ฟีลิปปี 3:16 - พระคริสตธรรมคัมภีร ภาคพันธสัญญาใหม

¹⁶ จาใด​ก็​ต๋าม​หื้อ​เฮา​ใจ๊​จีวิต​หื้อ​เข้า​กับ​สิ่ง​ตี้​เฮา​ได้ฮับ​มา​แล้ว

ฟีลิปปี 3:16 Iomraidhean Croise

โรม 12:16

หื้อ​อยู่​ตวย​กั๋น​โดย​เป๋น​น้ำนึ่ง​ใจ๋เดียว​กั๋น บ่ดี​เป๋น​คน​หยิ่ง​จ๋องหอง แต่​หื้อ​เป๋น​คน​ถ่อม​ใจ๋​ลง ยอม​คบ​กับ​คน​มี​ฐานะ​ต่ำ บ่ดี​กึ๊ด​ว่า​ตั๋ว​เก่า​เป๋น​คน​หลวก

โรม 15:5

ขอ​หื้อ​พระเจ้า​ผู้​ตี้​หื้อ​ความ​อดทน​กับ​ก๋ำลังใจ๋ โผด​จ้วย​ต้าน​ตังหลาย​เป๋น​อัน​นึ่ง​อัน​เดียว​กั๋น​ต๋าม​แบบ​อย่าง​พระเยซู​คริสต์

กาลาเทีย 5:7

ตะก่อน​นั้น​หมู่​ต้าน​ก็​ได้​เยียะ​ตวย​กำ​สั่ง​สอน​ของ​พระเยซู​อย่าง​ดี แล้ว​เป๋น​ใผ​ตี้​เยียะ​หื้อ​หมู่​ต้าน​ย้าง​เยียะ​ไป​เหีย บ่หื้อ​หมู่​ต้าน​เยียะ​ตวย​เรื่อง​ตี้​แต๊​จริง​นั้น

กาลาเทีย 6:16

ขอ​หื้อ​สันติสุข​ตึง​ความ​เมตต๋า​กรุณา​ของ​พระเจ้า จง​มี​แก่​คน​ตี้​ใจ๊​จีวิต​ต๋าม​กำ​สอน​นี้ กับ​มี​แก่​คน​ของ​พระเจ้า​เต๊อะ

ฟีลิปปี 1:27

บ่ว่า​จะ​เกิด​อะหยัง​กับ​ข้าพเจ้า ขอ​หื้อ​ต้าน​ตังหลาย​ใจ๊​จีวิต​ฮ่วม​กั๋น​อย่าง​สมควร​กับ​คน​ตี้​ฮับเจื้อ​ข่าวดี​เกี่ยวกับ​พระคริสต์ แล้ว​บ่ว่า​ข้าพเจ้า​จะ​มา​หา​หมู่​ต้าน​กาว่า​บ่มา ก็​จะ​ได้ยิน​ว่า​หมู่​ต้าน​ยัง​ยึดมั่น​เป๋น​น้ำนึ่ง​ใจ๋เดียว​กั๋น กับ​ฮ่วม​ต่อสู้​ด้วย​จิตใจ๋​เดียว​กั๋น เปื้อ​ความ​เจื้อ​ตี้​เกิด​จาก​ข่าวดี​นั้น

ฟีลิปปี 2:2

ก็​ขอ​เยียะ​หื้อ​ข้าพเจ้า​มี​ความ​จื้นจมยินดี​อย่าง​เต๋มตี้​โดย​มี​กำ​กึ๊ด มี​ความ​ฮัก​อย่าง​เดียว​กั๋น​กับ​เป๋น​น้ำ​นึ่ง​ใจ๋​เดียว​กั๋น

ฟีลิปปี 4:2

ข้าพเจ้า​ขอ​วิงวอน​นาง​ยูโอเดีย​กับ​นาง​สินทิเค​หื้อ​เป๋น​น้ำนึ่ง​ใจ๋เดียว​กั๋น ย้อน​เป๋น​คน​ของ​องค์​พระ​ผู้​เป๋น​เจ้า​ตวย​กั๋น

โคโลสี 2:6

ย้อน​ว่า​ต้าน​ได้​ยอมฮับ​พระเยซู​คริสต์​เป๋น​องค์​พระ​ผู้​เป๋น​เจ้า​แล้ว ก็​ขอ​หื้อ​ต้าน​ใจ๊​จีวิต​เป๋น​อัน​นึ่ง​อัน​เดียว​กั๋น​กับ​พระเยซู​คริสต์​ต่อไป

โคโลสี 4:2

หื้อ​เอา​แต๊​เอา​ว่า​ใน​ก๋าน​อธิษฐาน หื้อ​อธิษฐาน​อย่าง​ตื่น​ตั๋ว​อยู่​เสมอ​กับ​มี​ใจ๋​ขอบพระคุณ​พระเจ้า

วิวรณ์ 3:3

ย้อน​จาอั้น หื้อ​จดจ๋ำ​กำสอน​ตี้​หมู่​ต้าน​ได้ฮับ​ฟัง​ไว้ หื้อ​เจื้อฟัง​ต๋าม​นั้น​กับ​กลับใจ๋​จาก​บาป​เหีย ถ้า​หมู่​ต้าน​บ่ยอม​ตื่น​ขึ้น​มา เฮา​จะ​มา​หา​หมู่​ต้าน​เหมือน​ขโมย แล้ว​หมู่​ต้าน​จะ​บ่ตัน​ฮู้​ตั๋ว​ว่า​เฮา​จะ​มา​หา​เมื่อ​ใด​เปื้อ​จะ​ลง​โต้ษ​ต้าน