มาระโก 16:6 - พระคริสตธรรมคัมภีร ภาคพันธสัญญาใหม

⁶ ป้อจาย​หนุ่ม​คน​นั้น​อู้​กับ​หมู่​เขา​ว่า “บ่ถ้า​ตกใจ๋​เน่อ หมู่​เจ้า​มา​หา​พระเยซู​จาว​เมือง​นาซาเร็ธ​ตี้​ถูก​เขิง​บน​ไม้​ก๋าง​เขน​นั้น​กา พระเจ้า​เยียะ​หื้อ​พระองค์​เป๋น​ขึ้น​จาก​ความ​ต๋าย​แล้ว พระองค์​บ่ได้​อยู่​ตี้​นี่ ผ่อ​ตั๊ด​ตี้​หมู่​เขา​วาง​ศพ​ของ​พระองค์​แหล่

มาระโก 16:6 Iomraidhean Croise

มัทธิว 12:40

คือ​โยนาห์​อยู่​ใน​ต๊อง​ป๋า​ตั๋ว​ใหญ่​เถิง​สาม​วัน​สาม​คืน​จาใด บุตรมนุษย์​ก็​จะ​อยู่​ใต้​ผืน​แผ่นดิน​โลก​เป๋น​เวลา​สาม​วัน​สาม​คืน​จาอั้น​เหมือน​กั๋น

มาระโก 1:24

ฮ้อง​เสียง​ดัง​ว่า “พระเยซู​จาว​นาซาเร็ธ มา​ยุ่ง​กับ​หมู่​เฮา​เยียะ​หยัง ต้าน​จะ​มา​ทำลาย​หมู่​เฮา​กา เฮา​ฮู้​ว่า​ต้าน​เป๋น​ใผ ต้าน​เป๋น​ผู้​บริสุทธิ์​ของ​พระเจ้า”

มาระโก 1:27

คน​ตังหลาย​ก็​ปา​กั๋น​งืด​อู้​กั๋น​ว่า “ปาด​โทะ อะหยัง​เป๋น​ล้ำ​เป๋น​เหลือ​เนียะ ต้อง​เป๋น​กำสอน​ใหม่​แน่ๆ มี​สิทธิ​อำนาจ​แต๊ๆ ขนาด​ต้าน​สั่ง​หื้อ​ผี​ฮ้าย​ออก มัน​ก็​เจื้อฟัง”

มาระโก 10:34

แล้ว​หมู่​คน​ต่างจ้าด​นั้น​ก็​จะ​เยาะเย้ย​ถ่ม​น้ำลาย​ใส่​ต้าน เฆี่ยน​ตี๋​ต้าน แล้ว​ใน​ตี้​สุด​ก็​จะ​ปา​กั๋น​ฆ่า​ต้าน​ต๋าย แต่​พระเจ้า​จะ​เยียะ​หื้อ​ต้าน​เป๋น​ขึ้น​จาก​ความ​ต๋าย​ใน​วัน​ตี้​สาม”

มาระโก 14:33

แล้ว​ก็​ปา​เปโตร ยอห์น​กับ​ยากอบ​ไป​ตวย เวลา​นั้น​พระองค์​เป๋น​ตุ๊ก​หนักใจ๋​ขนาด

มาระโก 9:15

เมื่อ​คน​ตังหลาย​หัน​พระเยซู​เตียว​มา ก็​แปลกใจ๋​กับ​ดีใจ๋ ปา​กั๋น​ล่น​เข้า​มา​ต้อนฮับ​พระองค์

ลูก๋า 24:46

พระองค์​บอก​หมู่​เขา​ว่า “มี​เขียน​ไว้​ว่า จ๋ำเป๋น​ตี้​พระคริสต์​จะ​ต้อง​ทน​ตุ๊ก​ทรมาน​จ๋น​ต๋าย แล้ว​ใน​วัน​ตี้​สาม​จะ​เป๋น​ขึ้น​จาก​ความ​ต๋าย

กิจก๋าน 2:24

แต่​พระเจ้า​เยียะ​หื้อ​พระเยซู​เป๋น​ขึ้น​มา​ใหม่ ก็​ได้​ป๊น​จาก​ความ​เจ็บปวด​จาก​ความ​ต๋าย​เหีย ย้อน​ว่า​ความ​ต๋าย​จะ​ครอบงำ​พระองค์​ไว้​บ่ได้

กิจก๋าน 4:10

ก็​หื้อ​หมู่​ต้าน​กับ​จาว​อิสราเอล​ตังหลาย​ฮู้​ไว้​เต๊อะ​ว่า ป้อจาย​คน​ตี้​ยืน​อยู่​ต่อ​หน้า​ต้าน​ตังหลาย หาย​เป๋น​ปกติ​ด้วย​ฤทธิ์​อำนาจ​ของ​พระเยซู​คริสต์​จาว​นาซาเร็ธ คน​ตี้​หมู่​ต้าน​เอา​ไป​เขิง​ไว้​บน​ไม้​ก๋าง​เขน​จ๋น​ต๋าย แต่​พระเจ้า​เยียะ​หื้อ​เป๋น​ขึ้น​จาก​ความ​ต๋าย