มาระโก 1:27 - พระคริสตธรรมคัมภีร ภาคพันธสัญญาใหม

²⁷ คน​ตังหลาย​ก็​ปา​กั๋น​งืด​อู้​กั๋น​ว่า “ปาด​โทะ อะหยัง​เป๋น​ล้ำ​เป๋น​เหลือ​เนียะ ต้อง​เป๋น​กำสอน​ใหม่​แน่ๆ มี​สิทธิ​อำนาจ​แต๊ๆ ขนาด​ต้าน​สั่ง​หื้อ​ผี​ฮ้าย​ออก มัน​ก็​เจื้อฟัง”

มาระโก 1:27 Iomraidhean Croise

มัทธิว 15:31

จ๋น​คน​ตังหลาย​ปา​กั๋น​งืด​เมื่อ​ได้​หัน​คน​ใบ้​อู้​ได้ คน​พิก๋าน​ก็​หาย คน​ง่อย​ก็​เตียว​ได้ คน​ต๋า​บอด​ก็​ผ่อ​หัน​ได้​แหม คน​ตังหลาย​ก็​ปา​กั๋น​สรรเสริญ​พระเจ้า​ของ​จาว​อิสราเอล

มัทธิว 8:9

ข้าพเจ้า​อยู่​ใต้​วินัย​ของ​ทหาร กับ​มี​ทหาร​อยู่​ใต้​บังคับ​ของ​ข้าพเจ้า​ตวย ข้าพเจ้า​สั่ง​คน​นึ่ง​ว่า ‘ไป’ เขา​ก็​ไป สั่ง​คน​นึ่ง​ว่า ‘มา’ เขา​ก็​มา ข้าพเจ้า​บอก​คน​ฮับใจ๊​ว่า ‘เยียะ​อัน​นี้​เน่อ’ เขา​ก็​เยียะ”

มัทธิว 9:33

เมื่อ​พระเยซู​ไล่​ผี​นั้น​ออก​ไป​แล้ว ป้อจาย​คน​นั้น​ก็​อู้​ได้ คน​ตังหลาย​ก็​งืด ปา​กั๋น​อู้​ว่า “บ่เกย​ฮู้​บ่เกย​หัน​เรื่อง​จาอี้​ใน​ประเทศ​อิสราเอล​มา​ก่อน​สัก​เตื้อ”

มาระโก 1:26

ผี​ฮ้าย​ก็​เยียะ​หื้อ​ป้อจาย​คน​นั้น​ดิ้น​โจ่ง​ดิ้น​จ่าง​กับ​ฮ้อง​เสียง​ดัง แล้ว​ก็​ออก​จาก​ตั๋ว​เขา​ไป

มาระโก 1:28

แล้ว​จื้อ​เสียง​ของ​พระองค์​ก็​โด่ง​ดัง​ไป​เวย​ขนาด มี​คน​อู้​สืบ​กั๋น​ไป​ใคว่​แคว้น​กาลิลี

มาระโก 10:24

หมู่​สาวก​งืด​ใน​กำ​อู้​ของ​พระเยซู แล้ว​พระองค์​อู้​กับ​สาวก​แหม​ว่า “ลูก​เหย คน​จะ​เข้า​ใน​แผ่นดิน​ของ​พระเจ้า​ก็​ยาก​นัก​แก​

มาระโก 10:32

เมื่อ​ก่ำลัง​เตียว​ตาง​ไป​กรุง​เยรูซาเล็ม พระเยซู​เตียว​นำ​หน้า​หมู่​เขา​ไป​ก่อน หมู่​สาวก​ปา​กั๋น​งืด​ใน​ใจ๋ คน​ตี้​เตียว​ตวย​หลัง​ก็​กั๋ว​ขึ้น​มา พระเยซู​ปา​หมู่​สาวก​ตึง​สิบ​สอง​คน​นั้น​ออก​จาก​คน​ตังหลาย​แหม แล้ว​อู้​เรื่อง​เหตุก๋ารณ์​ตี้​จะ​เกิด​ขึ้น​กับ​พระองค์​หื้อ​หมู่​เขา​ฟัง

มาระโก 16:5

หมู่​เขา​เข้า​ไป​ใน​อุโมงค์ ก็​หัน​ป้อจาย​หนุ่ม​คน​นึ่ง​นุ่ง​เสื้อ​คุม​สี​ขาว นั่ง​อยู่​ตัง​เผิก​ขวา หมู่​เขา​ก็​สะดุ้ง​ตกอกตกใจ๋

มาระโก 16:6

ป้อจาย​หนุ่ม​คน​นั้น​อู้​กับ​หมู่​เขา​ว่า “บ่ถ้า​ตกใจ๋​เน่อ หมู่​เจ้า​มา​หา​พระเยซู​จาว​เมือง​นาซาเร็ธ​ตี้​ถูก​เขิง​บน​ไม้​ก๋าง​เขน​นั้น​กา พระเจ้า​เยียะ​หื้อ​พระองค์​เป๋น​ขึ้น​จาก​ความ​ต๋าย​แล้ว พระองค์​บ่ได้​อยู่​ตี้​นี่ ผ่อ​ตั๊ด​ตี้​หมู่​เขา​วาง​ศพ​ของ​พระองค์​แหล่

มาระโก 7:37

คน​ตังหลาย​ก็​ปา​กั๋น​งืด​ขนาด​อู้​กั๋น​ว่า “กู้​สิ่ง​ตี้​พระเยซู​เยียะ​นั้น​ดี​ขนาด พระองค์​เยียะ​หื้อ​คน​หู​หนวก​ได้ยิน เยียะ​หื้อ​คน​ใบ้​อู้​ได้”

ลูก๋า 4:36

คน​ตังหลาย​ก็​ปา​กั๋น​งืด อู้​กั๋น​ว่า “กำ​อู้​ของ​ต้าน​เป๋น​จาใด​หา หยัง​มี​สิทธิ​อำนาจ​สั่ง​หื้อ​ผี​ฮ้าย​ออก มัน​ก็​ยอม​ออก”

ลูก๋า 9:1

พระเยซู​ฮ้อง​สาวก​สิบ​สอง​คน​มา แล้ว​หื้อ​สิทธิ​อำนาจ​หมู่​เขา​ไล่​ผี​ฮ้าย​กับ​ฮักษา​โรค​ต่างๆ หื้อ​หาย​ได้

กิจก๋าน 17:19

หมู่​เขา​จึง​ปา​เปาโล​ไป​ตี้​สภา​อาเรโอปากัส แล้ว​ถาม​ว่า “จ้วย​อธิบาย​กำสอน​ใหม่​ของ​ต้าน​หื้อ​หมู่​เฮา​ฮู้​น่อย​ว่า​เป๋น​จาใด