มาระโก 9:18 - พระคริสตธรรมคัมภีร ภาคพันธสัญญาใหม

¹⁸ ผี​ออก​ฤทธิ์​เมื่อใด จะ​เยียะ​หละอ่อน​คน​นี้​โก้น​ลง​ดิน น้ำลาย​ออก​เต๋ม​ปาก​โจ๊ะโฟ๊ะ ขบ​เขี้ยว​ขบ​กาง​มั่นตึ้ง กับ​ตั๋ว​แข็ง​เกิ็กเดิ็ก ข้าพเจ้า​ขอ​หมู่​สาวก​ของ​ต้าน​ไล่​ผี​นั้น​ออก แต่​หมู่​เขา​ไล่​มัน​ออก​บ่ได้”

มาระโก 9:18 Iomraidhean Croise

มัทธิว 15:22

มี​แม่ญิง​จาว​คานาอัน​คน​นึ่ง​ตี้​อยู่​ต๋ำ​หมู่​หั้น​เข้า​มา​เอิ้น​ฮ้อง​พระเยซู​ว่า “พระองค์​เจ้า​ข้า ต้าน​ผู้​เป๋น​บุตร​ของ​กษัตริย์​ดาวิด ขอ​โผด​อินดู​ข้าเจ้า​พ่อง​เต๊อะ ลูกสาว​ของ​ข้าเจ้า​โดน​ผี​เข้า เป๋น​ตุ๊ก​ทรมาน​ขนาด”

มัทธิว 17:16

ข้าพเจ้า​เกย​ปา​ลูกบ่าว​คน​นี้​มา​หา​หมู่​สาวก​ของ​พระองค์ แต่​หมู่​เขา​ฮักษา​หื้อ​หาย​บ่ได้”

มัทธิว 8:12

แต่​คน​ตี้​น่า​จะ​ได้​เข้า​ไป​อยู่​ใน​แผ่นดิน​นั้น จะ​ต้อง​ถูก​ไล่​เหิบ​ออก​ไป​อยู่​ใน​ตี้​มืด ตี้​มี​เสียง​คน​ไห้​หุย​ขบ​เขี้ยว​เกี๊ยว​กาง​อย่าง​เจ็บ​ปวด”

มาระโก 11:23

เฮา​บอก​ความ​จริง​แก่​ต้าน​ตังหลาย​ว่า ถ้า​ใผ​คน​ใด​จะ​สั่ง​ดอย​ม่อน​นี้​ว่า ‘จง​ย้าย​ลง​ไป​ใน​ทะเล​เหีย’ โดย​บ่สงสัย​เลย แต่​เจื้อ​ว่า​จะ​เป๋น​ต๋าม​ตี้​สั่ง​นั้น ก็​จะ​เป๋น​ไป​จาอั้น

มาระโก 9:17

มี​ป้อจาย​คน​นึ่ง​ใน​คน​ตังหลาย​นั้น​ตอบ​พระองค์​ว่า “อาจ๋ารย์​ครับ ข้าพเจ้า​ปา​ลูก​บ่าว​มา​หา​อาจ๋ารย์ เขา​มี​ผี​เข้า​เยียะ​หื้อ​อู้​บ่ได้

มาระโก 9:19

พระเยซู​ตอบ​ว่า “เฮ่อ หมู่​คน​บ่มี​ความ​เจื้อ เฮา​จะ​ต้อง​อยู่​กับ​หมู่​สู​ไป​แหม​เมิน​สัก​เต้าใด เฮา​จะ​ต้อง​อดทน​กับ​หมู่​สู​ไป​แผว​ไหน ปา​หละอ่อน​คน​นั้น​มา​นี่​แล่”

มาระโก 9:20

หมู่​เขา​ก็​ปา​หละอ่อน​มา​หา​พระองค์ เมื่อ​ผี​หัน​พระองค์ ก็​เยียะ​หื้อ​หละอ่อน​จั๊ก แล้ว​โก้น​ลง​กิ้ง​ไป​มา​บน​ปื๊น​ดิน กับ​น้ำลาย​ออก​เต๋ม​ปาก​โจ๊ะโฟ๊ะ

มาระโก 9:26

ผี​นั้น​ก็​ไห้ๆ หุยๆ เยียะ​หละอ่อน​คน​นั้น​ดิ้นโจ้ง​ดิ้นจ้าง​อยู่​สัก​กำ​นึ่ง​แล้ว​ก็​ออก​ไป หละอ่อน​ก็​นอน​หนิมผิ้ว​เหมือน​คน​ต๋าย แล้ว​คน​ตังหลาย​ก็​อู้​กั๋น​ว่า “เขา​ต๋าย​แล้ว”

กิจก๋าน 7:54

เมื่อ​ผู้นำ​จาว​ยิว​ได้ยิน​จาอั้น​ก็​ปา​กั๋น​โขด​ยั้น​เขี้ยว​หยั้น​กาง​เข้า​ใส่​สเทเฟน

ยูดา 1:13

หมู่​เขา​เป๋น​เหมือน​คลื่น​แฮง​ใน​ทะเล​ตี้​ซัด​เอา​สิ่ง​ตี้​น่า​ละอาย​ของ​ตั๋ว​ขึ้น​มา​เหมือน​ฟอง เป๋น​เหมือน​ดาว​ตี้​หลุด​ออก​จาก​หมู่ พระเจ้า​ได้​เกียม​ตี้​ตี้​มืด​ตึ๊ก​ตี้​บ่มี​วัน​เสี้ยง​สุด​หื้อ​หมู่​เขา​ไว้​แล้ว