มาระโก 10:30 - พระคริสตธรรมคัมภีร ภาคพันธสัญญาใหม

³⁰ คน​นั้น​จะ​ได้​ฮับ​ผล​ตอบ​แตน​ใน​โลก​นี้​เป๋น​ร้อย​เต้า คือ​บ้าน ปี้น้อง ป้อ​แม่ ลูกๆ กาว่า ไฮ่​นา รวม​ตึง​ก๋าน​โดน​ค่ำ​ตวย แต่​ใน​โลก​หน้า​เขา​จะ​ได้​จีวิต​นิรันดร์

มาระโก 10:30 Iomraidhean Croise

มัทธิว 12:32

พระเจ้า​ยัง​จะ​ยกโต้ษ​หื้อ​กับ​คน​ตี้​ด่า​บุตรมนุษย์​ได้ แต่​จะ​ยกโต้ษ​หื้อ​คน​ตี้​ด่า​พระวิญญาณ​บริสุทธิ์​ตึง​บ่ได้ บ่ว่า​บ่าเดี่ยว​นี้​กาว่า​ตลอด​ผด​ไป​แผว​ยุค​หน้า”

มัทธิว 13:8

แต่​มี​บาง​เม็ด​ตก​บน​ดิน​ดี ก็​งอก​งาม​ใหญ่​ขึ้น เกิด​ดอก​ออก​ผล​ร้อย​เต้า​พ่อง หก​สิบ​เต้า​พ่อง สาม​สิบ​เต้า​พ่อง

มัทธิว 6:33

แต่​สิ่ง​ตี้​สำคัญ​ตี้​สุด​สำหรับ​หมู่​ต้าน ก็​คือ​หื้อ​เซาะ​หา​แผ่นดิน​ของ​พระเจ้า​ก่อน กับ​เยียะ​ตวย​ต๋าม​ความ​ต้องก๋าน​ของ​พระเจ้า แล้ว​พระองค์​จะ​เตื่อม​แถ้ง​สิ่ง​ตี้​จ๋ำเป๋น​ตึง​หมด​นี้​กับ​หมู่​ต้าน

ลูก๋า 18:30

ก็​จะ​ได้ฮับ​ผล​ตอบแตน​เป๋น​หลาย​เต้า​ใน​โลก​นี้ กับ​ใน​โลก​หน้า​เขา​จะ​ได้​จีวิต​นิรันดร์”

ยอห์น 10:23

พระเยซู​ก่ำลัง​เตียว​อยู่​ตี้​ระเบียง​นึ่ง​ใน​พระวิหาร​จื้อ ระเบียง​ของ​ซาโลมอน

กิจก๋าน 14:22

เปื้อ​จ้วย​หื้อ​หมู่​ผู้เจื้อ​มี​ความ​เจื้อ​เข้มแข็ง​ขึ้น ตึง​หื้อ​ก๋ำลังใจ๋​ตี้​จะ​เจื้อ​มั่นคง​ต่อไป แล้ว​บอก​หื้อ​เขา​ตังหลาย​ฮู้​ว่า เฮา​ตังหลาย​จ๋ำเป๋น​ต้อง​ทน​ความ​ตุ๊กยาก​ลำบาก​ก่อน​ตี้​จะ​เข้า​ใน​แผ่นดิน​ของ​พระเจ้า​ได้

กิจก๋าน 16:25

ประมาณ​เตี้ยงคืน​เปาโล​กับ​สิลาส​ก่ำลัง​ปา​กั๋น​อธิษฐาน​ฮ้อง​เพลง​สรรเสริญ​พระเจ้า​อยู่​นั้น นักโต้ษ​คน​อื่นๆ ก็​ฟัง​อยู่

กิจก๋าน 5:41

หมู่​อัครทูต​ก็​ออก​จาก​สภา​มา​ด้วย​ความ​ยินดี​ขนาด ย้อน​ว่า​พระเจ้า​หัน​ว่า​หมู่​เขา​มี​ก้า​ปอ​ตี้​จะ​ฮับ​ก๋าน​ดูถูก​ดู​แควน เปื้อ​นาม​ของ​พระเยซู

โรม 5:3

นัก​เหลือ​นั้น​หมู่​เฮา​ก็​จื้นจม​ยินดี​ใน​ความ​ตุ๊ก​ยาก​ลำบาก​ใน​จีวิต ย้อน​หมู่​เฮา​ฮู้​ว่า​ความ​ตุ๊ก​ยาก​ลำบาก​นั้น​สอน​หื้อ​หมู่​เฮา​อดทน

โรม 6:23

ย้อน​ว่า​ก๋าน​เยียะ​บาป​นำ​ไป​สู่​ความ​ต๋าย แต่​สิ่ง​ตี้​พระเจ้า​โผด​หื้อ​บ่ดาย​คือ​จีวิต​นิรันดร์​โดย​ผ่าน​ตาง​พระเยซู​องค์​พระผู้เป๋นเจ้า​ของ​เฮา

2 โครินธ์ 6:10

เฮา​มี​ความ​ตุ๊ก แต่​เฮา​ยัง​ยินดี​อยู่​ตลอด เฮา​เป๋น​คน​ตุ๊ก แต่​ยัง​เยียะ​หื้อ​คน​จ๋ำนวน​นัก​ร่ำรวย เฮา​บ่มี​อะหยัง​เลย แต่​ก็​ยัง​เป๋น​เจ้า​ของ​กู้​สิ่ง​กู้​อย่าง

ฟีลิปปี 3:8

นัก​เหลือ​นั้น​แหม ข้าพเจ้า​หัน​ว่า​ซะป๊ะ​กู้​สิ่ง​บ่มี​ประโยชน์ เมื่อ​เผียบ​กับ​ก๋าน​ตี้​ได้​ฮู้จัก​พระเยซู​คริสต์​องค์​พระผู้เป๋นเจ้า​ของ​ข้าพเจ้า เซิ่ง​มี​ก้า​นัก​เหลือ ข้าพเจ้า​ยอม​ละ​ขว้าง​กู้​อย่าง ย้อน​หันแก่​พระองค์ ข้าพเจ้า​ถือ​ว่า​กู้​อย่าง​นั้น​เป๋น​ขยะ เปื้อ​จะ​ได้​พระคริสต์

2 เธสะโลนิก๋า 2:16

ขอ​หื้อ​องค์​พระเยซู​คริสต์​ของ​เฮา ตึง​พระเจ้า​พระบิดา​ของ​เฮา ผู้​ตี้​ฮัก​เฮา กับ​หื้อ​เฮา​มี​ก๋ำลังใจ๋​ตลอด​ไป ตึง​มี​ความ​หวัง​ตี้​มั่นคง​โดย​พระคุณ​ของ​พระองค์

1 ทิโมธี 4:8

ก๋าน​เฝิ็ก​ตั๋ว​เปื้อ​สุขภาพ​มี​ประโยชน์​อยู่​พ่อง แต่​ก๋าน​เฝิ็ก​จิตวิญญาณ​เปื้อ​ยำเก๋ง​พระเจ้า​มี​ประโยชน์​เต๋มตี้​ใน​จีวิต​บ่าเดี่ยวนี้ ตึง​อนาคต​ต๋าม​ตี้​พระเจ้า​สัญญา​ไว้

1 ทิโมธี 6:6

แต่​คน​ตี้​ยำเก๋ง​พระเจ้า​กับ​ปอใจ๋​เข้าของ​ตี้​มี​อยู่​แล้ว ก็​ถือ​ว่า​มี​คุณค่า​อย่าง​ใหญ่​หลวง

ยากอบ 1:12

พระเจ้า​จะ​ปั๋นปอน​คน​ตี้​อดทน​ต่อ​ก๋าน​ทดลองใจ๋ ย้อน​ว่า​เมื่อ​เขา​ผ่าน​ก๋าน​ทดสอบ​นี้​ได้​แล้ว เขา​ก็​จะ​ได้​ฮับ​มงกุฎ​แห่ง​จีวิต​ตี้​พระเจ้า​สัญญา​ว่า​จะ​หื้อ​กับ​คน​ตี้​ฮัก​พระองค์

ยากอบ 5:11

เฮา​ถือ​ว่า​คน​หมู่​นั้น​ตี้​ได้​อดทน​ก็​เป๋น​สุข ต้าน​ก็​เกย​ได้​ยิน​เรื่อง​ความ​อดทน​ของ​โยบ​แล้ว กับ​ได้​ฮู้​ว่า​พระเจ้า​ได้​หื้อ​อะหยัง​เขา​พ่อง​ต๋อน​บั้นป๋าย​จีวิต​ของ​เขา ตี้​เป๋น​จาอี้​ก็​ย้อน​องค์​พระ​ผู้​เป๋น​เจ้า​มี​ความ​อินดู​เขา กับ​มี​ความ​เมตต๋า​กรุณา

1 ยอห์น 2:25

อัน​นี้​เป๋น​สิ่ง​ตี้​พระเยซู​ได้​สัญญา​ไว้​กับ​หมู่​เฮา คือ​หื้อ​เฮา​มี​จีวิต​นิรันดร์

1 ยอห์น 3:1

ลอง​กึ๊ด​ผ่อ​เต๊อะ พระบิดา​ฮัก​เฮา​นัก​ขนาด​ไหน เถิง​ได้​ฮ้อง​เฮา​ว่า​เป๋น​ลูก​ของ​พระองค์ แล้ว​เฮา​ก็​เป๋น​จาอั้น​แต๊ๆ โลก​บ่ฮู้จัก​เฮา​ก็​ย้อน​ว่า​โลก​บ่ฮู้จัก​พระองค์

วิวรณ์ 2:9

เฮา​ฮู้​ว่า​หมู่​ต้าน​มี​ความ​ตุ๊ก​ลำบาก​กับ​ยากจ๋น แต่​แต๊ๆ แล้ว​หมู่​ต้าน​เป๋น​คน​ร่ำรวย เฮา​ฮู้​ว่า​หมู่​ต้าน​ถูก​ใส่​ฮ้าย​จาก​คน​หมู่​นั้น​ตี้​ฮ้อง​ตั๋ว​เก่า​ว่า​เป๋น​จาว​ยิว​แต่​บ่ได้​เป๋น หมู่​เขา​เป๋น​คน​ของ​ซาต๋าน

วิวรณ์ 3:18

เฮา​แนะนำ​หื้อ​หมู่​ต้าน​ซื้อ​คำ​ตี้​ได้​หลอม​ด้วย​ไฟ​หื้อ​บริสุทธิ์​แล้ว​จาก​เฮา เปื้อ​หมู่​ต้าน​จะ​ได้​ร่ำรวย​แต๊ๆ หื้อ​หมู่​ต้าน​ซื้อ​เสื้อผ้า​สี​ขาว​ไป​ใส่​เปื้อ​จะ​ได้​บ่ต้อง​อาย ย้อน​ป๋วย​ตั๋ว​อยู่ แล้ว​หื้อ​ซื้อ​ยา​มา​ใส่​ต๋า​ของ​หมู่​ต้าน​เปื้อ​จะ​ได้​ผ่อ​หัน