มาระโก 3:7 - พระคริสตธรรมคัมภีร ภาคพันธสัญญาใหม

⁷ พระเยซู​ไป​ทะเลสาบ​กาลิลี​กับ​หมู่​สาวก แล้ว​มี​คน​นัก​ขนาด​ตวย​พระองค์​ไป ตึง​คน​ตี้​มา​จาก​แคว้น​กาลิลี แคว้น​ยูเดีย

มาระโก 3:7 Iomraidhean Croise

มัทธิว 10:23

ถ้า​เขา​ค่ำเข​ต้าน​ใน​เมือง​นี้ ก็​หื้อ​หนี​ไป​เมือง​ปู๊น เฮา​บอก​ความ​จริง​แก่​ต้าน​ว่า ก่อน​ตี้​หมู่​ต้าน​จะ​ไป​เยียะ​ก๋าน​หื้อ​แล้ว​จ๋น​ใคว่​กู้​เมือง​ของ​จาว​อิสราเอล บุตรมนุษย์​จะ​มา​แผว​ก่อน

มัทธิว 12:15

แต่​พระเยซู​ฮู้​ตั๋ว​เหีย​ก่อน​ว่า​หมู่​เขา​วางแผน​จะ​เยียะ​อะหยัง ก็​เลย​ออก​ไป​จาก​ตี้​หั้น มี​คน​เป๋น​จ๋ำนวน​นัก​ตวย​พระองค์​ไป พระองค์​ก็​ได้​ฮักษา​คน​ป่วย​หื้อ​หาย​กู้​คน

มัทธิว 12:16

พระเยซู​สั่ง​ห้าม​คน​หมู่​นั้น บ่หื้อ​บอก​คน​อื่น​ว่า พระองค์​เป๋น​ใผ

มัทธิว 4:25

พระเยซู​ไป​ตัง​ใด คน​จ๋ำนวน​นัก​ก็​ตวย​พระองค์​ไป มี​ตึง​คน​ตี้​มา​จาก​แคว้น​กาลิลี แคว้น​ทศบุรี กรุง​เยรูซาเล็ม แคว้น​ยูเดีย ตึง​ดินแดน​ตัง​วันออก​ของ​แม่น้ำ​จอร์แดน​ตวย

มาระโก 1:39

พระองค์​ก็​เตียว​ตาง​ไป​ใคว่​แคว้น​กาลิลี เตสนา​สั่ง​สอน​ต๋าม​ธรรมศาลา​ของ​จาว​ยิว แล้ว​ขับ​ไล่​ผี​แหม​หลาย​ตั๋ว​ออก​ไป​จาก​หลาย​คน​ตวย

มาระโก 1:45

แต่​เมื่อ​ป้อจาย​คน​นี้​ออก​ไป​แล้ว ก็​เล่า​หื้อ​คน​ตังหลาย​ฟัง​จ๋น​ฮู้​กั๋น​ไป​ใคว่​หมด เยียะ​หื้อ​พระเยซู​เข้า​ไป​ใน​เมือง​อย่าง​เปิดเผย​บ่ได้ พระองค์​ก็​ต้อง​หลบ​อยู่​นอก​เมือง แต่​ก็​ยัง​มี​คน​นัก​ขนาด​จาก​กู้​หน​กู้​แห่ง​หลั่งไหล​มา​หา​พระองค์

มาระโก 3:20

จาก​นั้น​พระองค์​ก็​ปิ๊ก​บ้าน มี​หมู่​คน​มา​ยืนออ​กั๋น​อยู่​ตี้​บ้าน​หั้น​แหม จ๋น​เยียะ​หื้อ​พระเยซู​ตึง​หมู่​สาวก​สิบ​สอง​คน​บ่มี​เวลา​กิ๋น​ข้าว​กิ๋น​น้ำ

มาระโก 4:1

พระเยซู​สั่ง​สอน​ตี้​ฮิม​ทะเลสาบ​แหม มี​คน​จ๋ำนวน​นัก​ปา​กั๋น​มา​หลุ้ม​พระองค์ พระองค์​ก็​ลง​ไป​นั่ง​อยู่​ใน​เฮือ​ลอย​ฮิม​ฝั่ง ส่วน​คน​ตังหลาย​ยืน​ฟัง​อยู่​บน​ต๋าฝั่ง

ลูก๋า 23:5

หมู่​เขา​ซ้ำ​ยืนยัน​อย่าง​แข็งขัน​ว่า “คน​นี้​สุ่ย​จาว​เมือง​หื้อ​วุ่นวาย​โดย​กำสอน​ของ​เขา​ไป​ใคว่​แคว้น​ยูเดีย ตั้งเก๊า​ตี้​แคว้น​กาลิลี​ก่อน​แล้ว​จ๋น​มา​เถิง​ตี้​นี่”

ลูก๋า 6:12

ต๋อน​นั้น​พระเยซู​ขึ้น​ไป​บน​ดอย​ม่อน​นึ่ง​เปื้อ​อธิษฐาน แล้ว​ได้​อธิษฐาน​ต่อ​พระเจ้า​คืน​ฮุ่ง

ลูก๋า 6:17

แล้ว​พระเยซู​กับ​หมู่​อัคร​สาวก​ก็​ลง​มา​ยืน​ใน​ตี้​เปียง​แห่ง​นึ่ง พร้อม​ตึง​หมู่​สาวก​ของ​พระองค์​กับ​แหม​หลาย​คน​ตี้​มา​จาก​ใคว่​แคว้น​ยูเดีย กรุง​เยรูซาเล็ม กับ​เมือง​ต่างๆ ฮิม​ฝั่ง​ทะเล​คือ​เมือง​ไทระ​กับ​เมือง​ไซดอน เปื้อ​จะ​ฟัง​พระองค์

ยอห์น 7:41

บาง​คน​ก็​อู้​ว่า “เขา​เป๋น​พระคริสต์” บาง​คน​ก็​อู้​ว่า “พระคริสต์​จะ​มา​จาก​แคว้น​กาลิลี​ได้​จาใด

ยอห์น 7:52

หมู่​เขา​ก็​อู้​กับ​นิโคเดมัส​ว่า “ต้าน​ก็​ลุก​แคว้น​กาลิลี​มา​เหมือน​เขา​ตวย​กา ลอง​ไป​เซาะ​ผ่อ​ใน​พระคัมภีร์​ลอ แล้ว​ต้าน​จะ​ฮู้​ว่า บ่มี​ผู้​เป๋น​ปาก​เป๋น​เสียง​แตน​พระเจ้า​ลุก​กาลิลี​มา​เลย”

กิจก๋าน 17:10

เมื่อ​ค่ำ​แล้ว หมู่​ปี้น้อง​ผู้เจื้อ​ก็​ส่ง​เปาโล​กับ​สิลาส​ไป​เมือง​เบโรอา เมื่อ​ต้าน​ตึง​สอง​คน​ไป​เถิง​ตี้​หั้น​แล้ว ก็​เข้า​ไป​ใน​ธรรมศาลา​ของ​จาว​ยิว

กิจก๋าน 17:14

หมู่​ปี้น้อง​ผู้เจื้อ​จึง​ส่ง​เปาโล​ออก​เตียวตาง​ไป​ตี้​ฮิม​ฝั่ง​ทะเล​ตันที แต่​สิลาส​กับ​ทิโมธี​ยัง​อยู่​ตี้​เมือง​เบโรอา​นั้น