ลูก๋า 9:48 - พระคริสตธรรมคัมภีร ภาคพันธสัญญาใหม

⁴⁸ แล้ว​บอก​หมู่​เขา​ว่า “ใผ​คน​ใด​ตี้​ต้อนฮับ​คน​ตี้​เป๋น​เหมือน​หละอ่อน​หน้อย​จาอี้​ย้อน​หัน​แก่​เฮา ก็​เผียบ​เหมือน​กับ​ว่า​คน​นั้น​ได้​ต้อนฮับ​เฮา​ตวย คน​ใด​ต้อนฮับ​เฮา​คน​นั้น​ก็​ได้​ต้อนฮับ​ผู้​ตี้​ใจ๊​เฮา​มา ย้อน​ว่า​ใผ​เล็ก​หน้อย​ตี้​สุด​ใน​หมู่​ต้าน คน​นั้น​ละ​เป๋น​ใหญ่​ตี้​สุด”

ลูก๋า 9:48 Iomraidhean Croise

มัทธิว 18:10

“หละวัง​หื้อ​ดี ห้าม​ดูถูก​ดู​แควน​คน​ตี้​ต่ำต้อย​หมู่​นี้​แม้​แต่​คน​เดียว เฮา​ขอ​บอก​หื้อ​ต้าน​ตังหลาย​ฮู้​ว่า ทูตสวรรค์​ประจ๋ำ​ตั๋ว​ของ​หมู่​เขา​เข้า​เฝ้า​พระบิดา​ของ​เฮา​ตี้​ใน​สวรรค์​ตลอด

มัทธิว 18:14

ก็​เหมือน​เดียว​กั๋น​กับ​พระบิดา​ของ​ต้าน​ตังหลาย​ตี้​อยู่​ใน​สวรรค์ ก็​บ่ใค่​หื้อ​คน​ต่ำต้อย​หมู่​นี้​คน​ใด​คน​นึ่ง​หลง​หาย​ไป​แม้​แต่​คน​เดียว

มัทธิว 19:28

พระเยซู​ตอบ​ว่า “เฮา​บอก​ความ​จริง​แก่​ต้าน​ตังหลาย​ว่า ใน​ยุค​ใหม่ บุตรมนุษย์​จะ​นั่ง​บน​บัลลังก์​อัน​ยิ่งใหญ่ แล้ว​ต้าน​ตังหลาย​ตี้​ได้​ตวย​เฮา ก็​จะ​ได้​นั่ง​บน​บัลลังก์​สิบ​สอง​ตี้ เปื้อ​ตัดสิน​สิบ​สอง​ผะกุ๋น​ของ​คน​อิสราเอล

มัทธิว 25:40

“แล้ว​พระองค์​ผู้​เป๋น​กษัตริย์​จะ​ตอบ​หมู่​เขา​ว่า ‘เฮา​บอก​ความ​จริง​แก่​ต้าน​ตังหลาย​ว่า เมื่อใด​ก็​ต๋าม​ตี้​หมู่​ต้าน​เยียะ​กับ​คน​ตี้​ต่ำต้อย​ตี้​สุด​คน​นึ่ง​ใน​หมู่​ปี้น้อง​ของ​เฮา ก็​เหมือน​ต้าน​ตังหลาย​ได้​เยียะ​ต่อ​เฮา​ตวย’

มัทธิว 25:45

“พระองค์​จะ​ตอบ​ว่า ‘เฮา​บอก​ความ​จริง​แก่​เจ้า​ตังหลาย​ว่า อะหยัง​ก็​ต๋าม​ตี้​เจ้า​ตังหลาย​บ่ได้​เยียะ​กับ​คน​ต่ำต้อย​ตี้​สุด​คน​นึ่ง เจ้า​ตังหลาย​ก็​บ่ได้​เยียะ​ต่อ​เฮา​เลย’

มาระโก 9:37

“ถ้า​ใผ​จะ​ต้อนฮับ​หละอ่อน​หน้อย​จาอี้​ย้อน​หัน​แก่​เฮา คน​นั้น​ก็​ได้​ต้อนฮับ​เฮา บ่ใจ้​ต้อนฮับ​ก้า​เฮา​เต้าอั้น แต่​ยัง​ต้อนฮับ​ผู้​ตี้​ใจ๊​เฮา​มา​ตวย”

ลูก๋า 10:16

พระเยซู​บอก​หมู่​สาวก​ว่า “คน​ตี้​ฟัง​ต้าน​ตังหลาย​ก็​ได้​ฟัง​เฮา คน​ตี้​บ่ยอมฮับ​ต้าน​ตังหลาย ก็​บ่ยอมฮับ​เฮา คน​ตี้​บ่ยอมฮับ​เฮา​ก็​บ่ยอมฮับ​ผู้​ตี้​ใจ๊​เฮา​มา”

ลูก๋า 14:11

ย้อน​ว่า​กู้​คน​ตี้​ยก​ตั๋ว​ขึ้น​ก็​จะ​ถูก​เต็ก​หื้อ​ต่ำ​ลง ส่วน​คน​ตี้​ถ่อม​ตั๋ว​ลง​ก็​จะ​ได้ฮับ​ก๋าน​ยก​ขึ้น”

ลูก๋า 22:26

แต่​สำหรับ​หมู่​ต้าน​นั้น​บ่เป๋น​จาอั้น​เน่อ คน​ใด​เป๋น​ใหญ่​ก็​หื้อ​คน​นั้น​เป๋น​คน​เล็ก​หน้อย​ตี้​สุด คน​ใด​เป๋น​นาย​ก็​หื้อ​เป๋น​คน​ฮับใจ๊

ลูก๋า 22:30

เปื้อ​หมู่​ต้าน​จะ​ได้​กิ๋น​ได้​ดื่ม​ฮ่วม​โต๊ะ​กับ​เฮา​ใน​แผ่นดิน​ของ​เฮา กับ​ต้าน​ตังหลาย​จะ​ได้​นั่ง​บน​บัลลังก์ เปื้อ​ตัดสิน​สิบ​สอง​ผะกุ๋น​ของ​คน​อิสราเอล

ลูก๋า 7:28

เฮา​บอก​ต้าน​ตังหลาย​ว่า ใน​หมู่​คน​ตี้​เกิด​มา​นั้น​บ่มี​ใผ​ตี้​ยิ่งใหญ่​เหลือ​ยอห์น แต่​คน​เล็ก​หน้อย​ตี้​สุด​ใน​แผ่นดิน​ของ​พระเจ้า ก็​ยัง​ใหญ่​เหลือ​ยอห์น​แหม​ก่อน”

ยอห์น 13:20

เฮา​บอก​ความ​จริง​แก่​ต้าน​ตังหลาย​ว่า คน​ตี้​ยอมฮับ​คน​ตี้​เฮา​ใจ๊​ไป ก็​ยอมฮับ​เฮา​ตวย กับ​คน​ตี้​ยอมฮับ​เฮา​ก็​ยอมฮับ​ผู้​ตี้​ใจ๊​เฮา​มา”

ยอห์น 14:21

คน​ตี้​ยอมฮับ​กำ​สั่ง​ของ​เฮา​กับ​เยียะ​ต๋าม​นั้น​ก็​เป๋น​คน​ตี้​ฮัก​เฮา แล้ว​พระบิดา​ของ​เฮา​ก็​จะ​ฮัก​เขา กับ​เฮา​ก็​จะ​ฮัก​เขา​ตวย กับ​จะ​เปิดเผย​เรื่อง​ของ​เฮา​หื้อ​เขา​ฮู้”

1 เธสะโลนิก๋า 4:8

คน​ใด​บ่เอา​กฎ​ระเบียบ​ข้อ​นี้ เขา​บ่ใจ้​บ่ยอมฮับ​ก้า​มนุษย์​เต้าอั้น แต่​บ่ยอมฮับ​พระเจ้า​ผู้​มอบ​พระวิญญาณ​บริสุทธิ์​หื้อ​กับ​ต้าน​ตวย

1 เปโตร 5:6

ย้อน​จาอั้น หื้อ​หมู่​ต้าน​ถ่อม​ตั๋ว​ลง​อยู่​ใต้​อำนาจ​อัน​ยิ่งใหญ่​ของ​พระเจ้า เปื้อ​เมื่อ​เถิง​เวลา​ตี้​พระองค์​ก๋ำหนด​ไว้ พระองค์​จะ​ยก​หมู่​ต้าน​ขึ้น

วิวรณ์ 21:14

ก่ำแปง​เมือง​แป๋ง​อยู่​บน​ฐาน​หิน​สิบ​สอง​ก้อน บน​ฐาน​หิน แต่​ละ​อัน​นั้น​มี​จื้อ​ของ​อัครทูต​สิบ​สอง​คน​ของ​ลูก​แกะ​ตั๋ว​นั้น​เขียน​ติด​ไว้​คน​ละ​ฐาน

วิวรณ์ 3:21

เฮา​จะ​หื้อ​สิทธิ์​กับ​คน​นั้น​ตี้​มี​ชัย ได้​นั่ง​บน​บัลลังก์​กับ​เฮา เหมือน​กับ​ตี้​เฮา​มี​ชัย​แล้ว​ได้​นั่ง​กับ​พระบิดา​ของ​เฮา​บน​บัลลังก์​ของ​พระองค์