ้า​กึ๊ด​ว่า​เจ้า​จะ​ถูก​ยก​ขึ้น​เปียง​ฟ้า​สวรรค์​กา​บ่ใจ้​เน่อ แต่​เจ้า​จะ​ถูก​โจ้ง​ลง​ไป​ใน​แดน​คน​ต๋าย​เน่อ ย้อน​ว่า​ก๋าน​อัศจ๋รรย์​ตี้​เฮา​ได้​เยียะ​หื้อ​เจ้า​หัน​นี้ ถ้า​เอา​ไป​เยียะ​ตี้​เมือง​โสโดม​เมือง​นั้น ก็​จะ​ยัง​มี​อยู่​จ๋น​เถิง​ตึง​วัน​นี้

มัทธิว 16:19

เฮา​จะ​เอา​ขะแจ๋​ตี้​ไข​แผ่นดิน​สวรรค์​ไว้​หื้อ​ต้าน อะหยัง​ก็​ต๋าม​ตี้​ต้าน​ห้าม​ใน​โลก​นี้ พระเจ้า​ก็​ห้าม​สิ่ง​นั้น​ใน​สวรรค์ แล้ว​อะหยัง​ก็​ต๋าม​ตี้​ต้าน​หื้อ​เยียะ​ใน​โลก​นี้ พระเจ้า​ก็​หื้อ​เยียะ​สิ่ง​นั้น​ใน​สวรรค์​เหมือน​กั๋น”

ลูก๋า 24:5

แม่ญิง​หมู่​นั้น​กั๋ว​เลย​ก้ม​หน้า​ลง​ดิน ป้อจาย​สอง​คน​นั้น​อู้​กับ​หมู่​เขา​ว่า “หมู่​เจ้า​มา​หา​คน​เป๋น​ใน​หมู่​คน​ต๋าย​เยียะ​หยัง

ยอห์น 11:25

พระเยซู​อู้​กับ​มารธา​ว่า “เฮา​เป๋น​ผู้​ตี้​เยียะ​หื้อ​คน​เป๋น​ขึ้น​จาก​ความ​ต๋าย​และ​หื้อ​จีวิต​กับ​หมู่​เขา กู้​คน​ตี้​เจื้อ​วางใจ๋​เฮา เถิงแม้​ต๋าย​ไป​แล้ว​ก็​ยัง​มี​จีวิต​อยู่

ยอห์น 14:19

แหม​บ่เมิน​โลก​ก็​จะ​บ่หัน​เฮา แต่​หมู่​ต้าน​จะ​หัน​เฮา ย้อน​เฮา​มี​จีวิต​อยู่ หมู่​ต้าน​ก็​จะ​มี​จีวิต​อยู่​ตวย

โรม 6:9

เฮา​ตังหลาย​ฮู้​อยู่​แล้ว​ว่า​พระเจ้า​เยียะ​หื้อ​พระคริสต์​เป๋น​ขึ้น​จาก​ความ​ต๋าย​แล้ว พระองค์​จึง​จะ​บ่ต๋าย​แหม ความ​ต๋าย​จะ​บ่มี​อำนาจ​เหนือ​พระองค์​แหม​ต่อไป

2 โครินธ์ 13:4

เถิงแม้​ว่า​พระองค์​ถูก​เขิง​บน​ไม้​ก๋าง​เขน​ย้อน​พระองค์​ยอม​อ่อนแอ แต่​พระองค์​ก็​ยัง​มี​จีวิต​อยู่​ย้อน​ฤทธิ์​อำนาจ​ของ​พระเจ้า เถิงแม้​ว่า​เฮา​อ่อนแอ​ฮ่วม​กับ​พระคริสต์ แต่​โดย​ฤทธิ์​อำนาจ​ของ​พระเจ้า เฮา​จะ​มี​จีวิต​อยู่​กับ​พระองค์ เปื้อ​ฮับใจ๊​หมู่​ต้าน

กาลาเทีย 2:20

ตั๋ว​ข้าพเจ้า​นี้​ได้​ถูก​เขิง​อยู่​บน​ไม้​ก๋าง​เขน​​ตวย​พระคริสต์ กับ​ได้​ต๋าย​ไป​แล้ว บ่าเดี่ยว​นี้​พระเยซู​ก็​อยู่​ใน​ตั๋ว​ของ​ข้าพเจ้า ข้าพเจ้า​ใจ๊​จีวิต​ต่อ​ไป​โดย​ก๋าน​เจื้อ​วางใจ๋​ใน​พระคริสต์ ผู้​เซิ่ง​เป๋น​พระบุตร​ของ​พระเจ้า พระองค์​ฮัก​ข้าพเจ้า​กับ​ได้​สละ​จีวิต​เปื้อ​ข้าพเจ้า

โคโลสี 3:3

ย้อน​ว่า​ต้าน​ได้​ต๋าย​จาก​สันดาน​บาป​แล้ว จีวิต​ใหม่​ตี้​ต้าน​ได้ฮับ​ก็​ได้​ซ่อน​ไว้​กับ​พระคริสต์​ใน​พระเจ้า

ฮีบรู 1:3

พระบุตร​สำแดง​หื้อ​หัน​รัศมี​ของ​พระเจ้า กับ​เป๋น​ปิม​เดียว​กั๋น​กับ​พระเจ้า พระบุตร​ก๊ำจู​กู้​อย่าง​โดย​กำ​อู้​ตี้​มี​ฤทธิ์​อำนาจ​ของ​พระองค์ เมื่อ​พระบุตร​ได้​ล้าง​บาป​หื้อ​คน​ตังหลาย​แล้ว พระองค์​ก็​ได้​นั่ง​ตัง​ขวา​มือ​ของ​พระเจ้า​ผู้​ตี้​ยิ่งใหญ่​ตี้​สุด​ใน​สวรรค์

ฮีบรู 12:2

หื้อ​ตั้ง​ต๋า​ผ่อ​ไป​ตี้​พระเยซู​ผู้​นำ​ตาง​ความ​เจื้อ​กับ​เยียะ​หื้อ​ความ​เจื้อ​นั้น​สมบูรณ์ พระองค์​อดทน​ต่อ​ความ​ตุ๊ก​ทรมาน​บน​ไม้​ก๋าง​เขน เปื้อ​ความ​จื้นจม​ยินดี​ตี้​อยู่​ต่อหน้า​พระองค์ โดย​บ่กึ๊ด​ว่า​ก๋าน​ต๋าย​บน​ไม้​ก๋าง​เขน​เป๋น​สิ่ง​น่า​อาย แล้ว​บ่าเดี่ยว​นี้​พระองค์​นั่ง​อยู่​ตัง​ขวา​บัลลังก์​ของ​พระเจ้า​แล้ว

ฮีบรู 7:16

เซิ่ง​ผู้​ตี้​ได้​เป๋น​ปุโรหิต​นี้​นั้น​บ่ได้ฮับ​ก๋าน​แต่งตั้ง​ต๋าม​บท​บัญญัติ​เรื่อง​เจื๊อสาย แต่​ได้ฮับ​ก๋าน​แต่งตั้ง​โดย​ฤทธิ์​อำนาจ​ของ​จีวิต​ตี้​บ่เสี้ยง​สุด​เลย

ฮีบรู 7:25

พระเยซู​จึง​สามารถ​จ้วย​จีวิต​หมู่​คน​ตี้​มา​หา​พระเจ้า​โดย​ตาง​พระองค์​อย่าง​สมบูรณ์ ย้อน​พระเยซู​ยัง​มี​จีวิต​อยู่​ตลอด​เปื้อ​อ้อนวอน​พระเจ้า​เผื่อ​หมู่​เขา

วิวรณ์ 10:6

แล้ว​สาบาน​โดย​อ้าง​เถิง​พระองค์​ผู้​มี​จีวิต​อยู่​ตลอดไป ผู้​สร้าง ฟ้า​สวรรค์ แผ่นดิน​โลก ทะเล กับ​กู้​สิ่ง​กู้​อย่าง​ตี้​อยู่​ใน​นั้น​ตวย ทูตสวรรค์​สาบาน​ว่า “พระเจ้า​จะ​บ่จ๊า​แหม​ต่อ​ไป​แล้ว​ตี้​จะ​เยียะ​ต๋าม​แผน​ของ​พระองค์”

วิวรณ์ 15:7

สิ่ง​มี​จีวิต​ต๋น​นึ่ง​ใน​สี่​ต๋น​นั้น​ได้​เอา​สลุง​คำ​เจ็ด​แก่น มอบ​หื้อ​ทูตสวรรค์​เจ็ด​องค์​นั้น สลุง​คำ​นั้น​มี​ความ​โขด​ของ​พระเจ้า​ผู้​มี​จีวิต​อยู่​ตลอด​ไป ใส่​เอา​ไว้​เต๋ม​ไป​หมด

วิวรณ์ 2:8

“หื้อ​เขียน​เถิง​ทูตสวรรค์​ของ​คริสตจักร​ใน​เมือง​สเมอร์นา​ว่า “พระองค์​ตี้​เป๋น​เก๊า​กับ​เป๋น​ป๋าย ผู้​ตี้​เกย​ต๋าย​กับ​ปิ๊ก​เป๋น​ขึ้น​มา​ใหม่​อู้​ว่า

วิวรณ์ 20:13

คน​ตังหลาย​ตี้​ต๋าย​อยู่​ใน​ทะเล​ก็​ขึ้น​มา ความ​ต๋าย​กับ​แดน​คน​ต๋าย​ก็​ได้​ส่ง​คน​ตังหลาย​ตี้​อยู่​ตี้​หั้น​ขึ้น​มา​เหมือน​กั๋น หมู่​คน​ต๋าย​กู้​คน​ได้ฮับ​ก๋าน​ตัดสิน​ต๋าม​สิ่ง​ตี้​หมู่​เขา​ได้​เยียะ​ลง​ไป

วิวรณ์ 20:14

หลังจาก​นั้น​ความ​ต๋าย​กับ​แดน​คน​ต๋าย​ก็​ถูก​ก๋ำ​โจ้ง​ลง​สู่​บึง​ไฟ บึง​ไฟ​นี้​ละ​คือ​ความ​ต๋าย​เตื้อ​สุดต๊าย

วิวรณ์ 3:7

“หื้อ​เขียน​เถิง​ทูตสวรรค์​ของ​คริสตจักร​ใน​เมือง​ฟิลาเดลเฟีย​ว่า “พระองค์​ผู้​บริสุทธิ์​ซื่อสัตย์ ตี้​ก๋ำ​ลูก​ขะแจ๋​ของ​กษัตริย์​ดาวิด คือ​ผู้​ตี้​เปิด​ปะตู๋​แล้ว​จะ​บ่มี​ใผ​หับ​ได้ เป๋น​ผู้​ตี้​หับ​ปะตู๋​แล้ว​ก็​บ่มี​ใผ​เปิด​ได้ อู้​ว่า

วิวรณ์ 4:9

เมื่อ​ใด​ตี้​สิ่ง​มี​จีวิต​ตึง​สี่​ต๋น​อู้​กำ​สรรเสริญ ถวาย​เกียรติ กับ​ขอบพระคุณ​พระองค์​ผู้​ตี้​นั่ง​อยู่​บน​บัลลังก์ ผู้​เซิ่ง​มี​จีวิต​อยู่​ตลอด​ไป

วิวรณ์ 5:14

จาก​นั้น​สิ่ง​มี​จีวิต​ตึง​สี่​ต๋น​ก็​อู้​ว่า “อาเมน” แล้ว​ผู้​อาวุโส​ตึง​หมด​ก็​ก้ม​ลง​กราบ​นมัสก๋าน

วิวรณ์ 6:8

แล้ว​ข้าพเจ้า​ก็​หัน​ม้า​สี​ซีด​ตั๋ว​นึ่ง​อยู่​ต่อ​หน้า​ข้าพเจ้า ผู้​ตี้​ขี่​ม้า​ตั๋ว​นี้​มี​จื้อ​ว่า ความ​ต๋าย กับ​แดน​คน​ต๋าย​ก็​ตวย​หลัง​มา​ติดๆ ตึง​สอง​ได้ฮับ​อำนาจ​ตี้​จะ​ฆ่า​นึ่ง​ใน​สี่​ของ​คน​ใน​โลก​นี้​ด้วย​คม​ดาบ ความ​อดอยาก โรคระบาด กับ​หมู่​สัตว์​ฮ้าย​ต่างๆ ตี้​อยู่​บน​แผ่นดิน​โลก

วิวรณ์ 9:1

เมื่อ​ทูตสวรรค์​องค์​ตี้​ห้า​เป่า​แก​ขึ้น ข้าพเจ้า​ก็​หัน​ดาว​แก่น​นึ่ง​ตี้​ได้​ตก​จาก​ต๊องฟ้า​ลง​บน​แผ่นดิน​โลก ดาว​แก่น​นั้น​ได้ฮับ​ลูก​ขะแจ๋​ขุม​ตี้​เลิ็ก​ตี้​สุด