วิวรณ์ 1:16 - พระคริสตธรรมคัมภีร ภาคพันธสัญญาใหม

¹⁶ ใน​มือ​ขวา​ของ​พระองค์​ก๋ำ​ดาว​อยู่​เจ็ด​ดวง มี​ดาบ​สอง​คม​ออก​มา​จาก​ปาก​พระองค์ กับ​หน้า​ของ​พระองค์​เหมือน​กับ​ตะวัน​ตี้​ก่ำลัง​ส่อง​แสง​แจ้ง​ขนาด

วิวรณ์ 1:16 Iomraidhean Croise

มัทธิว 17:2

แล้ว​ตั๋ว​ของ​พระองค์​ก็​เปี่ยน​ไป​ต่อ​หน้า​ต่อ​ต๋า​หมู่​เขา หน้า​ของ​พระองค์​ส่อง​แสง​แจ้ง​เหมือน​ตะวัน เสื้อผ้า​ก็​ขาว​จ๋น​เหลื้อม​มาบๆ

กิจก๋าน 26:13

ข้า​แต่​กษัตริย์ เวลา​ประมาณ​เตี้ยงวัน​ต๋อน​ตี้​ข้าพเจ้า​ก่ำลัง​เตียวตาง​อยู่​นั้น ข้าพเจ้า​ก็​หัน​แสง​แจ้ง​จาก​ต๊องฟ้า​แจ้ง​เหลือ​แสง​ตะวัน ส่อง​ลง​มา​ตี้​ตั๋ว​ข้าพเจ้า​ตึง​คน​ตังหลาย​ตี้​ไป​ตวย​กั๋น​กับ​ข้าพเจ้า

เอเฟซัส 6:17

เอา​ความ​รอด​ป๊น​บาป​โต้ษ​เป๋น​เหมือน​หมวก​เหล็ก​มา​สุบ​หัว กับ​หื้อ​ก๋ำ​ดาบ​ตี้​มา​จาก​พระวิญญาณ​บริสุทธิ์ ดาบ​นั้น​ก็​คือ​ถ้อยกำ​ของ​พระเจ้า

ฮีบรู 4:12

ถ้อยกำ​ของ​พระเจ้า​นั้น​มี​จีวิต เยียะ​หื้อ​เกิด​ผล คม​เหลือ​ดาบ​สอง​คม​กู้​เถี่ยน แตง​จิต​จ๋น​ผด​เถิง​วิญญาณ​ตึง​ข้อต่อ​กระดูก ผด​เถิง​ไข​ใน​กระดูก ตัดสิน​กำกึ๊ด​กับ​ความ​ใค่​ได้​ใน​จิตใจ๋​ได้

วิวรณ์ 1:20

นี่​เป๋น​ความ​หมาย​อัน​เลิ็กลับ​ของ​ดาว​ตึง​เจ็ด​ดวง​ตี้​ต้าน​หัน​ใน​มือ​ขวา​ของ​เฮา กับ​ขา​ตั้ง​โกมไฟ​คำ​ตึง​เจ็ด​อัน ดาว​ตึง​เจ็ด​ดวง​นั้น​หมายเถิง​หมู่​ทูตสวรรค์​ของ​คริสตจักร​ตึง​เจ็ด​แห่ง ขา​ตั้ง​โกมไฟ​ตึง​เจ็ด​อัน​นั้น​ก็​หมายเถิง​คริสตจักร​ตึง​เจ็ด​ตี้​นั้น​ละ

วิวรณ์ 10:1

ข้าพเจ้า​ได้​หัน​ทูตสวรรค์​ตี้​มี​ฤทธิ์​นัก​ขนาด​แหม​องค์​นึ่ง​ลง​มา​จาก​สวรรค์ มี​เมฆ​หุ้ม​ตั๋ว​กับ​มี​ฮุ้ง​อยู่​รอบ​หัว ใบ​หน้า​เหมือน​ตะวัน กับ​มี​ขา​เป๋น​เหมือน​เสา​ต้น​ใหญ่ ตี้​เต๋ม​ไป​ด้วย​เปล๋วไฟ

วิวรณ์ 12:1

หลังจาก​นั้น ก็​มี​หมายสำคัญ​อัน​ยิ่งใหญ่​เกิด​ขึ้น​บน​ต๊องฟ้า คือ​มี​แม่ญิง​คน​นึ่ง​นุ่ง​ตะวัน​เป๋น​เสื้อผ้า มี​เดือน​อยู่​ปื๊น​ตี๋น บน​หัว​ของ​นาง​มี​มงกุฎ​ตี้​เป๋น​ดาว​สิบ​สอง​ดวง

วิวรณ์ 19:15

มี​ดาบ​คม​ขนาด​เถี่ยน​นึ่ง​ออก​มา​จาก​ปาก​ของ​พระองค์ ดาบ​นี้​เอา​ไว้​ใจ๊​ผาบ​จ้าด​ตังหลาย พระองค์​จะ​ใจ๊​คทา​เหล็ก​ปกครอง​คน​หมู่​นั้น พระองค์​จะ​ย่ำ​องุ่น​ใน​บ่อ​ย่ำ​องุ่น​แห่ง​ความ​โขด​ของ​พระเจ้า​ผู้​มี​ฤทธิ์​อำนาจ​สูงสุด

วิวรณ์ 19:21

ผู้​ตี้​ขี่​ม้า​นั้น​ใจ๊​ดาบ​ตี้​ออก​มา​จาก​ปาก​ของ​พระองค์​ฆ่า​หมู่​ก๋องทัพ​นั้น หมู่​นก​ตังหลาย​ก็​กิ๋น​จิ๊น​ของ​คน​หมู่​นั้น​จ๋น​อิ่ม

วิวรณ์ 2:1

“หื้อ​เขียน​เถิง​ทูตสวรรค์​ของ​คริสตจักร​ใน​เมือง​เอเฟซัส​ว่า พระองค์​ผู้​ตี้​ก๋ำ​ดาว​ตึง​เจ็ด​ดวง​ใน​มือ​ขวา กับ​เตียว​อยู่​ก๋าง​ขา​ตั้ง​โกมไฟ​คำ​ตึง​เจ็ด​อัน​อู้​ว่า

วิวรณ์ 2:12

“หื้อ​เขียน​เถิง​ทูตสวรรค์​ของ​คริสตจักร​ใน​เมือง​เปอร์กามัม​ว่า “พระองค์​ผู้​ก๋ำ​ดาบ​สอง​คม​อู้​ว่า

วิวรณ์ 2:16

ย้อน​จาอั้น​หื้อ​กลับใจ๋​จาก​บาป ถ้า​บ่อั้น เฮา​จะ​มา​หา​ต้าน​เวยๆ นี้ แล้ว​จะ​ต่อสู้​กับ​คน​หมู่​นั้น​ด้วย​ดาบ​ตี้​ออก​จาก​ปาก​ของ​เฮา

วิวรณ์ 3:1

“หื้อ​เขียน​เถิง​ทูตสวรรค์​ของ​คริสตจักร​ใน​เมือง​ซาร์ดิส​ว่า “พระองค์​ผู้​ปกครอง​วิญญาณ​ตึง​เจ็ด​ดวง​ตี้​ฮับใจ๊​พระเจ้า​ กับ​มี​ดาว​ตึง​เจ็ด​ดวง พระองค์​อู้​ว่า เฮา​ฮู้​สิ่ง​ตี้​หมู่​ต้าน​เยียะ เฮา​ฮู้​ว่า ใผ​ก็​ถือ​ว่า​หมู่​ต้าน​มี​จีวิต​ตี้​เจื้อ​วางใจ๋​เฮา แต่​แต๊ๆ หมู่​ต้าน​ได้​ต๋าย​แล้ว​ใน​ฝ่าย​วิญญาณ