ลูก๋า 9:39 - พระคริสตธรรมคัมภีร ภาคพันธสัญญาใหม

³⁹ ผี​ฮ้าย​เข้า​เขา เยียะ​หื้อ​เขา​ฮ้อง​เสียง​ดัง​บ่า​เดี่ยว​นั้น​เลย กับ​โก้น​ลง​จั๊กดิ้นจั๊กงอ​น้ำลาย​ออก​เต๋ม​ปาก จ๋น​เนื้อ​ตั๋ว​ม้าน​ไป​หมด ผี​ตึง​บ่ออก​จาก​เขา​เลย

ลูก๋า 9:39 Iomraidhean Croise

มาระโก 9:18

ผี​ออก​ฤทธิ์​เมื่อใด จะ​เยียะ​หละอ่อน​คน​นี้​โก้น​ลง​ดิน น้ำลาย​ออก​เต๋ม​ปาก​โจ๊ะโฟ๊ะ ขบ​เขี้ยว​ขบ​กาง​มั่นตึ้ง กับ​ตั๋ว​แข็ง​เกิ็กเดิ็ก ข้าพเจ้า​ขอ​หมู่​สาวก​ของ​ต้าน​ไล่​ผี​นั้น​ออก แต่​หมู่​เขา​ไล่​มัน​ออก​บ่ได้”

มาระโก 9:20

หมู่​เขา​ก็​ปา​หละอ่อน​มา​หา​พระองค์ เมื่อ​ผี​หัน​พระองค์ ก็​เยียะ​หื้อ​หละอ่อน​จั๊ก แล้ว​โก้น​ลง​กิ้ง​ไป​มา​บน​ปื๊น​ดิน กับ​น้ำลาย​ออก​เต๋ม​ปาก​โจ๊ะโฟ๊ะ

มาระโก 9:26

ผี​นั้น​ก็​ไห้ๆ หุยๆ เยียะ​หละอ่อน​คน​นั้น​ดิ้นโจ้ง​ดิ้นจ้าง​อยู่​สัก​กำ​นึ่ง​แล้ว​ก็​ออก​ไป หละอ่อน​ก็​นอน​หนิมผิ้ว​เหมือน​คน​ต๋าย แล้ว​คน​ตังหลาย​ก็​อู้​กั๋น​ว่า “เขา​ต๋าย​แล้ว”

ลูก๋า 4:35

พระเยซู​จึง​สั่ง​มัน​ว่า “จะ​ไป​ปาก​นัก ออก​มา​จาก​เขา​บ่าเดี่ยว​นี้” ผี​ฮ้าย​นั้น​ก็​เยียะ​หื้อ​คน​นั้น​โก้น​ลง​ต่อ​หน้า​คน​ตังหลาย แล้ว​ก็​ออก​จาก​ป้อจาย​คน​นั้น​ไป โดย​คน​นั้น​บ่ได้ฮับ​บาดเจ็บ

ลูก๋า 8:29

ตี้​เขา​อู้​จาอั้น ก็​ย้อน​พระเยซู​ได้​สั่ง​ผี​ฮ้าย​หื้อ​ออก​จาก​เขา ผี​นั้น​เกย​เข้า​เขา​หลาย​เตื้อ เขา​เกย​ถูก​คน​เอา​เจื้อก​เหล็ก​ล่าม​กับ​กุม​เขา​ไว้ แต่​เขา​ก็​สะต๊ก​เจื้อก​เหล็ก​ปุด​หมด กับ​ผี​ฮ้าย​ก็​ปา​เขา​เข้า​ไป​อยู่​ใน​ป่า​คน​เดียว

ลูก๋า 9:38

มี​ป้อจาย​คน​นึ่ง​ใน​คน​ตังหลาย​ตี้​มา​นั้น​เอิ้น​พระองค์​ว่า “อาจ๋ารย์​ครับ ขอ​ไป​ผ่อ​ลูก​ข้าพเจ้า​หน้อย ข้าพเจ้า​มี​ลูก​คน​เดียว​เต้าอั้น

ลูก๋า 9:40

ข้าพเจ้า​ขอ​หมู่​สาวก​ของ​ต้าน​ไล่​ผี​นั้น​ออก แต่​หมู่​เขา​ไล่​มัน​ออก​บ่ได้”

ยอห์น 8:44

หมู่​ต้าน​มา​จาก​ป้อ​ของ​หมู่​ต้าน​คือ​มาร แล้ว​หมู่​ต้าน​ก็​ใค่​เยียะ​ต๋าม​ความ​ต้องก๋าน​ของ​ป้อ​หมู่​ต้าน ตั้งแต่​เก๊า​มาร​ก็​เป๋น​ฆาตกร และ​บ่เกย​อยู่​ฝ่าย​ความ​จริง​เลย ย้อน​มัน​บ่มี​ความ​จริง​ใน​ตั๋ว​ของ​มัน เมื่อ​มัน​อู้​กำ​จุ มัน​ก็​เยียะ​ต๋าม​สันดาน​ของ​มัน ย้อน​ว่า​มัน​ขี้​จุ​กับ​เป๋น​ป้อ​ของ​ก๋าน​จุ

1 เปโตร 5:8

หื้อ​หมู่​ต้าน​ควบคุม​ตั๋วเก่า กับ​เฝ้า​หละวัง​ตื่น​ตั๋ว​หื้อ​ดี ย้อน​มาร​ตี้​เป๋น​ศัตรู๋​ของ​หมู่​ต้าน​เป๋น​เหมือน​สิงโต​คำราม​เตียว​เซาะ​หา​เหยื่อ​กิ๋น​ไป​ทั่ว

วิวรณ์ 9:11

จั๊กแต๋น​หมู่​นี้​มี​ทูต​ของ​ขุม​ตี้​เลิ็ก​ตี้​สุด เป๋น​กษัตริย์​ปกครอง​หมู่​มัน​อยู่ ทูต​องค์​นี้​มี​จื้อ​ภาษา​ฮีบรู​ว่า อาบัดโดน กับ​ภาษา​กรีก​ว่า อปอลลิโยน (​คือ​ผู้​ทำลาย​)