มาระโก 9:26 - พระคริสตธรรมคัมภีร ภาคพันธสัญญาใหม

²⁶ ผี​นั้น​ก็​ไห้ๆ หุยๆ เยียะ​หละอ่อน​คน​นั้น​ดิ้นโจ้ง​ดิ้นจ้าง​อยู่​สัก​กำ​นึ่ง​แล้ว​ก็​ออก​ไป หละอ่อน​ก็​นอน​หนิมผิ้ว​เหมือน​คน​ต๋าย แล้ว​คน​ตังหลาย​ก็​อู้​กั๋น​ว่า “เขา​ต๋าย​แล้ว”

มาระโก 9:26 Iomraidhean Croise

มัทธิว 15:22

มี​แม่ญิง​จาว​คานาอัน​คน​นึ่ง​ตี้​อยู่​ต๋ำ​หมู่​หั้น​เข้า​มา​เอิ้น​ฮ้อง​พระเยซู​ว่า “พระองค์​เจ้า​ข้า ต้าน​ผู้​เป๋น​บุตร​ของ​กษัตริย์​ดาวิด ขอ​โผด​อินดู​ข้าเจ้า​พ่อง​เต๊อะ ลูกสาว​ของ​ข้าเจ้า​โดน​ผี​เข้า เป๋น​ตุ๊ก​ทรมาน​ขนาด”

มาระโก 1:26

ผี​ฮ้าย​ก็​เยียะ​หื้อ​ป้อจาย​คน​นั้น​ดิ้น​โจ่ง​ดิ้น​จ่าง​กับ​ฮ้อง​เสียง​ดัง แล้ว​ก็​ออก​จาก​ตั๋ว​เขา​ไป

มาระโก 9:18

ผี​ออก​ฤทธิ์​เมื่อใด จะ​เยียะ​หละอ่อน​คน​นี้​โก้น​ลง​ดิน น้ำลาย​ออก​เต๋ม​ปาก​โจ๊ะโฟ๊ะ ขบ​เขี้ยว​ขบ​กาง​มั่นตึ้ง กับ​ตั๋ว​แข็ง​เกิ็กเดิ็ก ข้าพเจ้า​ขอ​หมู่​สาวก​ของ​ต้าน​ไล่​ผี​นั้น​ออก แต่​หมู่​เขา​ไล่​มัน​ออก​บ่ได้”

มาระโก 9:20

หมู่​เขา​ก็​ปา​หละอ่อน​มา​หา​พระองค์ เมื่อ​ผี​หัน​พระองค์ ก็​เยียะ​หื้อ​หละอ่อน​จั๊ก แล้ว​โก้น​ลง​กิ้ง​ไป​มา​บน​ปื๊น​ดิน กับ​น้ำลาย​ออก​เต๋ม​ปาก​โจ๊ะโฟ๊ะ

มาระโก 9:25

เมื่อ​พระเยซู​หัน​หลาย​คน​ปา​กั๋น​ล่น​เข้า​มา​หา​นัก​ขึ้น พระองค์​ก็​สั่ง​ผี​ฮ้าย​ตั๋ว​นั้น​ว่า “ไอ่​ผี​ตี้​เยียะ​หื้อ​หู​หนวก​อู้​บ่ได้ เฮา​สั่ง​หื้อ​เจ้า​ออก​จาก​หละอ่อน​คน​นี้ ห้าม​ปิ๊ก​มา​เข้า​เขา​แหม​ซ้ำ​เน่อ”

มาระโก 9:27

แต่​พระเยซู​ก๋ำ​มือ​ของ​หละอ่อน​คน​นั้น​จั๊ก​หื้อ​ลุก​ขึ้น หละอ่อน​คน​นั้น​ก็​ลุก​ขึ้น​ยืน

วิวรณ์ 12:12

ย้อน​จาอี้ ขอ​หื้อ​สวรรค์ กับ​ผู้​ตี้​อยู่​บน​สวรรค์​นั้น​จง​จื้นจมยินดี​เต๊อะ แต่​หมู่​เจ้า​ตี้​อยู่​ใน​โลก​กับ​ใน​ทะเล​จะ​ปะ​กับ​ความ​ฉิบหาย ย้อน​มาร​ได้​ลง​มา​หา​หมู่​เจ้า​ด้วย​ความ​แค้น​ขนาด​หนัก ย้อน​ฮู้​ว่า​เวลา​ของ​มัน​มี​หน้อย​นักแก​แล้ว”