มาระโก 10:21 - พระคริสตธรรมคัมภีร ภาคพันธสัญญาใหม

²¹ พระเยซู​ปัก​ต๋า​ผ่อ​เขา​ก็​ฮู้สึก​ฮัก​เขา​จึง​อู้​ว่า “แต่​ต้าน​ยัง​บ่ได้​เยียะ​แหม​อย่าง​นึ่ง คือ​หื้อ​ไป​ขาย​ของ​กู้​อย่าง​ตี้​ต้าน​มี​อยู่ แล้ว​เอา​สตางค์​ไป​แจก​คน​ตุ๊ก​คน​จ๋น ต้าน​จึง​จะ​มี​สมบัติ​ใน​สวรรค์ แล้ว​ตวย​เฮา​มา​เป๋น​สาวก​ของ​เฮา​เต๊อะ”

มาระโก 10:21 Iomraidhean Croise

มัทธิว 16:24

พระเยซู​ก็​อู้​กับ​หมู่​สาวก​ว่า “ถ้า​ใผ​คน​ใด​ใค่​เป๋น​สาวก​ของ​เฮา ก็​หื้อ​คน​นั้น​ตัด​อก​ตัด​ใจ๋ แบก​ไม้​ก๋าง​เขน​ของ​ตั๋ว​เก่า​แล้ว​ตวย​เฮา​มา

มัทธิว 19:21

พระเยซู​ตอบ​ว่า “ถ้า​ต้าน​ต้องก๋าน​เป๋น​คน​ดี​พร้อม​ใน​สายต๋า​ของ​พระเจ้า ต้าน​จะ​ต้อง​ไป​ขาย​ของ​กู้​อย่าง​ตี้​ต้าน​มี​อยู่ แล้ว​เอา​สตางค์​ไป​แจก​คน​ตุ๊ก​คน​จ๋น ต้าน​จึง​จะ​มี​สมบัติ​ใน​สวรรค์ แล้ว​ตวย​เฮา​มา​เป๋น​สาวก​ของ​เฮา​เต๊อะ”

มาระโก 10:22

เมื่อ​เขา​ได้ยิน​พระเยซู​อู้​จาอั้น หน้า​ของ​เขา​ก็​หมอง​ซ็อกต็อก แล้ว​เตียว​ออก​ไป​ด้วย​ใจ๋​เป๋น​ตุ๊ก ย้อน​ว่า​เขา​รวย​นัก​ขนาด

มาระโก 8:34

แล้ว​พระองค์​ฮ้อง​คน​ตังหลาย​กับ​หมู่​สาวก​เข้า​มา​หา แล้ว​บอก​หมู่​เขา​ว่า “ถ้า​ใผ​คน​ใด​ใค่​เป๋น​สาวก​ของ​เฮา ก็​หื้อ​คน​นั้น​ตัด​อก​ตัด​ใจ๋ แบก​ไม้​ก๋าง​เขน​ของ​ตั๋ว​เก่า แล้ว​ตวย​เฮา​มา

ลูก๋า 10:42

สิ่ง​ตี้​จ๋ำ​เป๋น​มี​สิ่ง​เดียว​เต้าอั้น มารีย์​ได้​เลือก​เอา​สิ่ง​ดี​อัน​นั้น ใผ​จะ​ลู่​เอา​ไป​จาก​เขา​ตึง​บ่ได้”

ลูก๋า 12:33

ต้าน​ตังหลาย​จง​ขาย​ของ​ตี้​มี​อยู่ แล้ว​แจก​หื้อ​คน​ตุ๊ก หื้อ​แป๋ง​ถง​สตางค์​ตี้​บ่มี​วัน​ปุด คือ​มี​ทรัพย์​สมบัติ​ไว้​ใน​สวรรค์​ตี้​บ่ฮู้จัก​หมด ตี้​ขโมย​ก็​บ่เข้า​มา​ใก้ แมง​ก็​บ่มา​ขบ​กิ๋น

ลูก๋า 16:9

“เฮา​บอก​ต้าน​ตังหลาย​ว่า หื้อ​ใจ๊​ทรัพย์​สมบัติ​ตี้​มี​อยู่​ใน​โลก​นี้​จ้วย​คน​อื่น​เปื้อ​หื้อ​เป๋น​เปื้อน​กั๋น เปื้อ​ว่า​เมื่อ​ทรัพย์​สมบัติ​เสี้ยง​แล้ว พระเจ้า​จะ​ต้อนฮับ​ต้าน​เข้า​ใน​สวรรค์

ลูก๋า 18:22

เมื่อ​พระเยซู​ได้ยิน​จาอั้น​ก็​บอก​เขา​ว่า “ต้าน​ยัง​บ่ได้​เยียะ​แหม​อย่าง​นึ่ง​คือ​หื้อ​ไป​ขาย​ของ​กู้​อย่าง​ตี้​ต้าน​มี​อยู่ แล้ว​เอา​สตางค์​ไป​แจก​คน​ตุ๊ก​คน​จ๋น ต้าน​จึง​จะ​มี​สมบัติ​ใน​สวรรค์ แล้ว​ตวย​เฮา​มา​เป๋น​สาวก​ของ​เฮา​เต๊อะ”

ลูก๋า 19:41

เมื่อ​พระองค์​มา​ใก้​จ๋น​หัน​กรุง​เยรูซาเล็ม​อยู่​ตังหน้า พระองค์​ก็​ไห้ ย้อน​อินดู​คน​ใน​เมือง​นั้น

ลูก๋า 9:23

พระองค์​ก็​บอก​หื้อ​คน​ตังหลาย​ว่า “ถ้า​ใผ​คน​ใด​ใค่​เป๋น​สาวก​ของ​เฮา ก็​หื้อ​คน​นั้น​ตัด​อก​ตัด​ใจ๋ แบก​ไม้​ก๋าง​เขน​ของ​ตั๋ว​เก่า แล้ว​ตวย​เฮา​มา​กู้​วัน

ยอห์น 12:26

ใผ​ตี้​ฮับใจ๊​เฮา ก็​ต้อง​ติดต๋าม​หลาม​ตวย​เฮา​มา เฮา​อยู่​ตี้​ไหน ผู้​ฮับใจ๊​ของ​เฮา​ก็​จะ​อยู่​ตี้​หั้น​ตวย ใผ​ตี้​ฮับใจ๊​เฮา พระเจ้า​ก็​จะ​ยกย่อง​คน​นั้น

ยอห์น 16:33

“เฮา​บอก​เรื่อง​หมู่​นี้​กับ​หมู่​ต้าน​ไว้​เปื้อ​สันติสุข​ของ​เฮา​จะ​อยู่​กับ​หมู่​ต้าน ใน​โลก​นี้​ต้าน​จะ​ปะ​ความ​ตุ๊กยาก​ลำบาก แต่​หื้อ​เข้มแข็ง​ไว้​เน่อ ย้อน​ว่า​เฮา​มี​ชัย​เหนือ​โลก​แล้ว”

กิจก๋าน 2:45

หมู่​เขา​ขาย​ตี้ดิน​ตึง​เข้าของ​ต่างๆ เอา​เงิน​มา​ปั๋น​หื้อ​คน​ตี้​มี​ความ​จ๋ำเป๋น

2 โครินธ์ 12:15

ข้าพเจ้า​ก็​ยินดี​แต๊ๆ ตี้​จะ​เสีย​สละ​กู้​สิ่ง​ตี้​ข้าพเจ้า​มี แม้แต่​ตั๋ว​ของ​ข้าพเจ้า ข้าพเจ้า​ก็​หื้อ​กับ​หมู่​ต้าน เมื่อ​ข้าพเจ้า​ฮัก​หมู่​ต้าน​นัก​ขึ้น​จาอี้ หมู่​ต้าน​จะ​ฮัก​ข้าพเจ้า​หน้อย​ลง​กา

2 ทิโมธี 3:12

กู้​คน​ตี้​ใค่​ใจ๊​จีวิต​เยียะ​ตวย​ต๋าม​พระเจ้า​โดย​พระเยซู​คริสต์​นั้น จะ​ต้อง​ถูก​ค่ำ​แน่นอน

ฮีบรู 10:34

ต้าน​ฮ่วม​ตุ๊ก​กับ​คน​ตี้​ติด​คอก กับ​เมื่อ​คน​อื่น​ยึด​ทรัพย์​สมบัติ​ของ​ต้าน​ไป ต้าน​ก็​ยินดี​ยอม​หื้อ ย้อน​ต้าน​ฮู้​ว่า​ต้าน​มี​ทรัพย์​สมบัติ​ตี้​ดี​เหลือ​นั้น กับ​เป๋น​ทรัพย์​สมบัติ​ตี้​อยู่​ได้​ตลอด​ไป

ยากอบ 2:10

ย้อน​ว่า​ใผ​ตี้​ฮักษา​บท​บัญญัติ​ตึงหมด แต่​ผิด​ก้า​ข้อ​เดียว​เต้าอั้น ก็​ถือ​ว่า​เยียะ​ผิด​บท​บัญญัติ​ตึงหมด​ตวย

วิวรณ์ 2:14

แต่​เฮา​มี​ข้อ​ตี้​จะ​ต่อ​ว่า​พ่อง คือ​บาง​คน​ใน​หมู่​ต้าน​ถือ​ต๋าม​กำสอน​ของ​บาลาอัม คน​ตี้​แนะนำ​วิธีก๋าน​หื้อ​บาลาค​จุล่าย​จาว​อิสราเอล​หื้อ​เยียะ​บาป โดย​จุ​หื้อ​กิ๋น​ของกิ๋น​ตี้​เกย​เอา​ไป​ปู่จา​ฮูป​เคารพ​กับ​เยียะ​บาป​ตาง​เพศ

วิวรณ์ 2:20

แต่​เฮา​มี​เรื่อง​ตี้​จะ​ต่อ​ว่า​หมู่​ต้าน คือ​หมู่​ต้าน​อดทน​ฟัง​แม่ญิง​คน​นั้น​ตี้​จื้อ​เยเซเบล​ผู้​ตี้​ยก​ตั๋ว​เก่า​ว่า​เป๋น​ผู้​เป๋น​ปาก​เป๋น​เสียง​แตน​พระเจ้า กำสอน​ของ​นาง​ล่อลวง​ผู้​ฮับใจ๊​ของ​เฮา​หื้อ​เยียะ​บาป​ตาง​เพศ กับ​หื้อ​กิ๋น​ของกิ๋น​ตี้​เกย​เอา​ไป​ปู่จา​ฮูป​เคารพ​แล้ว

วิวรณ์ 2:4

แต่​เฮา​มี​ข้อ​ตี้​จะ​ต่อ​ว่า​พ่อง คือ​หมู่​ต้าน​ฮัก​เฮา​กับ​ฮัก​กั๋น​หน้อย​ลง​เหลือ​เมื่อ​เก๊าหัวที​ตี้​ต้าน​เกย​มี​นั้น