มาระโก 14:41 - พระคริสตธรรมคัมภีร ภาคพันธสัญญาใหม

⁴¹ พระองค์​ก็​เตียว​ปิ๊ก​ไป​อธิษฐาน​แหม​เตื้อ​นึ่ง เมื่อ​ปิ๊ก​มา​หา​หมู่​เขา​เป๋น​เตื้อ​ตี้​สาม จึง​อู้​กับ​หมู่​เขา​ว่า “ยัง​หลับ​หื้อ​หาย​อิด​อยู่​แหม​กา ปอ​แล้ว เถิง​เวลา​ตี้​บุตรมนุษย์​จะ​ถูก​หักหลัง​ยก​หื้อ​หมู่​คน​บาป​แล้ว

มาระโก 14:41 Iomraidhean Croise

มัทธิว 26:2

“หมู่​ต้าน​ก็​ฮู้​แล้ว​ว่า​แหม​สอง​วัน​จะ​เถิง​งาน​ปัสกา​ต๋อน​นั้น​บุตรมนุษย์​จะ​ถูก​ยับ​ส่ง​ไป​หื้อ​ศัตรู๋​เปื้อ​เอา​ไป​เขิง​บน​ไม้​ก๋าง​เขน​จ๋น​ต๋าย”

มาระโก 14:10

แล้ว​ยูดาส​อิสคาริโอท​ตี้​เป๋น​สาวก​คน​นึ่ง​ใน​สิบ​สอง​คน​ของ​พระเยซู ไป​หา​หมู่​หัวหน้า​ปุโรหิต​เปื้อ​จะ​หักหลัง​พระองค์​หื้อ​หมู่​เขา​ยับ

มาระโก 14:18

ต๋อน​ตี้​ก่ำลัง​กิ๋น​อยู่​นั้น พระเยซู​อู้​ว่า “เฮา​บอก​ความ​จริง​แก่​หมู่​ต้าน​ว่า คน​นึ่ง​ใน​หมู่​ต้าน​จะ​หักหลัง​เฮา คน​นั้น​นั่ง​กิ๋น​ข้าว​ตวย​หมู่​เฮา​ตี้​นี้”

มาระโก 14:35

แล้ว​พระองค์​เตียว​ห่าง​ออก​ไป​หน้อย ก็​คุก​เข่า​ลง​ปื๊น​ดิน แล้ว​อธิษฐาน​ขอ​หื้อ​เวลา​แห่ง​ความ​ตุ๊กยาก​นี้ ป๊น​ไป​จาก​พระองค์​เหีย​ถ้า​เป๋น​ไป​ได้

มาระโก 14:40

แล้ว​เตียว​ปิ๊ก​มา​หา​สาวก​สาม​คน​นั้น​แหม ก็​หัน​หมู่​เขา​ยัง​หลับ​อยู่ ย้อน​ว่า​หมู่​เขา​มืน​ต๋า​บ่ขึ้น หมู่​สาวก​ก็​บ่ฮู้​จะ​อู้​อะหยัง​กับ​พระองค์​ดี

มาระโก 14:42

ลุก​ขึ้น​ไป​กั๋น​เต๊อะ คน​ตี้​หักหลัง​เฮา​มา​แผว​แล้ว”

มาระโก 7:9

แล้ว​พระเยซู​อู้​แหม​ว่า “หมู่​ต้าน​เก่ง​ขนาด​ตี้​ปา​กั๋น​หลบ​หลีก​กำสั่ง​ของ​พระเจ้า เปื้อ​เยียะ​ต๋าม​ฮีต​เก่า​ฮอย​เดิม​ของ​ป้ออุ๊ย​แม่หม่อน​ตี้​สอน​ต่อๆ กั๋น​นั้น

มาระโก 9:31

ย้อน​ว่า​ต๋อน​นั้น​พระเยซู​ก่ำลัง​สอน​หมู่​สาวก พระองค์​บอก​หมู่​เขา​ว่า “จะ​มี​คน​หักหลัง​บุตรมนุษย์ แล้ว​มอบ​พระองค์​หื้อ​อยู่​ใน​อำนาจ​ของ​คน แล้ว​หมู่​เขา​จะ​ฆ่า​พระองค์​หื้อ​ต๋าย แต่​เมื่อ​ต๋าย​ได้​สาม​วัน พระองค์​จะ​เป๋น​ขึ้น​จาก​ความ​ต๋าย”

ยอห์น 12:23

พระเยซู​ก็​อู้​ว่า “เถิง​เวลา​แล้ว​ตี้​พระเจ้า​จะ​เยียะ​หื้อ​หัน​เถิง​ความ​ยิ่งใหญ่​ของ​บุตรมนุษย์

ยอห์น 12:27

“บ่าเดี่ยว​นี้​เฮา​ตุ๊ก​อก​ตุ๊ก​ใจ๋​ขนาด จะ​อู้​จาใด​ดี จะ​หื้อ​เฮา​อู้​ว่า ‘พระบิดา​เจ้าข้า ขอ​โผด​จ้วย​ข้า​พระองค์​หื้อ​ป๊น​เวลา​แห่ง​ความ​ตุ๊กยาก​นี้​ตวย​เต๊อะ’ จาอั้น​กา บ่ใจ้ ตี้​เฮา​มา​ใน​โลก​ก็​เปื้อ​เวลา​แห่ง​ความ​ตุ๊กยาก​นี้

ยอห์น 17:1

หลังจาก​พระเยซู​อู้​จาอั้น​แล้ว พระองค์​ก็​แหงน​หน้า​ขึ้น​ผ่อ​ต๊องฟ้า แล้ว​ก็​อู้​ว่า “ข้า​แต่​พระบิดา เถิง​เวลา​แล้ว ขอ​โผด​เยียะ​หื้อ​กู้​คน​หัน​เถิง​ความ​ยิ่งใหญ่​ของ​พระบุตร​ของ​พระองค์ เปื้อ​พระบุตร​ของ​พระองค์​ก็​จะ​ได้​เยียะ​หื้อ​กู้​คน​หัน​เถิง​ความ​ยิ่งใหญ่​ของ​พระองค์

ยอห์น 7:30

หมู่​เขา​ก็​หา​ตาง​จะ​ยับ​พระเยซู แต่​บ่มี​ใผ​ยับ​พระองค์​ได้​ย้อน​บ่เถิง​เวลา​ของ​พระองค์​เตื้อ

ยอห์น 8:20

ต๋อน​ตี้​พระองค์​อู้​เถิง​สิ่ง​หมู่​นี้ พระองค์​ก่ำลัง​สั่ง​สอน​อยู่​ใน​ห้อง​ตั้ง​ตู้​ถวาย​อยู่​ใน​บริเวณ​พระวิหาร แล้ว​บ่มี​ใผ​มา​ยับ​พระองค์ ย้อน​ยัง​บ่เถิง​เวลา​ของ​พระองค์​เตื้อ

กิจก๋าน 7:52

มี​คน​ตี้​เป๋น​ผู้​เป๋น​ปาก​เป๋น​เสียง​แตน​พระเจ้า​คน​ใด​พ่อง​ตี้​ป้ออุ๊ย​แม่หม่อน​ของ​หมู่​ต้าน​บ่ได้​ค่ำ​หือ ส่วน​หมู่​คน​ตี้​ตวายตั๊ก​ก๋าน​มา​ของ​ผู้​ถูกต้อง​ต๋าม​ธรรม​คือ​พระเยซู ป้ออุ๊ย​แม่หม่อน​ก็​ฆ่า​หมู่​คน​นั้น​ต๋าย​ตวย แล้ว​บ่าเดี่ยวนี้​หมู่​ต้าน​หักหลัง​พระเยซู แล้ว​ฆ่า​พระองค์​ต๋าย