มัทธิว 16:3 - พระคริสตธรรมคัมภีร ภาคพันธสัญญาใหม

³ แต่​ถ้า​ต๋อน​เจ๊า​วัน​ใด​ต๊องฟ้า​สี​แดง​กับ​มืด​อึมคึม ต้าน​ก็​จะ​บอก​ว่า ‘วัน​นี้​ฝน​จะ​ตก’ ต้าน​ตังหลาย​แยง​ผ่อ​ต๊องฟ้า​แล้ว​ก็​ฮู้​ว่า​อากาศ​วัน​นี้​จะ​เป๋น​จาใด แต่​เมื่อ​ต้าน​หัน​สิ่ง​ตี้​เฮา​เยียะ​มา เยียะ​หยัง​ต้าน​ตังหลาย​ยัง​บ่ฮู้​บ่เข้าใจ๋​ว่า​หมายเถิง​อะหยัง​เตื้อ

มัทธิว 16:3 Iomraidhean Croise

มัทธิว 11:5

คือ​คน​ต๋าบอด​ก็​ผ่อ​หัน​ได้ คน​ง่อย​ก็​เตียว​ได้ คน​ขี้ตู้ด​ก็​หาย​สะอาด คน​หู​หนวก​ก็​ได้​ยิน คน​ต๋าย​ก็​เป๋น​ขึ้น​จาก​ความ​ต๋าย กับ​คน​ตุ๊ก​คน​ยาก​ก็​ได้​ฟัง​ข่าวดี

มัทธิว 15:7

หมู่​ต้าน​เป๋น​คน​หน้า​ซื่อ​ใจ๋​ก๊ด อิสยาห์​อู้​ถูก​แต๊ๆ ตี้​ตวายตั๊ก​เถิง​ต้าน​ตังหลาย​ว่า

มัทธิว 22:18

แต่​พระเยซู​ฮู้​กำกึ๊ด​ฮ้าย​ของ​หมู่​เขา พระองค์​เลย​อู้​ย้อน​ไป​ว่า “หมู่​คน​หน้า​ซื่อ​ใจ๋​ก๊ด ต้าน​จะ​มา​จับ​ผิด​เฮา​เยียะ​หยัง

มัทธิว 23:13

“ความ​ฉิบหาย​ก็​จะ​เกิด​กับ​หมู่​ธรรมาจ๋ารย์​กับ​หมู่​ฟาริสี ย้อน​ว่า​หมู่​เจ้า​เป๋น​คน​หน้า​ซื่อ​ใจ๋​ก๊ด หมู่​เจ้า​ได้​กีด​กั๋น​คน​อื่น​บ่หื้อ​ไป​แผว​แผ่นดิน​สวรรค์ เซิ่ง​หมู่​เจ้า​ก็​บ่ยอม​เข้า​ไป เมื่อ​คน​อื่น​ฮิ​จะ​เข้า​ไป หมู่​เจ้า​เอง​ก็​ขวาง​ไว้​เหีย​

มัทธิว 4:23

พระเยซู​เตียวตาง​ไป​ใคว่​แคว้น​กาลิลี เปื้อ​เตสนา​สั่ง​สอน​ใน​ธรรมศาลา​ของ​จาว​ยิว กับ​บอก​ข่าวดี​เรื่อง​แผ่นดิน​ของ​พระเจ้า​หื้อ​คน​ฮู้ ป๋าย​บ่ปอ​ยัง​ฮักษา​คน​เป๋น​พยาธิ​ต่างๆ หื้อ​หาย​ตวย

มัทธิว 7:5

คน​หน้า​ซื่อ​ใจ๋​ก๊ด หื้อ​จั๊ก​ไม้​ตึง​ดุ้น​ออก​จาก​ต๋า​ตั๋ว​เก่า​เหีย​ก่อน แล้ว​จะ​ได้​ผ่อ​หัน​ถี่ๆ ก่อน​ตี้​จะ​ไป​เขี่ย​ขี้ฝุ่น​ออก​จาก​ต๋า​ของ​ปี้น้อง​ได้

ลูก๋า 11:44

ความ​ฉิบหาย​ก็​จะ​เกิด​กับ​เจ้า​ตังหลาย ย้อน​หมู่​เจ้า​เผียบ​เหมือน​อุโมงค์​ฝัง​ศพ​ตี้​คน​บ่ฮู้​ว่า​มี​ศพ​ฝัง​อยู่​หั้น คน​จะ​เตียว​ย่ำ​ไป​ย่ำ​มา​โดย​บ่ฮู้​เรื่อง”

ลูก๋า 12:56

เออ คน​หน้า​ซื่อ​ใจ๋​ก๊ด ต้าน​ตังหลาย​ฮู้จัก​ตี๋​ความหมาย​ของ​สิ่ง​ตี้​เกิด​ขึ้น​บน​แผ่นดิน​กับ​ต๊องฟ้า แต่​เป๋น​จาใด​ต้าน​ตี๋​ความหมาย​สิ่ง​ตี้​พระเจ้า​ก่ำลัง​เยียะ​อยู่​ใน​สมัย​นี้​บ่ได้

ลูก๋า 13:15

พระเยซู​ตอบ​เขา​ว่า “คน​หน้า​ซื่อ​ใจ๋​ก๊ด เจ้า​ตังหลาย​ได้​แก้​เจื้อก​งัว​เจื้อก​ลา ปา​มัน​ออก​คอก​ไป​กิ๋น​น้ำ​ใน​วัน​สะบาโต​บ่ใจ้​กา

ฮีบรู 5:14

แต่​ของกิ๋น​แข็งๆ นั้น​เหมาะ​สำหรับ​คน​ใหญ่​ตี้​ได้​เฝิ็ก​จ๋น​สามารถ​ฮู้​ว่า​สิ่ง​ใด​ดี​สิ่ง​ใด​บ่ดี