มาระโก 7:21 - พระคริสตธรรมคัมภีร ภาคพันธสัญญาใหม

²¹ ย้อน​ว่า​สิ่ง​ตี้​ออก​มา​จาก​จิตใจ๋​ของ​คน​คือ​ก๋าน​กึ๊ด​ฮ้าย ก๋าน​ลัก​ของ ก๋าน​ฆ่า​คน ก๋าน​เยียะ​บาป​ตาง​เพศ​กู้​อย่าง

มาระโก 7:21 Iomraidhean Croise

มัทธิว 15:19

ย้อน​ว่า​ก๋าน​กึ๊ด​ฮ้าย ก๋าน​ฆ่า​คน ก๋าน​เล่น​จู๊ ก๋าน​เยียะ​บาป​ตาง​เพศ​กู้​อย่าง ก๋าน​ลัก​ของ ก๋าน​ขี้​จุ ก๋าน​ใส่​ฮ้าย​คน​อื่น​ก็​ออก​มา​จาก​จิตใจ๋​ของ​คน

มัทธิว 9:4

พระเยซู​ฮู้​กำกึ๊ด​ใน​ใจ๋​ของ​หมู่​เขา ก็​ถาม​ว่า “เป๋น​จาใด​หมู่​ต้าน​จึง​กึ๊ด​บ่ดี​ใน​ใจ๋​จาอี้

มาระโก 7:20

พระองค์​ก็​อู้​ต่อ​แหม​ว่า “สิ่ง​ตี้​ออก​มา​จาก​จิตใจ๋​ของ​คน​นั้น​ละ​เยียะ​หื้อ​คน​เป๋น​มลทิน

มาระโก 7:22

ก๋าน​เล่น​จู๊ ก๋าน​ขี้โลภ ก๋าน​เยียะ​ฮ้าย ก๋าน​หลอกลวง ราคะ​ตั๋ณหา ความ​อิจฉา​ขอย​ยวน ก๋าน​ใส่​ฮ้าย​คน​อื่น ความ​หยิ่ง​จ๋องหอง กับ​ก๋าน​เป๋น​คน​บ่มี​สำนึก​ใน​ตาง​ธรรม

ลูก๋า 16:15

พระเยซู​อู้​กับ​หมู่​เขา​ว่า “เจ้า​ตังหลาย​แต่ง​เป๋น​คน​ถูกต้อง​ต๋าม​ธรรม​ต่อหน้า​คน แต่​พระเจ้า​ฮู้​ใจ๋​ของ​ต้าน​ตังหลาย​ดี สิ่ง​ตี้​คน​หัน​ว่า​มี​ก้า​กับ​น่า​นับถือ สำหรับ​พระเจ้า​นั้น​หัน​ว่า​เป๋น​สิ่ง​ตี้​น่า​จัง

กิจก๋าน 5:4

ตี้ดิน​นั้น​ก็​เป๋น​ของ​เจ้า​อยู่​แล้ว​ก่อน​ตี้​จะ​ขาย​บ่ใจ้​กา หลังจาก​ตี้​ขาย​แล้ว เงิน​นั้น​ก็​ยัง​เป๋น​สิทธิ์​ของ​เจ้า​บ่ใจ้​กา แล้ว​เป๋น​จาใด​เจ้า​กึ๊ด​เยียะ​จาอี้ เจ้า​บ่ได้​จุล่าย​ต่อ​หมู่​เฮา​นา แต่​ก่ำลัง​จุล่าย​ต่อ​พระเจ้า​เน่อ”

กิจก๋าน 8:22

ย้อนจาอั้น​จง​กลับใจ๋​จาก​บาป จาก​ความ​บ่ดี​จาอี้ แล้ว​อธิษฐาน​ต่อ​องค์​พระ​ผู้​เป๋น​เจ้า หวัง​ว่า​พระองค์​อาจ​จะ​ยกโต้ษ​กำกึ๊ด​ตี้​อยู่​ใน​ใจ๋​ของ​สู​ก็​ได้

โรม 7:5

ตะก่อน​ต๋อน​หมู่​เฮา​ใจ๊​จีวิต​ต๋าม​สันดาน​บาป บท​บัญญัติ​ก็​กระตุ้น​ตั๋ณหา​ตี้​อยู่​ใน​ตั๋ว​หื้อ​เยียะ​สิ่ง​บ่ดี เซิ่ง​จะ​นำ​หมู่​เฮา​ไป​เถิง​ความ​ต๋าย

โรม 7:8

แต่​บาป​ก็​ฉวย​โอกาส​ใจ๊​บท​บัญญัติ​ข้อ​นั้น​กระตุ้น​หื้อ​เกิด​ความ​โลภ​กู้​อย่าง​ใน​ตั๋ว​ข้าพเจ้า ย้อน​ว่า​ถ้า​บ่มี​บท​บัญญัติ บาป​ก็​บ่มี​อำนาจ

โคโลสี 3:5

ย้อน​จาอั้น​หื้อ​ก๋ำจัด​สันดาน​บาป​ใน​ตั๋ว​ต้าน​เหีย ยก​ตั๋วอย่าง ก๋าน​เยียะ​บาป​ตาง​เพศ ลามก ตั๋ณหา เรื่อง​บ่ดี​ต่างๆ กับ​ความ​โลภ​เซิ่ง​เป๋น​เหมือน​ก๋าน​นับถือ​ฮูป​เคารพ

ทิตัส 3:3

เมื่อ​ตะก่อน​เฮา​ก็​เกย​เป๋น​คน​บ่หลวก บ่เจื้อฟัง กับ​หลงผิด ตก​เป๋น​ขี้ข้า​ของ​ตั๋ณหา​กับ​ก๋าน​ม่วน​งัน​สัน​เล้า จีวิต​มี​ก้า​เรื่อง​ขอย​กั๋น ตึง​ความ​บ่ดี​เต๋ม​ไป​หมด เฮา​จัง​คน​อื่น คน​อื่น​จัง​เฮา​ตวย

ยากอบ 2:4

ถ้า​เป๋น​จาอั้น หมู่​ต้าน​ก็​แบ่ง​จั๊น​วรรณะ​กั๋น​ใน​หมู่​ของ​ต้าน​เอง กับ​ตัดสิน​คน​อื่น​โดย​ใจ๊​กำ​กึ๊ด​ตี้​บ่ดี​ของ​ตั๋ว