มัทธิว 2:2 - พระคริสตธรรมคัมภีร ภาคพันธสัญญาใหม

² ถาม​ว่า “หละอ่อน​คน​นั้น ตี้​เกิด​มา​เป๋น​กษัตริย์​ของ​จาว​ยิว​อยู่​ตี้​ไหน หมู่​เฮา​ฮู้​ว่า​ต้าน​เกิด​มา​แล้ว ย้อน​หัน​ดาว​ตี้​แสดง​เถิง​ก๋าน​เกิด​ของ​ต้าน​ป๋ากฏ​ขึ้น​มา​ตัง​วันออก ก็​ปา​กั๋น​เตียวตาง​มา​ตี้​นี่​เปื้อ​นมัสก๋าน​ต้าน”

มัทธิว 2:2 Iomraidhean Croise

มัทธิว 2:3

เมื่อ​กษัตริย์​เฮโรด​ได้​ยิน​จาอั้น ก็​ตุ๊ก​อก​ตุ๊ก​ใจ๋​ขนาด หมู่​จาว​กรุง​เยรูซาเล็ม​ก็​ปา​กั๋น​ตุ๊ก​ใจ๋​ตวย

มัทธิว 21:5

“หื้อ​บอก​จาว​เมือง​ศิโยน​ว่า ‘ผ่อ​หั้น​ลอ กษัตริย์​ของ​หมู่​เจ้า​ก่ำลัง​มา​หา​เจ้า​ตังหลาย พระองค์​สุภาพ​อ่อนโยน​ขี่​หลัง​ลา ขี่​หลัง​ลูก​ลา​มา’ ”

มัทธิว 27:11

หมู่​เขา​ปา​พระเยซู​ไป​ยืน​อยู่​ต่อหน้า​เจ้าเมือง​ปีลาต ปีลาต​ถาม​พระเยซู​ว่า “ต้าน​เป๋น​กษัตริย์​ของ​จาว​ยิว​กา” พระองค์​ก็​ตอบ​ว่า “ต้าน​อู้​แล้ว”

ลูก๋า 19:38

“ขอ​พระเจ้า​ปั๋น​ปอน​กษัตริย์​ผู้​ตี้​มา​ใน​นาม​องค์​พระผู้เป๋นเจ้า สรรเสริญ​พระเจ้า จง​มี​สันติสุข​ใน​สวรรค์​กับ​ขอ​หื้อ​พระเจ้า​ได้ฮับ​เกียรติ​สูงสุด”

ลูก๋า 2:11

คือ​ว่า​วัน​นี้ พระ​ผู้​จ้วย​หื้อ​รอด​ป๊น​บาป​โต้ษ​ของ​ต้าน​ตังหลาย คือ​พระคริสต์ องค์​พระผู้เป๋นเจ้า​มา​เกิด​ตี้​เมือง​เบธเลเฮม บ้าน​เกิด​ของ​กษัตริย์​ดาวิด

ลูก๋า 23:3

ปีลาต​ซัก​ถาม​พระเยซู​ว่า “ต้าน​เป๋น​กษัตริย์​ของ​จาว​ยิว​กา” พระองค์​ก็​ตอบ​ว่า “ต้าน​อู้​แล้ว”

ลูก๋า 23:38

มี​ป้าย​เขียน​ข้อความ​ติด​ไว้​เหนือ​หัว​พระองค์​ว่า “คน​นี้​คือ​กษัตริย์​ของ​จาว​ยิว”

ยอห์น 1:49

นาธานาเอล​ก็​บอก​ว่า “อาจ๋ารย์ ต้าน​เป๋น​พระบุตร​ของ​พระเจ้า กับ​เป๋น​กษัตริย์​ของ​จาว​อิสราเอล​แต๊ๆ”

ยอห์น 12:13

หมู่​เขา​ก็​ปา​กั๋น​เอา​กิ่ง​ปาล์ม​ไป​ต้อนฮับ​พระองค์​แล้ว​โห่​ฮ้อง​ว่า “โฮซันนา” “ขอ​พระเจ้า​ปั๋น​ปอน​ผู้​ตี้​มา​ใน​นาม​องค์​พระผู้เป๋นเจ้า​เต๊อะ​เน่อ” “ขอ​พระเจ้า​ปั๋น​ปอน​กษัตริย์​อิสราเอล​เต๊อะ​เน่อ”

ยอห์น 18:37

ปีลาต​เลย​บอก​พระองค์​ว่า “ถ้า​จาอั้น ต้าน​ก็​เป๋น​กษัตริย์​หนะ​ก่า” พระเยซู​ก็​บอก​ว่า “ต้าน​อู้​ว่า​เฮา​เป๋น​กษัตริย์​ก็​แม่น​แล้ว จาอั้น เฮา​เลย​มา​เกิด​ใน​โลก​นี้​เปื้อ​เป๋น​พยาน​หื้อ​กับ​ความ​จริง กับ​กู้ๆ คน​ตี้​ฮัก​ความ​จริง​ก็​ฟัง​เสียง​ของ​เฮา”

ยอห์น 19:19

ปีลาต​หื้อ​เขียน​ข้อความ​ติด​ไว้​บน​ไม้​ก๋าง​เขน​ของ​พระองค์​ว่า “เยซู จาว​นาซาเร็ธ กษัตริย์​ของ​จาว​ยิว”

ยอห์น 20:28

แล้ว​โธมัส​ก็​ฮ้อง​ขึ้น​มา​ว่า “องค์​พระผู้เป๋นเจ้า พระเจ้า​ของ​ข้า​พระองค์”

ยอห์น 5:23

เปื้อ​หมู่​คน​ตึง​หมด​จะ​หื้อ​เกียรติ​พระบุตร​เหมือน​ตี้​หมู่​เขา​หื้อ​เกียรติ​พระบิดา คน​ตี้​บ่หื้อ​เกียรติ​พระบุตร หมู่​เขา​ก็​บ่หื้อ​เกียรติ​พระบิดา​ผู้​ตี้​ใจ๊​พระบุตร​มา​ตวย

ยอห์น 9:38

แล้ว​ป้อจาย​คน​นั้น​ก็​อู้​ว่า “พระองค์​เจ้า​ข้า ข้าพเจ้า​เจื้อ​วางใจ๋​ใน​พระองค์” แล้ว​ป้อจาย​คน​นั้น​ก็​กราบ​ไหว้​พระเยซู

ฮีบรู 1:6

เมื่อ​พระเจ้า​ส่ง​พระบุตร​ตี้​เป๋น​ลูก​คน​เก๊า​เข้า​มา​ใน​โลก​นี้ พระองค์​ก็​อู้​ว่า “หื้อ​หมู่​ทูตสวรรค์​ตังหลาย​ของ​พระเจ้า​นมัสก๋าน​พระบุตร”

วิวรณ์ 22:16

เฮา​คือ​เยซู ได้​ส่ง​ทูตสวรรค์​ของ​เฮา​หื้อ​มา​เป๋น​พยาน​กับ​หมู่​ต้าน เกี่ยวกับ​สิ่ง​ต่างๆ หมู่​นี้ เปื้อ​เป๋น​ประโยชน์​แก่​หมู่​ต้าน​ใน​คริสตจักร​ต่างๆ เฮา​สืบ​เจื๊อสาย​มา​จาก​ครอบครัว​ของ​กษัตริย์​ดาวิด เฮา​คือ​ดาว​ประจ๋ำ​ฮุ่ง​ตี้​สุกใส”