ฟีเลโมน 1:9 - พระคริสตธรรมคัมภีร ภาคพันธสัญญาใหม

⁹ แต่​ข้าพเจ้า​ก็​บ่เยียะ​จาอั้น ย้อน​หัน​แก่​ความ​ฮัก ข้าพเจ้า​ก็​เลย​จะ​อ้อนวอน​ต้าน​ดี​กว่า​ว่า ข้าพเจ้า​เปาโล​คือ​คน​เฒ่า​ตี้​โดน​ขัง​คอก​อยู่​ย้อน​หัน​แก่​พระเยซู​คริสต์

ฟีเลโมน 1:9 Iomraidhean Croise

โรม 12:1

ย้อนจาอั้น​ปี้น้อง​ตังหลาย หื้อ​กึ๊ด​เถิง​ความ​เมตต๋า​ตี้​พระเจ้า​มี​ต่อ​หมู่​เฮา ข้าพเจ้า​ขอ​วิงวอน​หมู่​ต้าน​หื้อ​ถวาย​ตั๋ว​ต่อ​พระเจ้า​เป๋น​เครื่อง​ปู่จา​ตี้​มี​จีวิต​อยู่​กับ​บริสุทธิ์ เป๋น​เครื่องปู่จา​ตี้​พระเจ้า​เปิงใจ๋ อัน​นี้​ละ เป๋น​ก๋าน​นมัสก๋าน​ตี้​หมู่​ต้าน​สมควร​เยียะ

2 โครินธ์ 5:20

จาอั้น​เฮา​จึง​มา​อู้​แตน​พระคริสต์ เหมือน​กับ​ว่า​พระเจ้า​ขอ​หมู่​ต้าน​ผ่าน​ตาง​เฮา เฮา​จึง​ขอ​วิงวอน​หมู่​ต้าน​แตน​พระคริสต์​หื้อ​หมู่​ต้าน​คืนดี​กับ​พระเจ้า​เต๊อะ

2 โครินธ์ 6:1

ใน​ฐานะ​ตี้​เฮา​เยียะ​ก๋าน​ฮ่วม​กับ​พระเจ้า เฮา​จึง​ขอ​วิงวอน​หมู่​ต้าน บ่ดี​หื้อ​พระคุณ​ของ​พระเจ้า​ตี้​ได้ฮับ​มา​นั้น​เสีย​ประโยชน์​ไป​บ่ดายๆ

กาลาเทีย 3:26

หมู่​ต้าน​มี​ความ​เจื้อ​วางใจ๋​ใน​พระเยซู​คริสต์ จาอั้น​หมู่​ต้าน​ก็​เป๋น​ลูก​ของ​พระเจ้า​เหมือน​กั๋น

เอเฟซัส 3:1

จาอั้น ข้าพเจ้า​เปาโล​คน​ตี้​ติด​คอก​ย้อน​ฮับใจ๊​พระเยซู​คริสต์ เปื้อ​หัน​แก่​หมู่​ต้าน​ตี้​เป๋น​คน​ต่างจ้าด

เอเฟซัส 4:1

ข้าพเจ้า​คน​ตี้​โดน​ขัง​คอก​ย้อน​ฮับใจ๊​องค์​พระ​ผู้​เป๋น​เจ้า ขอ​อ้อนวอน​หื้อ​หมู่​ต้าน​ใจ๊​จีวิต​หื้อ​เปิง​กับ​ตี้​พระเจ้า​ได้​ฮ้อง​หมู่​ต้าน​มา​เป๋น​คน​ของ​พระองค์

เอเฟซัส 6:20

ตี้​ข้าพเจ้า​ติด​อยู่​ใน​คอก ก็​ย้อน​เป๋น​ทูต​บอก​ข่าวดี​นี้ ขอ​อธิษฐาน​เผื่อ​ข้าพเจ้า​ตี้​จะ​ก้า​อู้​ต๋าม​ตี้​ข้าพเจ้า​สมควร​จะ​อู้

1 ทิโมธี 1:12

ข้าพเจ้า​ขอบพระคุณ​พระเยซู​คริสต์​องค์​พระผู้เป๋นเจ้า​ของ​หมู่​เฮา ตี้​หื้อ​ข้าพเจ้า​มี​แฮง​เยียะ​ก๋าน ตี้​หัน​ข้าพเจ้า​เป๋น​คน​ซื่อสัตย์ กับ​แต่งตั้ง​ข้าพเจ้า​เป๋น​ผู้​ฮับใจ๊​พระองค์

ทิตัส 2:2

สอน​คน​เฒ่า​ป้อจาย​หื้อ​มี​ความ​ปอ​ดี​ใน​ก๋าน​ใจ๊​จีวิต ตึง​เป๋น​คน​ตี้​น่า​นับถือ มี​สติ​บังคับ​ตั๋ว​เก่า​ได้​ดี ตึง​เป๋น​คน​ตี้​เข้มแข็ง​ใน​ความ​เจื้อ มั่นคง​ใน​ความ​ฮัก กับ​มี​ความ​อดทน

ฮีบรู 13:19

ข้าพเจ้า​อ้อนวอน​ต้าน​แต๊ๆ ว่า หื้อ​อธิษฐาน​เผื่อ​ข้าพเจ้า เปื้อ​ข้าพเจ้า​จะ​ได้​ปิ๊ก​มา​หา​ต้าน​แหม​เวยๆ นี้

1 เปโตร 2:11

เปื้อนๆ ตี้​ฮัก​เหย ข้าพเจ้า​ขอ​วิงวอน​หมู่​ต้าน​ตี้​เป๋น​เหมือน​คน​ต่างถิ่น​กับ​เป๋น​คน​ต่างด้าว​ของ​โลก​นี้ หื้อ​ต้าน​หนี​จาก​กิเลส​ตั๋ณหา​ของ​เนื้อหนัง​ตี้​ต่อ​สู้​กั๋น​กับ​จิต​วิญญาณ​ของ​ต้าน​หื้อ​ได้